الموضوع مغلق

رمضانك بعيداً عن اهلك في العراق..........أدخلي وتعللي ويانة وسحورك علينة

@aghl_otn

بسم الله الرحمن الرحيم والصلاة والسلام على اشرف المرسلين

:27: اخواتي وبنات وطني الغالي مبارك عليكم حلول شهر رمضان الفضيل اعاده الله علينا باليمن والبركات. داعين المولى عز وجل ان يرفع الغمة عن اهلنا وعراقنا ويرحمهم ويرحمنا برحمته انه سميع مجيب.

:( نستهل موضوعنا بقرأة الفاتحة على ارواح الشهداء من ابناء وطننا داعين الله جل جلاله ان يرحمهم ويسكنهم فسيح جناته مع الشهداء الابرار.

:) هدية رمضان هو موقع القرآن الكريم وهو موقع لتلاوة القرآن وحفظه عسى ان ننتفع منه جميعا لختم القرآن خلال هذا الشهر الفضيل .
ًًwww.quran.muslim-web.com


:27: وهمتكم يا بنات تره بعد ماكو نوم :40: :03: (يعني مو كلش ماكو فد مرة ) هو شهر واحد بالسنة وما يتكرر وهنيالة اللي صامه كله بدون انقطاع (ولو احنة عدنة عذر شرعي :35: ).

:27: اليوم اول يوم من ايام الشهر الفضيل وخلي نشوف البنات شسووا على الفطور .بالنسبة الي ماراح اسوي اي شىء زايد مثل كل سنة راح اكتفي بس بشوربة العدس والزلاطة وطابخة برغل + chicken nuggets طبعاً اضافة للتمر واللبن
لان عندي امتحانات :3_3_103: ودوام وماالحق.والصراحة الصراحة ما اريد ازيد شكم كيلو على رمضان مثل كل سنة :10_8_9: والسحور كبد محموس +تمرولبن

50 تعليق 3,911 مشاهدة

0 0

شاركي في النقاش

سجلي الدخول لإضافة تعليق.

التعليقات

50

  1. @am_aabdalkadr

    السلام عليكم
    كل عام وانتو بالف خير
    انشاءالله رمضان الخير على كل العراقيين وامه محمد
    ينعاد علينا السنه القادمه والعراق بخير واحسن من الاول ..قولوا امين
    مبروك الموقع الجديد
    هسه كلش زين اغلى وطن .. الموضوع ده يفتح
    عاشت ايدج
    اني اليوم انشاء الله راح ابدي بختمه القران والله يسهلها علينا وعليكم
    اما بالنسبه للفطور .. فراح اسوي انشاء الله شوربه وتمن ومرقه دجاج وزلاطه بيها كل شيء ..
    وبقى عندي من البارحه شاورمه الدجاج الي علمتنياها اغلى وطن ..اويلي اشكد طيبه ..دا اسويها كل فترة ويه خبز الرقاق ....والف الشاورمه بالخبز ((يعني مثل لفة الشاورمه مالت الساير )) تتذكروها ؟؟..وبعدين احمص اللفه كلها بالطاوة ..تصير ..تخبل .. جربوها يا بنات .
    اما السحور ..فأعتقد شراح يبقى على الفطور نأكله بالسحور ..
    اغلى وطن ساعه بيش فطوركم راح يكون بالضبط ..اعتقد احنه 7 الاخمس دقايق ..يمكن انتو همين مثلنه مو ؟؟ ياريت تقترح كل وحده شراح تسوي فطور باجر علمود نتعاون بالافكار .

  2. @aghl_otn

    صاحبة الموضوع
    :27: وانت بخير يام عبد القادر وكل البنات بخير
    وبالعافية عليج الشاورمة
    :) بشريني عجبج اسم الموضوع لو لأ

    :time: وبالنسبة للفطور فاحنة عدنةالساعة 6.23
    انتِ وين ساكنة

  3. @um_najeeb

    السلام عليكم خواتي......................

    كل عام وانتو بخير ..ان شاء الله يعود عليكم رمضان بالصحة والعافية ويزيل الهم عن اهالينا اللي بالعراق ......
    اشلونكم خواتي حبيت اسلم عليكم ..اختكم من بغداد بس صارلي 10 سنين عايشة ب لندن...ومشتاقة اسمع صوت المدفع .... :( واللمة فوك الفطور :( ...الله كريم ..يا الله اشوفكم بعدين ..
    صدك نسيت ..ممكن تكلولي اشلون اسوي الشاورمة ..اذا ماكو زحمة :D

    اختكم ام نجيب

  4. @albghdady

    هاي شنو كلكم عدكم اليوم رمضان , بس اني رمضانا باجر. على كل حال رمضان كريم على الجميع ان شاء الله وينعاد علينا وعليكم بالخير والعافية ونرجع البلدنا وهناك نحس برمضان من صدك.
    اغلى وطن زين والله زوجك يرضى بالنكت فطور هاي لو اني يشرني على الحبل ( لا خطية بس همين مرات يتساهل :39: ) .
    ام نجيب هلا بيج بالمنتدى.
    ام عبدالقادر ... شلونه الصيام وياج؟ هو اكيد اول ايام صعبة حتى المو حامل , الله يكويج.
    خلي كل وحدة تحجيلنا شنو الأشياء المميزة في رمضان في البلد اللي عايشة بيه.

  5. @aghl_otn

    صاحبة الموضوع
    :27: وانت بخير عيني um najeeb
    والله احنة هم مشتاقين لتكبيرة الاذان والمدفع ولكلشي حلو بالعراق. ولزنود الست والبقلاوة :32: :06: .كلهه ان شاء الله ترجع رب العالمين قادر على كلشي.

    :cook: وبالنسبة لطريقة عمل الشاورمة فتلكيهه في موضوع (انت من العراق ........ تفضلي اهلا وسهلا بك ) صفحة 23 وهم رااح تلكين وصفات حلوة من البنات للكبة والتبسي والدجاج جربيهه كلش طيبة.

    :27: البغدادية
    يمعودة خليهه سكتة. مو اني بكل رمضان اسوي اشكال الوان فابو الشباب يدوس زايد بالاكل طبعا اني وياه :D وبعدين النتيجة تشوفيهه بالعيد. هاية السنة الطبيب وصاه ينزل من وزنه فصارت الامور من صالحي :) .

تابعي تجارب أخرى من هذا القسم.