(8)يوميات المجموعة الثانية (من وزن 70 إلى 79)(8)

غريبه ليش تقولين جذي ..... كملي المشوار
اللي بدأتيه

net.... شي طبيعي تسمنين بشكل مو معقول لانه مو متخيله نفسج تنحفين صح ... عادي كل اللي ما اهتزت ثقتهم بنفسهم يصير معاهم جذي و انا منهم


المعادله بسيطه تثقين بنفسج .. و تستمتعين بالريجيم و الرياضه لا تستغربين من صجي قاعده اتكلم وبعدين شوفي وزنج .... اذا ضليتي بهالحاله ما ادري اي وزن راح توصلين


في طريقه جربتها من وروده او سكونه مو متذكره هي ..... تكتبين اللي تبينه مثلا الرشاقه ( اريد ان يصبح وزني 68 بشهرين ) تكتبينها 16 مره مو 15 لا 16

و اذا احد قاطعج و انت كاتبه 15 مره تعيدين من اول ... النتيجه تحسين انج متغيره تقريبا بعد اسبوع او اكثر المهم تستمرين ... اعتقد الطريقه وايد تناسبج لانها تحط عندج ثقه .... اااااااااه نسيت تخيلي نفسج رشيقه و جسمج مشدود على طول و قولي راح اكون بالشكل هذا



جربي الطريقه و ان شاء الله تبشرينا اما اذا ما حركتي ساكن ما راح يتغير شي الا انج تكونين اكبر بكم سنه

ابذلي جهد شويه حبيبتي نت

هذا نورج اموله

قينونتي شكلها طلعت من المنتدى .... وينج اموله

اختي قيوانية حتى النخاع : يارب تسوين كل نفسك فية وتوصلين لكل اهدافك يكفي ردك على كلامي

انتي ذووووووووووووق.

عنقاء زهر المان 24:الله ييسر لك امورك ويلبي كل دعواتك شكرا لاهتمامك وعلى قولك اللي
محطمني اني شكلي اكبر من عمري بس العزيمة يبغالها منشطات يمكن الزوجة الثانية تحرك المشاعر
على قول زوجي .الله لايقول .على العموم تحياتي ويمكن دعوة منك انتي والاخت قيوانية
حتي النخاع اني انحف تكون بداية لي باذن الله وحدة كسولة

اللي لافت نظري انكم ما شاء الله اطول اسمين في المنتدى وطريقة اختياركم لاسمائكم في المنتدى غريبة ما ادري كيف كونتوها او كيف جات على بالكم على العموم انا احب الاسماء الغريبة والملفتة
وكان اسمي قبل صوت المطرهو مو غريب بس احب المطروصوتة لانة يحرك مشاعر غريبة عندي مشاعر اسميها السعادة الحزينة ومو اي مطر مطر اخر الليل . حاولت ادخل باسم صوت المطر ولا قبل
واظطريت اني اغير الى net
على العموم طولتها وهي قصيرة وش دخل الرجيم في اسمي صدق الحريم هذارات مايسكتون ولا ينعطون وجة.