هلا حبيبتي..
احب افيدك من تجربتي الشخصية..انا مثل حالتك اعاني من اكتئاب شديد واهم الاعراض هو انك تلاقيني فجأة انفجر وابكي مع اني مو عارفة السبب ولما افكر في وضعي وقتها ما الاقي اي سبب منطقي للبكاء بل بالعكس تلاقيني في جمعة حلوة ارتاح لها ...المهم
انا كنت مثلك محتارة في الادوية وخايفة ان جسمي يتعود عليها ...المهم يا عمري لا تضيعين وقتك في التفكير وكل ما عشتي فترة اكتئاب طويلة كل ما كانت فترة العلاج اطول وحرام تضيعين عمرك في احزان وهموم وربي مفرج لك وميسر لك الاسباب(اسباب الشفاء,الادوية)
انا لي فترة من 8 شهور استخدم مضاد للاكتئاب اسمه prozac
الحمد لله الحين حالتي احسن بكثير ..اقدر اتفاهم مع عيالي ..مع زوجي..مع امي..اول بصراحة مو طايقتهم وامل من كل شيئ ودائما متذمرة وما يعجبني ولا شيئ ....صحيح فيه اعراض جانبية للدواء بس بصراحة احسن بكثيير من الصراع مع المرض نفسة
اهم الاعراض انك راح تتثاوبين كثيييييييييييير وتملين منه بس ما عليك استمري كلها شهر شهرين والتثاؤب يخف الى ان ينقطع (انا الحين الحمد لله ما اتثاوب كثير)
وترى نتيجة العلاج تبين بعد شهر من استخدامه ..بس اهم شيئ تحافظين على موانع الحمل لان العلاج يسبب تشوهات الله يستر..
حبيبتي حبيت افيدك من تجربتي واللي الى الان وانا اعالج منها وما احب اني اشوف احد يعاني من اشياء حسيت بمرارتها ونصيحة اخيرة لاتضيعي وقتك وابدأي بالعلاج اذا مو عشانك عشان عيالك وزوجك وش ذنبهم تعيشينهم في ذا الهم وضيقة الصدر...
اسفة على الاطالة..
دعائي لك بالشفاء العاجل وجميع مرضى المسلمين
اللي جربت حبوب الاكتئاب تدخل ...
متابعة النقاش، صفحة 6