شاركي في النقاش

سجلي الدخول لإضافة تعليق.

التعليقات

1,327
  1. رغد الحياة
    الاكل الزايد بحطه بصينيه بحطه عليه شوية مي وبطلعه عالجنينه بياكلوه العصافير والسناجب وبالليل يقضى عليه بيقولو انه بيطلع ارانب وراكونز وانواع الحيوانات البريه الله اعلم :) المهم انه كله بيتاكل اكيد وهيك برتاح نفسيا انه ما عما كب شي بالزباله
    وينكم يا بنات ؟؟؟؟؟؟؟
  2. السلام عليكم
    (يا ترى الحمصيات بينقبلو هون)
    انا ما بعرف من ايمت فاتحين هادا الموضوع
    انا عضوة قديمة بس كنت معتزلة شي سنتين تلاتي و رجعت لقيت سوريات كتير بالمنتدى و انبسطت انو عاملين دوارة
    انا حمصية , صرلي مغتربة بالامارات 7 سنين
    و بما انو صار الموضوع 15 صفحة ما قريتو كلو فيا ريت تلخصولي شو عم تعملو
    وسلام للجميع
  3. @sham_1

    أهل ايا ريما

    الموضوع مفتوح للجميع أختي ويا مرحبا فيك

    الملخص حيكون طويل

    لكن حكينا على الاوضاع الدينية بالشام بسورية يعني
    وحكينا على تنزيل الأغراض والأثاث على سورية ولقينا ما له فائدة كل شي موجود ومتوفر أخرص وأحلى والجمارك مالها سهلة

    وآخر شي عم نحكي عل ىالوزن أكتر قصة بتشغل بال النسوان

    ويا ريت تدوري معنا على حل .......

    بطة .....

    الاكل الزايد مسببلي عقدة

    آخر شي قررت انو الاكل إذا نقص أفضل ما يزيد

    يعني صرت بدال ما فلفل رز عن يومين ساوي عن يوم ونص
    وإذا لزمني بساوي شوية رز صغار

    انا كنت متلك خربط بالمقادير

    وكل مرة بقول لازم تاني مرة اعمل كاسة وحدة او كيلو واحد أو كذا

    فرد انسى

    فصرت اكتب على دفتر الطبخ

    الطبخة الفلانية : معيارها كذا
    وهيك تعودت



    لكن الخبز اللي عم ينتزع من كتر التخزين بالفريزا او اكل الاولاد لما بيرضوا ياكلوها هون المشكلة

    في وحدة من رفقاتي بتخبي الاكل بالفريزا ...
    وكل فترة بتعمل روحة على شي بحيرة كبيرة وبتطعمي السمك والبط هنيك

    وهي فكرة حلوة

    وفكرة رغد كمان جيدة جدا

    لكن رغد انتبهي

    بتصيري بتخلي الحيوانات إلهم رجل على بيتكم

    يعني بصيروا يتعودوا على بيتكم

    مرة انا نفس الشي حطيت كيس بالبرندة وفيه خبز وكذا

    لقيت ذئئب صغير جايي من ورا الغابة ومن بعدها ماعاد خلاني زوجي حط شي
  4. @bth151

    شكرا لرغد الحياة وشام عالردود

    بصراحه فكرت حط الخبز البايت عالبرندا بس خفت من الحمام اللي بده يجي ياكل لا تكون شي وحده معاها انفلونزا الطيور لذلك ترددت وبالاخر ما حطيتلهم شي مع انهم بوقفو كتير عندي عالبرندا بس بجد بخاف

    وبتمنى اختي رغد الحياة تنتبهي على حالك وعلى عائلتك من حيوانات الغابه لان العصفور بجر وراه شي اكبر منه
    والله يحميكم
  5. انا بالنسبة لموضوع الخبز فبجيب كمية كبيرة باول الاسبوع و بحطها بالفريزر و بس احتاج بطلع الخبز قبل بفترة منيحة منشان يفك التلج عنو و بعدين سخنيه بالمايكرويف او بالفرن
    و هيك الحمدلله ما بيزيد عندي خبز و اذا زاد شي نتف فبرميها جنب البيت للحمامات


    عزيزتي reemh
    يا اهلا وسهلا و مرحبا فيكي معنا و ان شاء الله تفيدي و تستفيدي

تابعي تجارب أخرى من هذا القسم.