مو عارفه وش تسوي بكره غداء تعالي أنا أقول لك...!!

السلام عليكم ورحمه الله وبركاته

غدانا اليوم كان دجاج بالفرن ما صورت الخطوات كلها
لأنه ماكان في بالي أنزله لكم الا لما دخلتها الفرن

المقادير :
دجاجه مقطعه (شيلي الجلد أفضل)
طماطم _ بصل _ ثوم _ زنجبيل طازج _ بطاطس شرايح رفيعه _ بقدونس _ شوي صلصه طماطم
هيل _ قرنفل _ قرفه أعواد_ ليمون أسود
ملح _ فلفل أسود _ ملعقه صغيره كركم

الطريقه :
في قدر
قطعي البصل جوانح وكشنيه بزيت زيتون وأضيفي الهيل والقرنفل والليمون والقرفه وحركيها لين تطلع الريحه
حطي عليها الدجاج وقلبي بين يتغير لونها.
في الخلاط حطي الطماطم والثوم والزنجبيل والصلصه وشوي مويه اخلطيها وحطيها ع الدجاج
أضيفي الملح والفلفل الأسود والكركم .
غطي عليها لين يستوي الدجاج
في صينيه حطي البطاطس وشرايح البصل ثم الدجاج وآخر حاجه البقدونس غطيها بقصدير واتركيها لين يستوي البطاطس.

هنا أول ما طلعتها من الفرن

100120122842


وهذا صحني

100120122843


100120122846


100120122849


لذيــــــــــــــــــذه مره مره مره أتمنى تجربونها
سهله وسريعه ولذيذه

30 تعليق 8,853 مشاهدة

شاركي في النقاش

سجلي الدخول لإضافة تعليق.

التعليقات

29

تابعي تجارب أخرى من هذا القسم.