شاركي في النقاش

سجلي الدخول لإضافة تعليق.

التعليقات

268
  1. @hry

    مطر الصباح
    وعلى فكره يابنات نسيت اقول لكم ماذكرت الا بعد ماارسلت الموضوع وقريته انها على جفاي معها ماتحب الا انا ولا كانه بالبيت احد الا انا... مثلا اذا صارعندها سالفه او صار شيء عنهم بالمدرسه ماتسولف الامعي انا .واذا جلسنا كلنا ماتسولف الامعي انا وا…
    الغريب ياعزيزتي ..
    انك تتكلمين عن بنتك كأنها امرأة في عمرك... تقوليها اهوشها ومن بكرة تجي من المدرسة وتسولف وتنسى اللي صار .. وانها ماتجي تسولف الا معك انتي وتلحقك ((وانتي ماتعطينها وجه))
    لحظة لو سمحتي ..
    انتي تتكلمين عن بنتك !!!
    وبنتك عمرها 12 سنة !!!
    يعني طفلة !!!
    اكيد الطفل بينسى .. مافي بقلبه حقد وكره زي الكبير .. وخاصة على امها ..
    اكيد بتلحقك .. لأنك حاقرتها .. ومفرقه بالمعاملة بينها وبين اخوانها ..
    اختي العزيزة ..
    تدرين ان بنتك في اخطر مرحلة عمرية اللحين ..
    تدرين ان التبول اسبابة نفسية ؟؟

    هل انتي متخيلة الدمار اللي بقلب هالبنت .. اللي يخليها هاجرة الدنيا .. واللعب
    والطلعات .. ؟؟

    حبيبتي .. انتي تسألين .. هل انا فيني بلاء ؟

    انا آسفة بس انتي فعلاً تحتاجين مساعدة .. تربوية نفسية ..
    الجأي للمختصين .. بعلم النفس وعلم التربية ..
    ارجوك .. اسرعي

    قبل ما تدمرين حياة طفلة كل ذنبها انها بنتك .. وانك لا تعلمين ليش ماتحبينها ؟
    فكري ليش انتي كذا ؟ هل امك كانت قاسية معاك ؟ عندك مشاكل في طفولتك ؟ هل حملتي فيها غصب عليك .. او اول ماتزوجتي وحسيتي انها سلبتك حريتك وحياتك وشهور العسل ؟؟

    بس انا احييك .. انك انتي اعترفتي ..انك لا تعلمين اين الخلل .. وانك تشكين بنفسك وهذا اول العلاج ..
    سارعي حبيبتي لطلب المساعدة .. ارجوك ..

    ليس فقط من اجلك .. بل من اجل بنتك حبيبتك .. فكري لو لاسمح الله فقدتيها بحادث سيارة او بمرض لعين ( لاقدر الله ) ايش كنتي بتقولين لها في قلبك ؟
    سامحيني ؟
    تراي احبك ؟

    سارعي وقولي هالكلمات .. قبل ما تفقدين بنتك .. وجدانياً ..

    صارحيها .. اطلعي معها لحالكم.. روحو مطعم حديقة .. قوليلها انا احبك ..
    انتي اغلى شي عندي بهالدنيا .. قوليلها كيف فرحتي يوم عرفتي انك حامل فيها
    قوليلها يوم ولادتك فيها .. قوليلها عن اول لحظة طلعت من بطنك .. كيف كان شعورك ..
    راح تفهم .. وبتحس انك أم .. ولك مشاعر ..

    قوليلها حبيبتي ترى مو ذنبك لو صرخت عليك او عصبت ..
    بس ترى انا عندي شوي مشاكل ما اعرف اتحكم بنفسي .. ساعديني ممكن ؟
    بتقولك شلون ؟؟ قولي بتساعديني .. لو مازعلتي مني .. وكل مرة ازعلك .. قولي في نفسك .. امي تحبني .. وهي زعلانه من نفسها عشان كذا صرخت علي .. مب انا السبب ...

    فهميها .. وصليلها حبك ..

    ماراح تسمعك وهو نايمة ..
    امسكي ادينها وهو صاحية .. تغزلي بعيونها .. امدحيها ..

    وايضا .. لازم تبلغين زوجك .. وبجدية .. يعني مب سواليف حريم .. ترا اليوم زعلت عليها .. مدري وش جاني ..
    تقولين له .. يافلان .. ترا انا احتاج مساعدتك .. ماني قادرة اسيطر على نفسي قدام البنت .. ابيك تهديني تنبهني .. عشان استوعب ..

    وابحثي ياحبيبتي عن الخلل فيك انتي .. فهي طفلة .. ليس لها ذنب

    آمانة عليك ما تزعلين ولا تاخذين بخاطرك ..
    انا ما اعرفك ولا احقد عليك ولا اكرهك .. بل وبالله مارديت الا لمصلحة هذي الطفلة ..

    وانا احس بمشاعرها ..
    الحمدلله آمي ماعمرها فرقت بيني وبين احد من اخواني .. ولا عمرها غلطت علي ولا عمرها ظلمتني الله يطولي بعمرها ..
    بس اللهم انها كانت من النوع اللي مايعبر على مشاعرة .. وهذا عشان امها كانت قاسية .. طبعا بعد ماكبرت استوعبت الاسباب .. لكن والله شهيد انها عمرها ما قصرت علي .. وعمرها ماحسستني بظلم ومع ذلك كنت احتاج كلمات الحب ..
    والممديح .. والحنان .. والإحضان والتقبيل .. كنت احتاجهم .. بطفولتي واغار من البنات اللي امهم يسموون عليهم بالطالع والنازل .. ويحضنونهم ويقبلوونهم .. كنت أغار ..
    والحمدلله اللحين بعد ماكبرت صرت افهم .. اني امي شخصيتها كذا .. لكن مايمنع ان قلبها كبير .. أمراض ورا امراض جتها من الكتمان والتحمل والصبر .. الله يحفظها .. اللحين عذرتها ..

    بس انا كان عند امي اسبابها ..

    انتي اشرحي لبنتك .. قبل ماتكبر والخوف انها ماتلقالك سبب ؟

    محبتك في الله
  2. @mtr_alsbah

    صاحبة الموضوع
    زهرة البساتين ...هلا فيك .. لاوالله مانيب من الرياض ..بس الحمد لله راحت وحده اعرفها لمكه ووصيتها تجيب لي .. ان شاء الله ماتنسى
    الف شكر لك
    حريه ... هلا فيك ...ومشكوره على كل نصايحك ..ولو ان كلامك بعضه قاسي ويزعل ..بس عارفه انه علشان بنتي وقابلته ومسامحتك ..بس يا اختي انا ماقلت اني ما احبها ...لو ما احبها كان ماهمتني مشكلتها وحزنها .. لا بالعكس ..اللي قلته اني ما احبها مثل حبي لاخوانها يعني احبها بس هم اكثر ... يمكن لانها الكبيره وحملتها كل شيء ..وهذا اكيد غلط ..او يمكن لانها هي بس اللي تعاندني وتعصب وتصارخ ...او لاني جبتها وانا بسن صغيره وماحسيت بالامومه مثل ماحسيتها مع الباقييين ..الله اعلم ..بس ايا كان السبب انا لايمه نفسي ومعترفه بغلطي والله اني اذا حاسببت نفسي اني ابكي واستغفر ربي ويتقطع قلبي عليها الله العالم وحده باحاسيسي..
    بس الحمد لله انا بديت فعلا اغير معاملتي معها مثل ( اليوم الصبح قبل ماتروح للمدرسه كانت الشغاله تمشط شعرها وبعدين ناديتها وقلت تعالي انا امشطه لك جت ياعمري تركض وبعد ماخلصت والله يابنات انها باستني مع خدي وقالت شكرا ياماما( حسيت انها استكثرته على نفسها مني) ..قلت لها لاشكر على واجب ..بس بيني وبين نفسي اثرت بي بوستها وحسيت انها انبسطت بالمره يوم سرحت شعرها وتمنيت اني انا اللي بستها مو هي. بس الحمد لله اهم شيء انه الواحد يبدأ ..والحمد لله انها بدت تلاحظ تغيري والله اني اشوف الفرحه والاستغراب بعيونها وهذا كله بفضل الله ثم بفضل ارائكم ونصايحكم الله يجزاكم كل خير .. قبل كنت حاده ورسميه معها بالمررره .. الله يسامحني ويقدرني ويحنن قلبي اكثر واكثر عليها
    وهي الله يهديها ويبعد عنها الغضب السريع والعناد ويزيدها ثقه بنفسها
    الله يجزاك خير اختي ويرضى عليك
    الحمد لله رب العالمين اولا ..و كلكم الف شكر لكم على نصايحكم وارائكم ..الله يجزاكم كل خير ويسهل اموركم ويزيل همومكم ..
  3. جلست اقرا كل الصفحات والردود واتمنى تاخذين نصايح البنات ولو كلامهم قاسي بس فاد فيك:)

    والله الي اثر فيني يوم باستك على تمشيط شعرها.....هاذا الدليل انك انتي الغلطانه وبنتك مافيها الا العافيه...:)

    طيب هي وش ذنبها انك جبتيها وهي صغيره؟؟ لازم تاخذ حقها من الحب والحنان زي اخوانها واكثر بعد لان شكلها حساسه....

    ويارب يكون هاذا اول الغيث :) وترجع علاقتكم حلو استمتعو:)
  4. @ryah_alghrb

    اختي مطر الصباح انا عندي فكرة تستخدميها مع بنتك سوي لها جدول مثلا مدة اسبوعين او شهر مكتوب فيه كل ايام هالاسبوعين وقولي لها اذا سوت شي زين تحطين لها بنفس اليوم نجمة مثلا رتبت غرفتها ماتهاوش مع اخوانها ماتتلفظ الفاظ غير لائقة تسمع الكلام ومن الاشياء اللي تبينها تنتظم عليهاواذا سوت شي موزين تحطين لها X وياليت تكون منافسة بينها وبين احد من اخوانها قريب بعمرهاطبعا المكافئةتودينها محل تشتري بقيمة معينة والله لو محل ابو ريالين وتشتري بقيمة 10 ريال راح تنتظم وتبطل تزعلك ونفس الشي انت ترتاحين طبعا الجدول لصقيه بغرفتهاواكتبيه بشكل مرتب والوان وتشوفين ان شاء الله النتيجةالله يوفقك ويحفظ لك عيالك
  5. @yaban

    سلام عليكم اختي كيف حالك الان مع ابنتك احب اخبرك انك نعم الام لانك تحملتي تعرضي المشكله مع انك عارفه انها راح تجبلك الكلام القاسي من البعض وهذا من اجل ابنتك ومعنى هذا انك تحبيها جدا وعرضتي نفسك للسوء من اجلها اما نقطة غصب عني فهذه الفكره من الشيطان يؤكدها لكي لكي يقنعك بها فلا تحاولي العلاج وتياسي انما انا اقترح انك تشتري هديه حلوه وتخليها عندك بالغرفه لكن بحيث ماتشوفيها الا بالليل وقت حنانك عليها ولما يجي وقت زيارتك لها تطمني عليها ويجي الحنان راح تتذكري الهديه وجيبيها لها وخليها جنبها بكرت حلو انه من ماما وبكدا لما يجي الصبح ماراح تضطري لاي كلام لانه اهدائك لها له معنى كبير كمان ممكن تشتري اوراق ملونه او شي ووقت الحنان روحي اكتبي عليها عبارات حنان مثلا احبك ياغاليه اي شي ولصقيها بغرفتها او على الطاول او اي شي ولما تسال ليش ما اعطيتيها هي قولي بخليها مفاجاه لكي وبكدا بيكون وضع طبيعي ولو تحسي انك تترددي تشتريلها كذا خلي احد يجيبه وخبيه لليل ولو حست بالحنان واستقرت نفسها بعد كدا ابداي بتدخيل الناس بعلاقتكم عشان تسير اجتماعيه يعني لو انتوا بتتكلموا خلي ابوها يجي بالكلام خالها اي احد تتفقي معاه اول الاقرباء وبالتدريج يسيروا مجموعه الاكل النزهات ولو تحبي استشيري نفسي من غير ماتخذيها له يوجهك بشكل احسن وايضا انا ما اعتقد انك قاسيه لا اتوقع انه من التعب او الملل منها او حتى القلق عليها وتوقفي عن لوم نفسك لانه هذا راح يطلع على البنت بشكل قسوه لانه عموما الانسان مايحب الشي اللي يتعبه حتى لو كان جزء منه مثلا مرض عافانا الله واياكم

    اما التبول فهذا بعلم النفس سببه الغيره او الاحساس بالنقص مثل مابنتك بتعاني وشوي اهتمام بتتحسن باذن الله

    وابي اهمس باذنك بهمسه لو تبي تحني عليها خلي نفسك مكانها واتخيلي لو لاقدر الله فقدتيها بيوم بمرض او حادث الله يحفظها وش راح يكون موقفك وانتي اللي ماخليتيها تعرف مدى حبك لها واقول حبك لانه حب الام غريزه مو بكيفها صدقيني انك تحبيها لكن الشيطان يوسوس لك انك تكرهيها وانا اخبرك انه لانك شايله الهم وتلومي نفسك فانتي خلاص لاتفكري باللوم فكري بصفحه جديده وبس واستمري بالدعاء وفي طريقه حلوه راح اخبرك بيها انتي من يوم تصحي الفجر استخيري الله على كل شي يسير بينك وبينها هذا اليوم وشوفي النتيجه وانا مجربه اسلوب الاستخاره بكل شي لانه الصحابه كانوا يستخيروا حتى على الملح وادعيها مو لازم تصلي والله يوفقك

تابعي تجارب أخرى من هذا القسم.