تكفون الفزعه يا بنات

انا عندي مشكله و اعتبرها كبييييييييييييييييييييره حييييييييييييل ....مشكلتي اني ما اعرف شنو اسوي عشاء ...كل يوم عندي معاناه ما ادري شنو اطبخ مع العلم ان زوجي هو سبب مشكلتي ... :16: ما يحب المعكرونه و لا الحمايس و لا العيش و لا اللحم ..فبالتالي صار عندي مجال الاختيار محدود حييييييييييييل .....فعاده اسوي بطاط محموس و ناجتس و سلطه خفيفه ....او مرات اجبان ...او شيش طاوووق...و امس ما ادري شنو جاه و اكل بيتزا ....تكفون انقدوني تراني طار مخي :30:

3 تعليق 601 مشاهدة

شاركي في النقاش

سجلي الدخول لإضافة تعليق.

التعليقات

3
  1. سهلة

    اطباق دجاج من دون ارز
    مشاوي دجاج بتتبيلات مختلفة

    اسماك

    خضار مطبوخة بانواعها
    مثلا المحاشي ممكن تعمليها بزيت يعني مع خضار و مع برغل(جريش)بدل الارز
    لوبيا بزيت و كوسا بزيت و بامية بزيت و اطباق الباذنجان بدون لحم

    ممكن اطباق البيض و كثيرة
    كوسا و بيض وعجة و بطاطا و بيض و بندورة وبيض و فول اخضر و بيض و كراث و بيض
    و هليون و بيض و خلطة البيتزا مع بيض و الاومليت المنكهة بنكهات متعددة مع بهارات او زعتر او اعشاب البروفنس

    الحبوب
    ممكن فول او عدس او فاصوليا يابسةو كله متبل مثل الفول

    متبلات
    حمص و باذنجان(عادي او بابا غنوج او مع رمان) و زهرة و بطاطا و كلهم نفس التتبيلة

    فتوش و تبولة و سلطات من كل الانواع

    طبخ البرغل بانواعه
    و اذا خطر على بالي شي ارجع لك ان شاء الله
    واذا ممكن تقراي الي كتبته و تردي عليه تفصيليا حتى نعرف كلنا كيف ممكن نساعدك
    و موفقة ان شاء الله
  2. @bashamyl

    سوي شوربه

    أو سوي بقسم السلطات في سلطات يدخل فيها جبن أو زهره أو باذنجان .. تنفع تكون عشا

    و مرات انا اييب الصمون ( الصاملولي ) و افتحه و ادهنه بجبنه كرافت .. بعدين اذر على بعضه زعتر و بعضه فلفل اخضر و بعضه زيتون مقطه و بعضه اتركه فاضي .. و دخليه الفرن و فتحي النار من فوق ( الشوايه ) .. خليه لما شويه يحمر .. يصير مثل الباشاميل .. يصير لذييييييذ

    و في طريقه بعد اسويها سريعه .. فردي التوست و احشيه بجبنة قشقوان . انا عيالي يحبونه ساده بس انتي تفنني فيه .. خلطيه مع بقدونس او شبنت او زيتون أو فطر .. اللي تحبينه .. و لفي التوسته على الجبنه لما تصير اسطوانه بعدين لفيها بورق قصدير .. و لما تنتهين من الكميه دخليها الفرن . لما تاكلينها تصير الجبنه سايحه و عجيبه مثل الفطاير .. و اقول لك سر . لو كنتوا تستخدمون الفحم بالشتا ( الدوا ) حطيه بوسط اللحم .. موووو طبيعي

    و ممكن تشوين لك بطاط بالفرن . و لما يستوي تفتحينه و تحدين داخله على طول جبن شيدر و زيتون و أي شي تحبينه

    و في شي يشبه البيتزا . اخذي الخبزة الإيرانيه و قطعيها مثلثات . ادهنينها بصلصة البيتزا الجاهزه و نثري عليها الموزريلا و الزيتون و الفلفل الاخضر و اي شي تحبينه و دخليها الفرن .. تطلع رهيبه ..


    و ممكن تشترين الذرة الحب . و لما تطبخينه بالماء و أنا افضل بالبخار .. لما يستوي ضيفي شويه زبده و ليمون و ملح و فلفل اسود .. و قدميه حار


    و في افكار والله كثيره و سهله ..
    و اتمنى اكون فدتك يا الغاليه :)

تابعي تجارب أخرى من هذا القسم.