- سويت لي ميرانج (بس ماعرفت اضبطه فرد اعيده مره ثانية اليوم عسب يكون مقرمش اكثر )
الغلط الى سويته لما صنعته اني ماخليته وايد في الفرن وبعطيكم طريقته الصحيحة :
- 1 بياض بيضة
- ربع كوب سكر الريجيم
- شوي ملح
- ربع ملعقة صغيرة خل
- ملعقة من اي نكهة تحبين (قهوة، كاكاو، فانيليا)
الطريقة:
- اولا نخلط بياض البيض لما يستوي نفس الكريمة البيضاء الخفيفة
- نضيف الملح والخل ونخلط شوي
- نضيف السكر ونخلط الين ما نتأكد ان كل السكر ذاب ويستوي البيضة شرات الكريمة المنفوخة
- نحط ورق الزبدة او المنيوم في صحن الفرن ونحطهن نفس الكوكيز بالملعقة
- نشغل الفرن على حرارة 130 ونخليها تنطبخ من ساعة الى ساعة ونصف
- بعد ما تنضج نسكر الفرن ونخليها داخله (ماتطلعيها برع بتفش) لمدة ساعة الى 3 ساعات. (النار مال الفرن مسكرة بس نبى الحرارة)
- وبالهنا والشفاء .