اسفه على التأخير .. العوده للوطن

مانولا عزيزتي وين هذا القاه البلي يارد ياريت اذا ماعليكي كلافة تخلين صورته جزاج الله كل خير يالطيبة

هلا و الله احلى مشرفه
هاه هذي مشرفتنا الي انا خابره .. الله يحييك اختي و مصدقتك .. و لي الشرف اني من العضوات الي اسمهم راسخ في مخيلتك .. هذا بس من طيبك .. والحمد لله انه فيه عدد كثير من العضوات شاركو في الموضوع .. خلينا نعيد الايام الخوالي
مشكوره على مرورك

هلا و الله بالدمعه الحائره
اولا ودي اسئلك انت متغربه .. و اذا الجواب نعم .. كم لك من سنه ؟
ليش انا طرحت هذا السؤال ,,. لان الي تعاطفو معي هم ناس اتغربو و جربو .. يعني انت كلامك يذكرني كثير بكلام الناس الي هنا من اهلي و اهل زوجي .. نفس المبدأ .. لكن انك تعيشين الشي غير انك تسمعين عنه .. الحياة في السعوديه لها مميزات ما اقولك لا ,, و ادري انه فيه عادات و تقاليد لازم نلتزم فيها .. بس خليني اقولك شي .. هل كل العادات و التقاليد صح .. و لا صارت روتين نعيشه من دون ما نحس او نفكر اذا هي صح و لا غلط .. لاحظي انا ما تكلمت عن الدين .. يعني لو انا راح اتأثر بالحريه الي عند الغرب .. كان قلت احنا ليش نتغطى و لا ليش نصلي و لا ليش ما فيه عندنا اختلاط .. لاااااااااااااااا
هذه قضايا دينيه مبتوت فيها .. و لا هي عرضه للنقاش مع اني عشت في مجتمع ما يؤمن فيها .. الحكمه ان الواحد يأخذ الشي الي ما يؤثر على دينيه .. بالعكس يثريه .. يعني اهل البلد هم اول الناس الي متضايقين من الفوضى الي في الشوارع مثلا و لا من سوء المرافق العامه من ناحية النظافه .. اذا عندك طفل و الله يكرمك وسخ ما تدرين وين تغيرين له ليه لانه الحمامات غير مأهله لهذا الشي .. ليه .. لسوء استخدام الناس لها .. اشياء بسيطه لو الكل يساعد فيها صار المجتمع افضل .. الناس متضايقين .. لكن تعودو .. بس التعود على الغلط ما يخليه صح ..
اما موضوع الروحه للدكتور .. صح فيه مليون طريقة اروح فيها للدكتور .. تبين اعد لك بعضها .. اولا انك تتصلين على احد من اخوانك علشان يوديك .. او تتصلين على احد من قرايبك عنده سواق .. او تروحين رجل اذا المستوصف قريب .. او تنتظرين لين ما زوجك يفضى .. في كل الاحوال انت ان اشاء الله راح تروحين .. لكن بعد ايش بعد ما تحرجين نفسك مع الناس .. و بعد لا يرتفع ضغطك .. اما موضوع لو كان المستوصف جنبك و تقدرين تروحين على رجولك كان برضه فيه مشكله .. تدرين ليه لان فيه شي اسمه تفحيط يخلي مررررره خطر تمشين في بعض الشوارع .. و شارع بيتي من ضمنها ..
يا اختي لو تأملتي كلامي زين تلاحظين اني انا ما قلت انه لايمكن تخلص الاشغال .. لا بس فيه فرق انك تكونين متعوده انك تنجزين كل شي بنفسك او انك تظطرين انك تطلبين من الناس المساعده .. خصوصا لما تكونين ما تعودتي تطلبين .. و الناس شخصيات .. يعني انا وحده اعرفها عاااااادي عندها تطلب الي هي تبي من الناس .. و انا ما اقول انه غلط .. لا هي اختلاف شخصيات .. انا من الناس الي ما احب اطلب من الناس شي .. حتى لو قدمو لي هم من انفسهم احس بصعوبة اني اقبل اي شي .. يمكن لاني ما تعودت اطلب .. تعودت ان الناس هم الي كانو يطلبون مني .. اما موضوع اننا ما نقدر نغير شي .. انا اختلف معك .. احس انه المفروض اننا نغيير او عودنا انفسنا على الصح و عيالنا على الصح .. و كل وحده سوت كذا اكيد راح يتحسن .. مو يتغير بس على الاقل يتحسن .. اما لو لا سمح الله فعلا ما قدرنا نغيير .. فا على الاقل نفضفض لبعض عن الاشياء الي تضايقنا خصوصا اننا مشتركين بالغربه و عارفين ايش تعدونا عليه .. و مثل ما قلت لك .. اذا انت متغربه راح تعرفين الي انا اقصده .. لاني و بكل بساطه اجد تعاطف كبير و تشابه في وجهات النظر من الناس الي كانو متغربين او الي الحين في غربة ... و لا اجد التعاطف من الناس الي ما جربو
و ترى اختلاف وجهات النظر لايفسد للود قضيه
انا سعيده بمرورك اختي و شكرا لاثرائك موضوعي

شابوره بسمسم
حياك الله .. تصدقين عاد شهيتني للشابوره
اجل جاك ما جاني .. الله يعين .. اما موضوع الشوارع .. فصادقه ما عندنا شرطه صاحية ...
اجل ذاك اليوم واقفين عند الاشاره ما درينا الا جت سياره الشرطه من اقصى اليمين وو قفت قدامنا يعني صار متقدم .. لاننا احنا كنت بالصف الاول .. علشان يبي يلف لاقصى اليسار .. لاحظي هذه الشرطه الله يخلف ..
مشكوره على مرورك اختي

والله ما اعرف احط صور ..بس شوفي هالرابط..في الصورة واحد ملون ...مثل حق ولدي ترا حجمة مو صغير مثل اللي يجي مع سرير...كبير,,,وحواجزه ماهي عاليه يعني وهو واقف على مستوى اكتافه...يلعب فيه ومبسوط..حتى ان يناتي الكبار يطبون معه بيخربونه :) ...ارضيته اسفتج وتنغسل ...وكله يتطبق بشكل مرة مرتب..يصير مثل اسطوانه طويله طولها متر و محيطها ما يتعدى عشرين سانتمتر...قاعده اسوي دعاية...بس عن جد نعمة ....فيه اشياء اكبر بكثير مثل الحواجز تحطينها في البيت لو عندك صالة كبيرة مثلا...
http://play-yards.babycatalog.com/

مانولا عيوني عندي منه خخخخ والله اني عايشة بغير عالم ماكنت اعرف اسمه كذا عذريني يالغالية واشاركج بالرأي كثير مرييييييييييححححححح بارك الله بيج وبأصلج

manloa و ريحانه السنه هلا فيكم خواتي .. اتوقع انكم داخلين بالغلط .. و لا انا غلطانه ..
يا الله اهم شي عرفتو وشو ال play yard
و الباقين شكلكم جاكم النوم .. عموما راح اكمل