اطعم شاورما لحم ممكن تذوقيها في حيااااااتك

صدقوني شاورما تجنن زي المطاعم بس للاسف ما اعرف انزل صور كل من ذاقها اخد طريقتها
والني استفدت كثير من طبخاتكم قلت لازم اقولكم على الطريقه
كيلو لحم مقطع شرائح -- نحط عليه ملعقه اكل ملياااانه زبادي و3 فص ثوم مدقوق --- ربع كاسه خل ابيض --- ربع كاسه زيت زيتوون --- بهارات اسناد للشاورما 2 او 3 ملعقه شاي --- 2 ملعقه اكل دبس رمان --- قشر نص برتقاله + قشر ليمونه قطع مو مبشور --- تخلطي اللحمه في هادي المقادير مظبووووط وبعدين تبخريها بفحمه مولعه تحطيها في فنجان زيت في وسط الشاورما وتغيها ربع او نص ساعه الين ما تمتص اللحم دخان الفحم مظبوووووط وتسيبيها ليله في الثلاجه او على الاقل ساعتين بعدين تشلي قشر البرتقال والليمون والفحمه تحطي اللحم مع الصوص اللي حيتكون على طاوه حاره ماحياخد معاكي ربع ساعه حيستوي بسرعه لما يشرب الصوص تكوني مقطعه حبه طماط وتحطيه على اللحم وقلبيهم على نار عاليه 4 دقايق ملاحظه مهمه لا تحطي ملح الا بعد مايستوي اللحم وتذوقيه علشان الخل اصلا حامض وانا احط ملعقه ماجي ابيض جينا موتو بس مو لازم لئنه في ناس كثير يشوفوه مو صحي بس انا بصراحه احطه
تقدم مع بصل مقطع شرائح وبقدونس وملعقه صغيره خل وسماق ومخلل خيار واستمتعي باحلى شاورما وانا مسؤوله عن كلامي ياريت وحده تطبقها وتحط الصور لئني مره ما اعرف انزل صور
اتمنى تجربوها لو عجبتكم حنزل طريقه تورتيلا رهيبه وملفوف مو طبيعي باااااااااااااااااااااااااااااااااي

37 تعليق 11,304 مشاهدة

شاركي في النقاش

سجلي الدخول لإضافة تعليق.

التعليقات

35
  1. @mama_sita

    ناوية اجربها جزاك الله خير

    بس كيف ابخرها بفحمة ؟ ممكن الطريقة بالتفصيل؟

    وكم ملعقة صغيرة بهارات اسناد للشاورما؟

    وخل ابيض ولا اسود ؟ ولا ايش؟

    وقشر البرتقال ابشره ولا قطع ؟ لانك قلتي نشيله هو والفحم قبل الطبخ

    حرمت يداك على النار
  2. @rghm_alalm_999

    صاحبة الموضوع
    حطي فنجان فيه زيت في نص القدر اللي انتي حاطه فيه الشاورما وحطي فيه الفحمه وغطيها نص ساعه عشان اللحم ياخد ريحه الفحم
    بهرات اسناد حقت الشاورما 3 ملعقه شاي مليانه
    الخل ابيض
    والبرتقال والليمون قطع عشان تقدري تشيليه واي استفسار انا حاضره

تابعي تجارب أخرى من هذا القسم.