مراحب يابنات حواء الغاليات ويالحريم السنعات
الحين تدرون انه لكل بيت مقاضي واغراض الاكل والتنظيف والصابون وكذا
حنا نعاني من مشكله عدم التوصيل للمنازل من السوبر ماركت يعني نظطر مع اخواني او السواق يجيبهم
فيه مقاضي شبه يوميه مثلا الزبادي واللبن والخبز ما نقدر نجيبه اسبوعيا
وبعد مثلا يخلص شي ما نعرف الا بعدين ذاك اليوم البصل مخلص وحنا بنسوي الغذا اضطرينا ناخذ من الجيران وخزياااااااااااه
ودي كل حرمه سنعه تقول كيف تسوي بمقاضي البيت
يعني وش الاغراض الي تشترونها بالكرتون مثل المناديل والصابون والمنظفات
يعني صراحه مسؤليه مقاضي البيت متعبه مره انا مابعد تزوجت وبيتنا بيت العائله وامي كبيره ماتعرف شي
انتظركم :)
شاركي في النقاش
سجلي الدخول لإضافة تعليق.
التعليقات
58- انا في الرياض واول مايجي الراتب نفحط عند هايبربنده والا نأخذ بلكراتين
عصير البزوره
والحفايظ
والصابون
والمناديل
وكرتون مويه صحه
والدقيق
ومعجون الطماطم
وبطاطس القلي مع كتشاب
والرز والدجاج
والبصل
المكرونه
والبيض
والمعلبات
الي هي القشطه والجبنه والعسل والقودي
والطماطم والخيار والفواكه اهم شي
اما اللبن والخبز هذي في الاسبوع مره
ودمتي ونشاءلله البنات يفيدونك - انا اقضي شهريا
كل شي ماعاد الخبز ومو شي اساسي عندنا يعني اذا جاء في مزاجنا
عواافي - كل ماشفنا البيت ناقص
- احنا نقضي حق شهر كاااامل رز دجاج مكرونه منااااديل زيت كل شي غير الطازج ماعدا الخضار كل اسبوع نجيبها
والخبز نجب مجموعه وافرزنها تكفينا حق شهر او اقل - هذي مشكلتكم يالحريم تقضون مع الراتب بالكراتين
أنا بصراحة أول ماتزوجت كنت أتقضى بالشهر كان الشهر يخلص وفية أشياء شريتها ما أحتجتها
وزيادة على ذلك الأغراض بتسوي زحمة في المطبخ حن في غنا عنها
لكن نصيحة لكم
خذي كل يوم بيومة وراح تشوفين حتى الراتب بيتبارك
أنا لما يخلص شي من البيت وأكون محتاجة لة أجيبة وكل وحدة زوجها يروح الدوام يعني يقدر يجيب معه وهو راجع
بس حركة المقاضي الشهرية أبداً مو زينة
فرضا أحتجتوا فلوس بنص الشهر وانتوا حاطينها كلها في مقاضي للبيت وماراح تحتاجون نصها
لازم الوحدة تغير من نضامها في المقاضي وتشوف النتيجة
مواضيع مشابهة
تابعي تجارب أخرى من هذا القسم.