شاركي في النقاش

سجلي الدخول لإضافة تعليق.

التعليقات

879
  1. @noralord

    ان شاء الله اختي وادعي لك ولجميع اخواتي المؤمنات ربي ينحفنا من غير شر ولا ضرر امين رب العالمين
  2. @om_samar_1

    صاحبة الموضوع
    امين يانور ولك مثلهاا ومشكووره على وجودك ومتابعتك منووووره


    نكمل وصفات الدجاج


    دجاج بالفلفل الاحمر

    3ارطال اجزاء الدجاج
    نصف قالب زبده
    ربع كوب زيت نباتي
    اثنين وثلاث ارباع كوب بصل مقطع
    4فصوص ثوم مقطع
    4ملاعق كبير فلفل احمر مفروم
    نصف كوب مرق دجاج
    كوب ماء
    كوبين كريمه رائبه


    سخني الفرن من 375 الى 400
    اقلي الدجاج في الزيت والزبده
    حتى تصفر من كل الجوانب وانقليها لطبق
    اضيفي البصل والثوم للفرن واقلي حتى تصفر
    اضيفي الفلفل الاحمر ومرق الدجاج والماء والكريمه الرائبه وسخني برفق 10 ق
    رجعي اجزاء الدجاج واطهيها بالفرن حوالي 45 ق او حتى ينضج


    رغيف اللحم

    2رطل خليط لحوم مقطعه( ضان ,عجل ,بقر)
    ملعقتين مسحوق فلفل احمر
    بيضتين
    3 فص ثوم مفروم
    2 ملاعق بقدونس
    2 ملعقه كبيره صلصه ورشستر شير
    ملح


    جهز الفرن 375
    اخلطي جميع المقادير السابقه
    ضعي اللحم في صينيه اوقالب خبز الارغفه مدهونه بالزيت
    دعيها في الفرن 45 ق الى ساعه


    6 اشخاص
    3.2جم للفرد



    للموضوع بقيه ان شاءالله
  3. @am_mash

    ام سامر ياليت تجاوبيني على اسئلتي ..
    انا من زمان متبعه دشتي لكن عندي بعض المفاهيم الخاطئه بصراحه كنت اكثر سلطه واظنها هي اللي بطئت نزولي ..

    بسألك مقدار السلطه المسموح لي باليوم الواحد .. يعني طماط وخيار وخس .. الخ ابي اعرف الخضار اللي اقدر اكلها باليوم

    اهم شي الكميه ؟ وكذالك الجبن ,, ابي اعرف الكميه المسموحه باليوم ..

    وبالنسبه للمتبل الفرنسي والروسي هو نفسه المتبل العادي اللي نعرفه وهل له طريقه معينه او ينباع جاهز وموجود عندنا ؟

    هل في مرحلة الحث شي نحلي فيه ؟

    والبانكيك بالمرحله الاولى ولا متى ؟ وعطيني مقاديره ماعليك امر ..

    طيب بعطيك مثال على نظامي في احد الايام ..

    الفطور : بيض مسلوق وشطه
    الغدا : نص دجاجه متبله ومشويه مع بصل ابيض وليمون وجرجير
    العشا : سلطه فيها طماط وخيار وخس ونعناع وقطع جبن حلوم وحاطه عليها زيت زيتون
  4. @klby_hyl_hsas

    بسألش يالغالية :
    في مرحلة الحث أول يومين يصير آكل جبن المراعي بالقشدة ( الجبنة السايلة ) ان قريت عليها ما لقيت فيها سكر ولا مكتوب فيها كربوهيدرات يعني آكلها مع البيض والبرجر ؟ وبعد يصير جبن قريش أو لا ؟؟
    ما أدري بس أحس إن كل منتجات الألبان فيها كربوهيدرات صحيح أو لا ؟
  5. @ahsaaas_mkhmly

    ربي يسعدك ويخليك

    جيتي بوقتك

    والله اني محبطه ويأسه فوق ماتتخيلي ولي فتره ادور احد يعمل الرجيم عشان اتشجع معاه وابدا

    كنت ماشيه على رجيم بروتيني ونزلت عليه ومن يومها تركت الرجيم وماني قادره ابدا من جديد وشهيتي صارت مفتوحه ولي شهر موقفه

    الرجيم

    بس تحمست وببدا من جديد بس عندي اسئله:

    شريط الكيتونات سألت عليه يالصيدليه وماعرفوه ياليت تكتبي اسمه وكم سعره

    ولو بدات فيه كيف يكون الوضع برمضان ؟

    وايش الفرق بينه وبين دشتي ؟

    والفيتامينات عادي لو استخدمت الكروم والملتي فيتامين والفو فول حق الشعر


    وياليت تكلمين المشرفات نفتح تجمع في قسم الرشاقه واللياقه لو شهر بس

    اشكرك على موضوعك الاكثر من رائع الله يجعله في ميزان حسناتك

تابعي تجارب أخرى من هذا القسم.