ملف استشارة يوميه ...4

اهلا يااماني

شوفي انا روحت القصواء بعد لما تهت ووصلت بصعوبة جدا

المحل رااائع بجد وفيه كل حاجه تتخيليها

بس فيه حاجات اسعارها مبالغ فيها شويتين

لقيت هناك قوالب السيليكون قاللي فيه نوع ايطالي ونوع صيني

القالب فيه 6 عيون وفيه قوالب فيها 9 عيون بأشكال كتيرررر

وطبعا قوالب التارت وقطاعات التشيز كيك هناك بكل اشكالها واحجامها

لقيت فرخ السيليكون بس ماجبتوش .. حجمه كبير على الفرن اللي عندي ومالاقيتش حجم أصغر

قاللي انه فيه عنده فرخ ورق عليه ألوان وأشكال علشان تطبع على الشوكولاته انا كدا كدا ماكنتش هاشتريها هخاف من الألوان الصناعية دي بس حب معرفة بس

المهم هو قاللي انها خلصت

دورت على مقص البيتزا اللي روشانا نزلت صورته قبل كدا مالقيتهوش

ومالقيتش قطاعة دونات

لقيت عنده كمان حاجه حلوة للمعجنات والسمبوسة قطاعات بلاستيك على شكل دايرة لما تقفليها على العجين تمسكه في بعضه علشان يبقى نصف دايره مظبوط

ممممم

روحت درب البرابرة كنت عايزة بس قوالب كب كيك ورق لقيته جايب أحجام كتير جدا منها

وجبت قوالب سيليكون للكب كيك زي القالب الورق بالظبط

وبس كدا

لو انتي عايزة حاجه معينة قوليلي لأقولك اذا كانت موجوده أو لاء

انا دي بس الحاجات اللي كنت محتاجاها وبدور عليها بس اتفرجت على المحل كلللللللللللللللللللللللله

شهيره ماهو انت يا شهيره مش هتاكلي كميه منها يعني مش كل يوم بنعمل حلو بالكريم شانتيه وبعدين بذمتك يا شهيره ايه في حياتنا بقي امن وميخوفش المهم عجبك المحل وعلي فكره بالنسبه للشوكلت ترانسفير اللي هو ورق الطباعه علي الكيك ده بيبقي معمول من زبده الكاكاو فمتقلقيش منه خالص.

اماني معلش اصل جدت امور غريبه كده النهارده ووالله مكنتش عارفه ان انت معلش عمتا هحاول اكلمك علي النت واطمنك ولو حتي اوف لاين .

شوشو عجبك المحل دي اهم حاجه هو فعلا عنده حاجات تحفه وبالذات القوالب السيليكون التركي والقطاعات تحفه برده عنده بس هو غالي انا بصراخه شيفه كده المهم لاقيتي اللي انت عاوزاه.

كوكو هانم دا تهديد بالنسبه لموضوع الشوربهه ولا ايه وقوالب السيليكون هتلاقيها عند درب البرابره اشكال والوان الصغيره ب2 ج ونصف واغلي حاجه ب36 ج بس مصيحه من اختك هتستعمليها علي البارد اوكيه هتدخليها الفرن لا لاني مش واثقه فيهم

يا بنات ادعو لشريف اخويا ربنا يفك كربه بكره وينصره وييسرله امره

رشا انا كنت سألتك على طريقة البتزا بتاعتك طنشتينى ليه؟
ابله دينا اعتقد المحل اللى فى روكسى ده بتاع الايس كريم هو قويدر