شاركي في النقاش

سجلي الدخول لإضافة تعليق.

التعليقات

2,587
  1. @lolyta_v

    منورين يا بنات فى البرد ده
    انما ايه النشاط ده افتكرتكم تحت البطانيه
    بمناسبة البرد اتغديت عدس وبصل اخضر ولمون وجرجير اتفضلوا بس نسيت اصور
    ووزعت الكيكة الفاشله بتاعتى الله يكون فى عون ايلى هياكلها بس مامتى بتقولىالعيب من الدقيق طعمه وحش زى ما يكون قديم هو اسمه فارينو دو لجميع الاغراض طب انتو بتستخدموا دقيق اسمعه ايه كل واحده شطورة تدخل تقولى بليز نوع دقيقها ايه

    فى دقيق فى الاسواق علبته بيضا ورق كده مكتوب عليه لكل الاستعمالات وهو مستورد بس معبأ فى كينج ديروط هو فى علبه ورق بيضا وفيها خط ازرق متهيالى ده هو دقيق الكويتى ؟؟؟؟؟؟
  2. تادو تسلمي يا قمر انا عندي الجزء الاول والتاني كنت اشتريتهم من ينغازي من حوالي 3 او 4 سنين مش فاكره بالزبط

    وكنت ناويه اطبق وانزل لكم لما يتوفر لي وقت بس علشان خاطر اماني ورشا هانزل لكم الوصفات كتابه

    صحيح ليبيا السفر ليها باه مقرف اكتر من الخليج ههههه تاشيرة وتعاقد ووجع قلب

    حماتي بنتها الله يرحمها مدفونه هنا ومش عارفه تيجي تزور قبر بنتها ربنا ييسر الامور

    نرجع باه للوصفات نبتدي بكيكة الشيكولاته اللي تادو حطت صورتها هي قريبه في فكرتها من الشاتوه بس ممتااااااازه

    وانا جربتها ومضمووونه ان شاء الله (وانا هابتدي بالوصفات اللي جربتها من الكتاب وبعدين اكتب لكم الباقي اللس لسه مش مجرباه )

    مبدايا الكوبايه لكل الوصفات هي كوباية الزبادي

    كيكة الشيكولاته

    5 بيضات - كوب ونصف سكر عادي بس مش خشن -كوب وربع حليب -3/4 كوب زيت - م كبيره بيكنج بودر -م فانيليا

    3 م كاكاو - 2 ونص كوب دقيق

    الطريقه

    السكر +الحليب + الكاكاو على النار حتى الغليان ونتركه يبرد في التلاجه لمدة ساعه

    (يترك كوب من الخليط لتزيين الكيكه)

    نضرب البيض مع الفانيليا لمدة 5 دقايق ثم يضاف الخليط السابق للبيض المخفوق ويضاف الدقيق والبيكنج بودر

    على الخليط السابق وتدخل فرن 25 دقيقه وتترك بعد ذلك تبرد وتزين بالشيكولاته او الكوب اللي محتفظين بيه

    المره الجايه ان شاء الله اكتب لكم

    كيكة الكريم كراميل ودي راااااائعه واعتقد كمان

    مدام شيرين ام ادهم وكتكوته جربوها ونجحت معاهم

    ماشاء الله
  3. تسلم ايديكي ياسما ربنا يكرمك معلش هتعبك معايا ممكن نعرف كوب الزبادي كام جرام؟؟؟؟؟؟؟؟
  4. @frashalrbyaa_1

    السلام عليكم
    لكل سالوا عليه بقوللكم الحمد لله انا بخير بس عايشة في حالة بيات شتوي شوية

    عملت من كام يوم شوية شريك
    كنت عايزة انزل الصور بس الموبايل مش راضي يبعتهم إن شاء الله أنزلهم قريب
    عملت كيلو وشلته في الفريزر وبطلع منه حسب إحتياجي يفك ويرجع كأنه لسة عاملاه
    جزء من العجينة خلطت معاه بشر برتقال طلع رهيب أوي لو كنت عارفة كده كمنت عملت مع كل العجينة

    من خلال تجربتي للعجينة شايفاها تبقى حلوة أوي لو إتعمل بيها شكل الدونات ويتخبز في الفرن
    ويتزين عادي زي الدونات وممكن يترش سكر خرز قبل الخبز وخلاص
    العجينة بجد مميزة وخفيفة وياحلاوتها وهي لسة طالعة من الفرن في البرد الفظيييييييع ده
    المقادير معروفة أوي
    كيلو دقيق
    كوب زيت كوب لبن 3 بيضات وفانليا ومن عندي بشر البرتقال
    خميرة(في الجو الفظيع ده حطيت خميرة كتير يمكن 3 معالق كبار


تابعي تجارب أخرى من هذا القسم.