شاركي في النقاش

سجلي الدخول لإضافة تعليق.

التعليقات

2,901
  1. @noody30

    السلام عليكم و رحمة الله و بركاته

    تسلم ايديكي يا دندونة على الحاجات الحلوة دي، ربنا يخليكي لينا يا قمر، و بالنسبة للعزومة طالما على العشا يبقى الحاجات اللي اقترحتوها جميلة اوي و ما شاء الله منوعة، هي كمان تنوع بس في العصاير و المشروبات جنب الاكل و تعمل صنف حلو خفيف زي فروت سالاد او جيلي بالفواكه
  2. صاحبة الموضوع
    don
    صباح النور يا فطومة والله دى كانت من السعودية بس انا من فترة شفتلها اعلانات هنا شوفى كدة فى عمر افندى او السوق الحرة
    الفطير المشلتت

    كيلو دقيق -ماء دافئ للعجن - معلقة صغيرة ملح
    سمنة سايحة وزيت
    الطريقة:
    نضع فى العجانة الدقيق والملح
    ثم نضيف الماء الدافىء عليهم
    شوية شوية لحد ماتتكون عندك عجينة متوسطة ناعمة صالحة
    للفرد وتترك الاناء نظيف
    او بايدك بس تعجنى كويس لحد ماتلاقى العجينة تركت ايديكى
    نترك العجينة ساعة علشان ترتاح وتبقى سهلة فى فردها
    نعمل العجينة كلها كور صغيرة قد اليوسفى الصغير ماعادا كرة واحدة نعملها
    اكبر من الباقى يعنى قد البرتقالة
    نضع الكور فى السمنة والزيت ونلفهم بس داير ما يدور
    وتتركيهم نص ساعة بس تكونى عارفة انهى كرة انتى عملتيها
    الاول وانهى كرة الاخيرة علشان لما نبجى نفرد الكور نفرد من
    اول كرة بالدور لحد الاخيرة وليس العكس
    نفرد اول كرة بالنشابة لحد ماتبقى رقيقة خالص
    تدهنى الصينية بالسمن وتفردى فيها اول كرة مفرودة وهكذاا نكرر مع باقى
    الكور كلها وبين الراقات ندهن سمنة كويس بالفرشاة
    لحد ما نبجى عند الكرة الكبيرة ونفردها كويس فوق الطبقات كلها ونلم بيها
    كل طروف الراقات اللى تحتها
    ندخلها فرن ساخن فى الرف المتوسط حوالي نصف ساعة او لحد ما تستوى
    ومن اول ماتخرج من الفرن غطيها على طول بصينية اكبر وكل ماتسبيها متغطيه
    اكتر وقت كل ماتطرى معاكى وتبقى احلى
    وبالهنا والشفا




















  3. @egypt_jasica

    امممممممممممممممم تسلم الأيادى حلوه قوى

    ياترى طريقة الفطيره اللى بتبقى عن الفطاطرى نفس الطريقة واللى بتبقى فى الفرن بتاع الفينو بيكون التسويه بتاعتها مختلفة
    اللى بيرشها سكر واللى بيحط فيها كاستر
    انا مش عارفه الناس الطماعة ده مش بتشبع ليه ههههههههههههه
    معلش يادون استحملينا

تابعي تجارب أخرى من هذا القسم.