ترى على فكرة معلومة أحب أضيفها يا (تروفة الحلوة ) صح الأكل الصحي والرياضة مالنا غنى عنهم لكن مو كل الناس عندهم اراده ويقدروا ينتظموا في الرياضه وهادي الأجهزة بتحرك الدورة
الدموية وتذيب الدهون المتجمدة من سنين وقلت في موضوعي إني ما كنت بسوي رياضة صح لكن كنت بأخفف في الأكل من بعد الساعة 8 مساء يعني مافي ولا شيء ثقيل
آكله .وما قلت إنو الأجهزة لوحدها وصلتني إلى هادي النتيجة لأنوا إرادتي كانت معها لكنها ساعدتني كثيرا في تخسيس الأماكن البارزة لكن السيلوليت إسألي عنه أبداً ما يروح
بالرجيم والمشي لوحده لازم أجهزة خاصة ليه وأسألي الدكاترة عنه!
وكل واحدة في هادا المنتدى بتكتب تجربتها أو بتنصح الناس عشان تفيدهم لكن اكيد ما هتنسى إنوا الناس هيدعو لها لما يستفيدوا وما في احد في هالدنيا ما يبغى دعوة صادقة
تنفعه وانا ما هاكتب عن شيء واشكر فيه بهادي الطريقة إلا إذا كان فعلاً من جد كويس وكل واحدة من حقها تجرب أي شيء من المنتدى او ما تجربه ولا ايش رأيكم؟؟
حبيت أبشركم وحبيت تسمعوا مثل ما سمعت من زوجي في المرة الثانية
متابعة النقاش، صفحة 12