مركز كامبردج للحمية بجدة

دخلت موقعهم البريطاني و جبت لكم بياناتهم
أنا كنت مفكرة أشترك بالدايت سنتر بس شكلي
بكلم أشوف أسعارهم و طريقتهم كيف و بعدها أقرر ..
المملكة العربية السعودية
مركز كامبردج حمية (المؤسسة الدولية Alkanaah)
سانت التحلية ،
تقاطع شارع حائل ،

أمام مركز البساتين ، هاتف : 2890404

اول مره اسمع عنه بس شكله حماس
طيب بنات مين فيكم جربت وكيف اسعارهم؟!! يعني هو نفس فكرة دايت سنتر ولا الاكل من عندك ولا كيف ارجو الافاده..مييرسي :27:

اتصلت عليهم قالت لي تجين و تدخلين على الأخصائية
و هي تشوف لك كل شئ طول وزن كتلة ... الخ
المهم البرنامج عبارة عن 6 مراحل طبعاً كل مرحلة لها إشتراك لحاله
بس ترى مو نفس طريقة دايت سنتر يعني ما يرسلون لك الأكل جاهز
تقول إنه الأخصائية بعد ما تشوف الوزن و كذا تعطيك ظروف فيها طريقة الأكل حقتك
بس كلها اشياء خفيفة و سريعة ما تآخذ وقت !!..
بس أسعارهم حلوة تقول آخر مرحلة أشتراكها 1500 و نبدأ تقريباً بـ 400 و شئ

اها والله حلو مشكوره ميسم على المعلوماات :27:

كيف اخر مرحلة ب1500 ريال؟


هو نظامهم بالبداية يعتمد على السوائل ومن ثم على البروتينات