ممكن أفضفض..قبل يجيني انهيار عصبي؟

الله يفرح قلبك بنزول وزنك قريبا من غير شر والله يسر امرك مافيه مثل التقليل من الاكل وامتنعي عن شراء الشوكلاتات والذهاب للسوبر ماركات وخلي زوجك هو الي يشتري بحيث الي يشتريه اشياء اساسيه ماتسمن وكل ماجعتي كولي فواكه

اول شي هدي اعصابك وهالوزن مثل ماتكدس بجسمك بأرادتك بينزل بعد بأرادتك ..

انا كنت مثل وزنك وزوجي كان يتفششل ياخذني معاه لا اي مكان وهالشي اعترف فيه من يومين ..

كنت اللبس قمصان بيت لانها هي الشي الوحيد اللي يدخل علي ..

الاعياد والعروس اكتئب لاقربت ودايم اتعذر عن المناسبات اخرها عرس عمي ..

والسبب واضح مالقى ع مقاسي تطيح رجلي وانا افتر فيه وتاليها اقرب مطعم احط الحره فيه ..

تصدقين حتى الله يكرمك (الصندل/ النعله) مالقى مقاسي .. والكعب العالي اسمع فيه بس ..

امس كنت مع زوجي بالموول واطالع فيه من بعيد يدور علي وانا حووله لين أشرت بيدي

قال وربي ماعرفتك صغرانه حيل بالعباءه قمت اغار علييك ..

بغيت ابكي لا والله بكيت وتذكرت شكثر كنت ظالمه نفسي وشبابي ضاع وسط هالشحم ..

بعذره كنت 114ك وصرت 82ك .. فرق شاسع ..اللهم لك الحمد

وانتي شنو تحترين ..؟

تقولين زوجي يحبني بقولك ايه بس يشوف غيرك ويتحسر ..

انحفي عشان نفسك وصحتك اذا مالبستي الحين وانتي بالعشرينات متى بتلبسين ..؟

انسى العمليه والكلام الفاضي شوفي الاوربيات ماهن عجزنات عن العمليه ومع كذا يسوون رياضه وينحفن ..

بس حنا الكسل وحب الاكل يخلينا نتوجع ونتألم ونعرض حياتنا للخطر بشرط ماننحرم من الاكل ..

جارتي صلحت عمليه وقلت لها يالله نتحدى بعض انتي تدخل جراحي وانا بمجهودي

وعقب شهرين نتقابل ... وربي تروعت من شفت جلدها طايح ..

نحفت ايه بس انا نحفت اكثر ومبين علي اكثر منها ..

شدي الهممه ماحد يقدر يساعدك غير نفسك ..

وبالتووفيق وفالك الرشااقه ..

وعليكم السلام

والله شوفي أنا من منظوري الخاص أشوف إنك تسسسوين العمليه وتتوكلين على الله أولاً وأخيراً

لإنه حتى الدكاتره يقولون الواحد إذا وصل للحد الإئتماني من وزنه مايقدر ينحف إلا بعمليه (سمعت )

لاتخافين أول شي روحي وحللي واسألي الدكتور وسويها عند هذاك الي يمدحونه بامحرز أو التمياط عقب شوفي نفسك

واستخيري وأكيييييد إن الله ماراح يخيب ظنك وبعدين هالعمليات بزرااان سووها ونجحت معاهم

لاتقولين فوبيا ومدري وشو أنتِ كذا تصعبينها على روحك بس

لإنك جربتِ الرجيم ومانفع .!! وش تبين تسوين طيب .!!

أقلها بتجبرك تقللين كمية الأكل ومايجي حزة فكة العمليه إلا وأنتِ متعوووده على الأكل القليييل والقلييييل جداً

أنتِ ما عندك خلفيه كامله عن العمليه بس تروحين وتسألين وتشوفين تجاااارب حيه قدامك بتتحفزين أكييد إن شا الله

إذا سويتها عند أحد مضمون بعد الله إن شا الله مافي خووف ومن توكل على فهو حسبه وادعي الله واكثري منه بعد

وإذا شفتِ نفسك موب قد العمليه ابداً مالك إلا الرجيم بعد ماتتحدين نفسك وتصنعين الإراده بنفسك الإراده ماتجي لين عندك أنتِ تجيبنها

خلي قلبك قووووي