اسفه على التأخير .. العوده للوطن

هــــــلا والله بكل البنات يعني غريبه عليكم هذي التصرفات على بلادنا صحيح الكلام الي تقولونه لكن مو يعني إذا سافرتو ورجعتو تغير عليكم هذا الشي لالالا لأن الاصل موجود يعني أقصد هذي التصرفات موجوده من عرفنا الدنيا في هذي البلاد سواء سافرنا ولا بقينا يعني وش تتوقين في دوله أوربية غير الحرية الزيادة ولازم مهما درنا العالم ماتتغير نضرتنا لدولتنا ضرور يعني أنك تخدمي نفسك بنفسك مثلاً تقودي السياره علشان تجيبي دواء لطفل أكيد فيه كذا طريقه تجيبي الدواء لطفلك لازم النظره تكون أرق شوي لبلادنا هنا عادت وتقليد معروفه من قبل لا ننخلق ولازم نحترمها الحـــــــــــــــــــــرية ليست كل شي لا أقصد الحرية يعني التحرر لكن في الأمور الي طرحتوها في أشياء لازم نتكايف معها ولا ننقدها ممها يكون مافيه أي وجة مقارنة بين الدول الأوربية والبلاد الذي ولدنا فيه ؟؟؟؟ وأتمنى أنكم ماتزعلون ولا تنقدون لأن السؤال موجه للكل وكل وحدة تكتب الي فيه وجه نظرها وهذي بلادنا وعوايد متعارف عليها من زمان يعني لاأنا مهما تكلمت أغير شي وأنتم مهما نقدتو ما تغير شي لكن مجرد وجهات نظر والبلاد غالي مهما سافرد ورحت مردي لبلادي وتقاليده لأن العادات والتقاليد ليست موجوده عند الغرب علشان كذا حسيتو بالفرق والرجا الرجاء عدم العتب علي لأني وبصرح عارفة أنكم تحبون البلاد هذي لكن الغربه لها دورها في تغييير الوجهه سلام يأحلى منتداحــــواء

هلا الهنديه


ياحبيلك جت الحاله اللي جتنا خخخخخخخخخخ انواع المقارنه بين هنا وامريكا

بس انا خفيت ورجلي الى الان بشارع بس يلعن ويطعن وانا الوم الناس با السواقه

لكن والله لو كان عندك شرطه صاحيه كان شفتي النظام يعني برا مهب اادب منهم لكن

شرطتهم صح مو اللي عندنا يا اما يكلم با الجوال والا ايده بخش............. وامثل يقول

(لولا المربي ما عرفت ربي)

والسواق مالك عنه فيه سواقين يجون لمشاوريك الخاصه ولا يسكنون عندك .

حياكم الله مره ثانيه
اسفه ما رديت على الردود الاخيره بس ودي ابداء بالجزء هذا و اذا صار عندي وقت اليوم ارد
موضوع الشغاله .. انا بصراحه مقتنعه بوجود الشغاله .. بس مع شروط ..
المهم قدمنا على الشغاله من قبل لا اوصل الرياض .. بس تأخرت ما جت فا اضطريت اني اجلس لفتره من دون شغاله .. بصراحه في البدايه ما كنت مررررره كارهه الموضوع لاني اقول عاااادي انا متعوده على الشغل لكن يوم جا التطبيق صار مره صعب و راح اقولكم الصعوبات .. البيوت هناك في امريكا مهيئه ان صاحبة البيت هي الي تشتغل .. يعني كل شي مريح و مرتب على هذا الاساس .. مثل ايش انا اقولكم ..
اول شي .. تعرفون القاربج دسبوزر .. الي هو الخلاط الي يكون في المجلى يفرم لك كل شي ممكن ينزل تحت في البالوعه .. يعني مثلا عندي صحون الغداء ابي اغسلها مو لازم انظفها في الزباله و بعدين اجي و اغسلها .. لا عااااادي كبي كل الي في الصحن في المجلي و اغسليه و شغلي الخراط و راح تخرط لك كل الاكل .. حتى اني في احد البيوت الي سكنته من قوة الخلاط هذا يفرم لي حتى عظامة الدجاج .. يعني حتى عظام الدجاج ممكن اكبها في المجلى .. هنا لا طبعا .. لازم تنظيفن الصحن زيييييين مره قبل لا يقرب للمغسله و لا تنسد عليك .. و لازم تكونين حاطه شي مثل شبك صغير علشان يساعدك ما يروح شي داخل المجلي و الله يعينك على غسيل الشبك كل شوي ..
طبعا هذا غير انه ما فيه شي اسمه دش واشر dish washerفا كل شي لازم غسيل باليد .. مو بس غسيل لا و تنشيف .. طبعا تعرفون ان الدش واشر تغسل و تنشف .. هنا لا كل شي يدوي .. يعني لو كل وحده حسبتها .. كم تاخذ وقت علشان تنظف المطبخ و تغسل الصحون بوجود الدش واشر ؟؟؟
اتوقع مو اكثر من نص ساعه .. هنا تملين و انت تغسلين و اذا خلصتي يجي التنشيف .. طبع لانه لازم الصحون و الكاسات تلمع .. يمكن احد يدخل عليك فجأة .. صح
ننتهي من هذا .. يجيك غسيل الحوش .. مع انه ما يعتبر الي عندي حوش يذكر بس يبيله غسيل .. و بعدين لاتنسين غسيل الحمامات .. بس للامانه غسيل الحمامات تحديدا اسهل من امريكا لانك تطشين المويه و تفريك بسيط و تكونين خلصتي .. ما انسى اقول لا احد يتعب نفسه بفرشاة حمام ,,. لان الحمام .. و لله الحمد دائما ارضيته رطبه ؟؟؟ ليه اذا غسلتيه يبي له فتره تنشف الارضيه .. فا تلاحظين بالاخير انه ما عندك شغله الا انك تنتظرين الارضيه تنشف علشان تحطين الفرش
نجي الحين لاصعب شي في السعوديه .. غسيل الملابس .. اولا لو ما يجيك الا غسيل الثياب البيضاء و كويها .. مأساة ... هذا غير الشمغ !!! و ملابس العيال .. ليش كل هذا صعب .. اقولكم .. لانه هنا ما فيه شي اسمه غرفة غسيل .. ما ادري هم ما يعترفون ان اصحاب البيت يحتاجون غساله و لا لازم الغساله تكون بالحمام
اول ما وصلت قلت ابي مثل غساله امريكا و النشافه .. يعني ما ابي ذي الغسالات الي نصها نشافه و نصها غساله ,.. و انا الي اسوي كل الشغل .. تعرفون ايش اقصد ..
فلما جيت اشتري .. تفجأة انه البيت ما فيه مكان لغساله و نشافه .. لازم وحده .. و اكيد راح اختار الغساله .. و جلست من دون نشافه .. كذا يصير كوي الملابس جدا صعب لانها بعد النشر تصير ناشفه .. و القماش واقف .. مررررره متعب الكوي .. المشكله الثانيه الي واجهتني انه الكوايه فوق بغرفة الشغاله المنتظره .. لازم ارقى او انزل كل ما بغيت اكوي .. شغلانه ..
طبعا هذا كله غير انه ما فيه شغاله يعني ما فيه احد يتابع ولدي اذا بغيت اروح لعزيمه .. يعني ما اطلع مشاوير احسن .. لاني لو انا ما امتنعت فا راح يطردون يالناس لاني اذا جيت انا وولدي .. حاس عليهم القهوه و الحلى و صار كل شي مرفوع .. و انا انحرج ,... انتم تعرفون بامريكا الكل يجيب عياله .. هنا لا ما احد يجيب اطفال الا انا .. فا الموقف مرررره محرج .. و حتى الي يجيبون اطفالهم يجلسونهم مع الشغاله ... جلست فتره تعبت و تعبت نفسيتي .. صرت حبس انفرادي .. زوجي مشغول و انا ما اقدر اطلع للعزايم و لا للاسواق لاني ما القى احد يوديني .. فكانت من اصعب المراحل الي مريت فيها ..
هاه اكمل ..
طيب راح اتكلم عن السواق .. انا بصراحه مررررره ودي فيه .. لكن فكرو فيها .. معي .. انتم يا بنات ما بعد رجعتو للسعوديه .. ما تتخيلون المصاريف الي دفعناها حتى الان .. من شرا سياره و تأثيث و استقدام شغاله و دفع اجار .. حتى الان دافعين مبالغ طائله .. و السواق يبي له سياره .. فا ما نقدر نجيبه الحين .. للامنه زوجي مو رافض لكن يقول ما نقدر نسوي كل شي مره وحده .. من اول سنه .. اما موضوع السواق المؤقت زوجي رافض يقول اخاف عليك خصوصا انك تكونين لحالك .. معه

بعد فيه موضوع مهم احسه انه ودي تحطونه في عين الاعتبار ,, انك اول ما تسكنين الكل وده يشوف بيتك ... و بيتك .. فااااااااااااااااااااااضي انت لسه ما اثثت و الكل يبي يزورك . ما ادري ليه .. المشكله انهم ما عزموني على بيوتهم .. فيه بعضهم ما عمري شفت بيتهم .. لكن هم الي يبون يجون ما يبوني انا ازورهم .. يعني مثلا جارتي متصله و تبي تزورني و انا بيتي فاضي ,, ما بعد حطيت مجلس .. و البيت مو كله فيه ستاير .. و المطبخ ما عندي مواعين للضيوف .. كل الي عندي لاستخدام البيت .. كيف اقولها الله يحييك .. تعذرت منها و قلت اقولها ان شاء الله اذا كملت بيتي .. المشكله .. وين .. امي زعلت لانها تعرفها تبيني اعزمها و انا ما ادري وين احطهم ,, تقول امي جلسيهم بالصاله .. !!!! اولا الصاله وسط البيت يعني تطل على المطبخ و غرف النوم احسها خاصه شوي ,, و الناس ما امون عليهم و لا اعرفهم .. الشي الثاني و الاهم اذا جلسو في الصاله وش بسوي بعيالي .. ولدي الله يصلحه ما راح يترك القهوه و الشاهي في حالهم .. و لا اقدر احبسه بغرفة نومه طول الوقت .. مشكله .. و الله ..
نصيحتي للي على وشك رجوع للوطن خوذي معك كل اغراض المطبخ الي عندك .. لاتقولين مو زينه .. ادري بس تمشي حالك لين ما تلقين اشياء احلى و تشترين على راحتك .. انا الحين مطبخي مرقع .. لاني كل شوي اظطر اشتري شي .. و اقول في قلبي ليتني جبت اغراضي .. على الاقل كانو مشو حالي لين ما اشتري الي فعلا يعجبني مو اشتري اي شي لانه محتاجته ..
معليش طولت عليكم في هذا الجزء .. و ان شاء الله لي عوده

حياك الله يا لهندية ....من زمان والله عنك :)
أنا اول شي باسويه لماارجع ان شاء الله حتى قبل البيت :) اني اجيب غسالة صحون..والله اني اقول حنا وشلون عايشين من غيرها في السعودية؟؟
ماادري كم عمر ولدك..بس من الاشياء اللي حبيتها في امريكا هي الـ ( بلاي يارد) حق الاطفال ..حطية فيه وخليه يلعب وانسيه...غير كدا رح يحوس عليك ...ويخرب. انا عندي واحد كبير...ويتطبق وينحط في شنطة خاصة فيه مرتبة..يعني لو رحتي زياره لاهلك خذيه معك وخليه فيه لا تلاحقينه ولا شي...انا ولدي عمره سنة و5 شهور ولا اطلعه منه ...حرام علي والله :) بس وش اسوي له لو طلعته بيخرب ويحوس كتبي.

الله يعافيك ودنا بالايجابيات لاتطولين علينا :)