ملف استشارة يوميه ...4

سلطة بنجر بالزبادي

وهمية معنديش ليها صورة لوحدها لكن هي باينة في صورة العزومة دي

ايون اللي لونها فوشيا دي

بحط في الكبة علبتين زبادي وعليهم بنجراية كبيرة وملح وفلفل وفص توم واضرب
بيطلع لونه فوشيا مش مووف

بس كل الناس بيسالوا عليه وبيبقى شيك
وعلى الوش في النص حطيت بنجر خفيف بيدي لون برضه

كفتة البطاطس بس ملهاش صورة

بكون معصجة اللحمة المفرومة
وبسلق البطاطس واهرسها واحط عليه ملح وفلفل وتوابل وبيضة واضيف اللحمة المفرومة واكرورها او اصبعها وبعدين احطها في البقسماط ويا اما افرزها يا اما احمرها على طوول

مدام محمد تسلمي ايدك اولا على الطريقة
ثانيا بقى :
"الطريقه بقي هتنخلي المقادير الجافه مع يعضها وتعملي حفره في النص تكسري فيها البيضه وتقلبي باديكي لحد ما تختلط مع كل المقادير كويس وتحسي انها دابت في الدقيق خالص تحطي الزبده وتكون خارجه من التلاجه هنا بقي اشتغلي بسرعه جدا من غير ما ايدك تسخن حاولي معلش."
ممكن هنا نستعمل الفود بروسيسور على البلس زي الباي كده ولا هتختلف؟

(ثانيا اسئلي من هنا لبكره انا اصلا عمالاه عشان خطرك بصي يا ستي بعد ما تحطي البيضه وتختلط مع العجين خالص ماشي حطي قطع الزبده وبعدها الميه ولمي هي هتبقي رخمه عشان هتحسي ان العجين مفرول بس لما ياخد الميه تمام هتتلم معاكي متعجنيش قوي ومش ببطن ايدك بجنب ايدك كانك بتلمي حاجه لحد ما تتكور معاكي كده تبقي اوكيه.خلاص لفيها في بلاستك فل او لو معندكيش خطيها بحاجه وعلي التلاجه.




ينفع للرجيم ده(انجليزي ده يا مرسي):39:




لا عشان ده هيصغر حجم الزبده مع الفرد هتسيح خالص وانا مش عاوزاها تسيح