مناير:
اذا تفكرين تسوينها راجعي الطبيب
هو رح يسوي معاك مقابله و يسألك مجموعة أسئله
و على أساسها يتم تحديد العمليه المناسبه لوضعك...
و ان شاء الله يا رب تنحفين بالصحه و العافيه
مشكوره اختي على التشجيع ما قصرتي
لومي :
والله صادقه السمنه كابوس بالذات بالنسبه لنا احنا الشابات ....
انا اللي بعد مشجعني اسويها الحين مو بس عامل الصحه....حتى الشكل
و خصوصاً انه بعدني صغيره عمري 22 سنه....حابه لما البس فستان يطلع حلو علي
حابه اني لما اطالع حالي بالمرايه احس اني جد حلوه مو بس يضيق خلقي من السمنه
ان شاء الله يارب تتسهل أمورك و يتوفر المبلغ و تسويها و انتي بأتم الصحه و العافيه
مياسه :
هي من ناحية غاليه فهي غاليه تكلفتها 38 ألف...
انا بدأت أفكر فيها بعد مكرمة الملك عبد الله لما شفت اني استلمت 3 مكافآت مره وحده
تحمست فقلت بدفع النص و أبوي بيدفع النص الثاني و لو انه الوالد مو راضي أدفع بس انا مصره
لأن قلبي مو مطاوعني أخليه يدفع كل هالمبلغ و يارب تنحفين و انتي بأتم الصحه و العافيه
مشكورين خواتي على الرد ما قصرتوا
قررت أسوي عملية التحوير ( المتحورات وينهم ؟ )
متابعة النقاش، صفحة 4