السلام عليكم دكتورة
عمري 21 سنة طولي 165 ووزني 105 ، مشكلتي إني بعمل رجيمات كتيييير بس ما بتنفع معي ، بمشي يومياً بحدود نص ساعة وبخفف أكلي بس ما بيزبط شي ، لما أكون في الجامعة ما باكل شي بس لما أرجع على البيت المغربيات باكل ، والكمية بمقدار وجبة واحدة ، ومرات لما أسهر كتير باكل كمان مرة ، مش عارفة هل المشكلة إني باكل المسا ، مع العلم إني بسهر كتيييييير يعني قليل لما باكل وبنام ، بالإضافة إنه عندي خربطة كتيرة بمواعيد الدورة عندي وهادا الحكي من حوالي 6-7 أشهر ، علما اني نصحت من 3سنين تقريباً ..... هل ممكن يكون عندي خلل هرموني ، وهل بتتوقعي إنه الخلل هو سبب نصاحتي ولا العكس .....
على فكرة قبل هالمرة أعطيتيني نظام غذائي أظن انه 1400 سعرة حرارية باليوم بس ما استفدت عليه ، أنا من وأنا وصغيرة عندي استعداد للسمنة بس ما كنت أترك حالي أسمن دايماً أحافظ على وزني ، هلأ بحس إنه النزول في الوزن عندي صعب جدا جدا ، هل للعمر تأثير بهاي الفترة العمرية .....
أرجو المعذرة للإطالة لكن والله هالسمنة هاي مخربطة حياتي وما بتخليني أطلعمن البيت أبدا ... أرجو إنك تساعديني بأقرب فرصة ممكنة
-----الى من تبحث جادة عن أخصائية تغذيه------
متابعة النقاش، صفحة 241