تكفون يابنات الكويت

مرحبا ابي منكم طلب وما ابي تردوني ابي طريقت صالونا الحم والله يجزاها الجنه الي تعلمني الطريقه الي هيه وشكران.

8 تعليق 1,436 مشاهدة

شاركي في النقاش

سجلي الدخول لإضافة تعليق.

التعليقات

8
  1. أم رولا .....( الصالونة) يعنى مرق لحم صح ولا أنا غلطانة وأذا صح تبينها على أيش يعنى ( باميه أو خضار أو أي صنف ثاني ) .
    وحاضرين حبيبتى ،،
  2. @am_rola_1

    صاحبة الموضوع
    مشكورات خواتي ابيها بلحم بس اكلها زوجي بمطعم هندي ونهبل عليها وقلت ان مالي ال خواتي بنات الكويت والله يعطيكم الف عافيه وانا في انظاركم :26:
  3. @bashamyl

    و خواتج الكويتيات ان شاء الله ما يقصرون معاج :)
    و افهم من كلامك انك تبين مرق اللحم الهندي .. صح ؟

    هذي الطريقة ماخذتها من كتاب المطاحن الكويتية .. و اهيا فعلا روووووووووعه
    دايما اسويها و الكل يمدح فيها و تراها سهله

    المقادير:
    - 20 قطه من اللحم الهبر بدون عظم " أنا استخدمها مرات للحم بعظم و ما اتقيد بعدد القطع بس اقدر الكميه و ازيدها على هالاساس "
    -3 ملعقة كبيرة معجون طماط
    - 1 ملعقة صغيرة ثوم مدقوق
    - 2 ملعقة صغيرة فلفل أخضر حار مفروم " أنا استخدم أقل لأني ما أحب الحار وايدر"
    - 3 ملعقة كبيرة كزبر أخضر مفروم
    - 4 ملاعق كبيرة زبدة
    - 1 ملعقة كبيرة زيت
    - 4 ملعقة كبيرة روب زبادي
    - 2 ملعقة صغيرة جتني المانجا " أجار المانجا الهندي الجاهز اللي بالسوبر ماركت " و إذا مافيه لا يضيق خلقك سويها بدونه لاني ياما نسيت اضيفه بس اضافته أكيد أحلى
    - ثلاثة أرباع كوب حليب جوز الهند " و هذا السر في كثافة المرق و طعمه المميز "
    - ملح - بهار مخلوط أو جرام ماسالا - فلفل أحمر - كزبر ناشف و بودر - بصلة - و 2 ثوم

    الطريقة :
    - تسلق قطع اللحم مع بصلة و فصين ثوم حتى ينضج نوعا ما .
    - في ماعون نخلط المعجون و الروب و البهار المخلوط و الفلفل الاحمر الحار و الثوم و الجتني و الملح و الكزبرة الناشفة .
    - تسخن الزبدة مع الزيت ثم توضع قطع اللحم و تحمر جيدا . ثم تضاف خلطة الروب و البهارات و يترك على نار هاديه لما ينضج اللحم
    - يضاف الفلفل الأخضر و الكزبرة الخضراء و حليب جوز الهند و يخلط جيدا و يترك على نار هاديه لحين التقديم .

تابعي تجارب أخرى من هذا القسم.