بتمنى من كل وحدة قبل ماتقرأموضوعي انو يكون عندها وقت لانو الموضوع طويل شوي واتعبت عليه والله
انا من لما كنت صغيرة كنت اعاني من السمنة من صف السادس الابتدائي لكن والحمد لله اعطاني ربي الارادة وقدرت انزل من وزني مارح اقول كم نزلت لحتى تقرو باقي القصة
وحبيت انقل هالتجربة لانه ما احد بيعرف بشعور السمينة الا السمينة
رحلتي مع الرشاقة كانت مدتها طويلة ما اكتب تفاصيلها لكن في 10 نقاط اساسية وهامة جدا اكتشفتها من تجربتي الشخصية ساعدتني اني انزل من وزني هذه ليست مقدمة فيكن تعتبروها بداية مشوار الرشاقة باذن الله
الخطوة الاولى واهم خطوة واللي بدونها مارح يكمل المشوار وهي الدعاء طلبت من الله تعالى انو يعطيني الارادة صدقوني انا صليت وجلست ودعيت هالدعوة لانو بالنهاية انا رح انحف لان الله سيسالني عن جسدي فيما ابليته هل اهلكته بكثرةالطعام
الخطوة الثانية فتحت اليوتيوب وتفرجت على تجارب ناس كانو بدينين ونحفوا و هالناس كانو اسمن مني بكتير وقدرو يوصلو للوزن المثالي وتخيلت حالي كيف رح صير بعد ما انحف ورسمت في مخيلتي صورة لشكلي وجسمي الجديد الرشيق
الخطوة الثالثةكل انسان عندو عقل اسمو العقل الباطن وهذا العقل لايستخدم الا في المنام لما الانسان منا بيحلم احلام كان يفكر فيها وهو صاحي
شغلتو وانا صاحية
مثال عشت الحالة اني انا رشيقة وجسمي مشدود واكلي صحي ومحافظة على وزني وصحتي
على فكرة تحتاج هذه الحالة عدة ايام
مثال ثاني انا بحب الرياضة وما بقدر عيش بدونها وانا نشيطة وما بقدر اقعد ساعة كاملة بدون حركة بعد فترة لقيت حالي فعلا صرت هيك
الخطوة الرابعة اشياء تعلمتها من تجربتي الشخصية وهو انو عرفت جسمي شو بحب وشو بيكره واهم شي حبيت جسمي مثلا انا كنت اشرب الحليب كتير وكنت دائما احس بالنفخة وتركته (الحليب)وراحت النفخة نهائيا وصرت اعوض باللبن والجبنة
كمان حسيت ان الخبز بيعمل كرش وقفت عن الخبزتقريبا بشكل نهائي الا في حالات خاصة لكني باكل الارز والمعكرونة بكميات معقولة
الخطوة الخامسة الرياضة ثم الرياضة ثم الرياضة ثم المشي لا تصدقي في احد نحف بشكل سليم بدون ممارسة الرياضة رح تلاقي جسمه كله ترهلات
اي نوع رياضة سواء المشي على السير الايروبك الكرة الرقص نط الحبل
بدات خمس دقائق باليوم وصرت ازيد بالاسبوع خمس دقائق وصرت اغير نوع الرياضة كل فترة ازا مليت
اول فترة لاحظت انو سمنت لان العضلات الها وزن وحجم لكن بعد فترة بلشت العضلات بحرق الشحوم
وصارت الكتلة العضلية اكبر من الكتلة الدهنية وصرت احرق حتى واناقاعدة صدقوني الرياضة مفعولها سحري
الخطوة السادسة قبل ما بدأت جبت شريط القياس وقست كل منطقة بجسمي الصدر الوسط البطن الورك الفخذ القدم اليدوسجلت التاريخ اللي اخذت فيه المقاسات وكتبتها على ورقة وحفظتها وما اهتميت بالوزن المهم القياس
الخطوة السابعةالسوائل سواء كانت الماء او اي نوع اعشاب كترت منو ساعدني على الحرق وحسسني بالاشباع واكيد الخضرة والفواكه لكني ما كتير بحب الفواكه عوضت عنها بالخضار
الخطوة الثامنةتمارين دائمة ما تكلفك وقت ولكن جهد بسيط ومفعولها قوي بصراحة اخذتها من المنتدى هو انك لما تصحي وقبل ماتقومي من السرير شدي بطنك لحتى تحسي بالقفص الصدري وعدي للخمسة والتاني وقفي وشدي ايديك كانك تلامسي السقف مع شد البطن
والثالث شدي بطنك دائما يعني ما تتركيها مرتخية حتى وانت جالسة وشدي ظهرك صدقوني مفعولها رهيب
الخطوة التاسعة لاتقولي انا رح ابدا ريجيم لان هادي الكلمة بتحسس بالحرمان والحرمان يودي الى ردة فعل وتصيري تاكلي اكتر من الاول
انا قلت بدي غير اسلوب حياتي بالاكل وغير العادات السيئة الى عادات ايجابية وما حرمت حالي شي ابدا شو بيخطر على البال كنت اكلو المهم ما اخلي بنفسي شي يخليني بعدين افلت عالاكل
الخطوة العاشرة والاخيرة كنت كل شهر غير نظام الاكل مش الاكل يعني مرة افطر واتغدى واتعشى مرة ما افطر بس اشرب قهوة واتغدى واتعشى مرة افطر واتغدى وما اتعشى يعني المهم اني اغير لحتى ما يتعود جسمي على نمط معين وما يعود ينحف
نجي للمقاسات انا رح اكتب كم كانت مقاساتي لما بديت بالتاريخ وكم صارت الان طبعا بالسنتيمتر
26/5/2011 _27/3/2012
محيط الصدر 100الان 100وهو المطلوب عشان مايترهل
محيط الوسط 91 الان 81
محيط البطن 107الان94
محيط الجنب(فوق البطن بقليل)102الان89
محيط الورك 114الان 105
محيط الفخذ65الان60
محيط اليد 32 الان 29
اتمنى انو تكونو استفدتو ا لاني ووالله من كل قلبي اتمنى ان الكل ينحف ويوصل للشكل اللي هو بحبو
وبالتوفيق للجميع
شاركي في النقاش
سجلي الدخول لإضافة تعليق.
التعليقات
26- تجربه جميله وكلام سليم
- تجربه جميله وكلام سليم
- ماشاء الله تبارك الله ربي يهنيك بس الي بساله هل فعلا الارز احسن من الخبز من ناحية الكرش اي لحظتي فرق وكم الكميه الي تاكلي منها لاني لاحظت الكرش عندي وعند عائلتي ونحن من محبين الخبز بكل انواعه والمعجنات اكثر من الرز وكمان انا عندي كسل بالغده الدرقيه ويقول الخبز مايناسب سامحيني طولت بس تحمسة لتجربتك
- شكراً على الشرح الوافي عزيزتي
- كلامك سلمين وتسلمين ياقمر
مواضيع مشابهة
تابعي تجارب أخرى من هذا القسم.