ابي رجيم لبنتي عمرها 8سنوات...

سلام امهات.مبارك عليكم باقي الشهر :40:
بنتي عمرها 8 سنوات وسمينه وابيها تنحف قبل العيد وابي رجيم بسيط لها ؟؟؟

14 تعليق 32,964 مشاهدة

شاركي في النقاش

سجلي الدخول لإضافة تعليق.

التعليقات

13
  1. @ampamyr_btbaayamp

    لا لا رجيم ماينفع صغيره انتي اهتمي بي اكلها ابعدي المقالي والحلويات والشبسات
    لكن مو تحرميها حرام لا خففي منها ع قد ماتقدري
    ولاكل خليه يكون صحي لكم كلكم مو هيا لوحدها
    وخذيها معاكي السوق امشي وخليها تمشي بي اي مكان يناسبك مولازم سوق
    خلي السحور بدري عشان يمدي ينحرق ماتاكل وتنام
    وراح تنحف لاتخافي اذا دبدوبه وماعندها زيادة وزن مفرطه لاتخافي بترجع تنحف ياحياتي عليها
    بعدين يأختي عمرها٨سنوات ليه فكرتي برجيم ع طول اول حل انتبهي تقولي لها انتي دبا او الملابس مو حلوه عليك انتبهي من واقع ترجبه والله وحده من الاهل بنتها عمره ٩سنوات ماشاء الله. دبدوبه وامها نازله فيها تهزي قدام البنات وتحرمها من الاكل وتخلي اخوانها ياكلو قدامها لانهم ضعاف واذا خرجو عند احد تصرخ اذا بيضيفوها لا تعطوها مو ناقصه شوفو كيف وزنها وشكلها
    البنت ياقلبي عليها تجنن حلوه مره بس جسمها يبغاله اهتمام ومساعده من اهلها
    الحين البنت زادت اكثر تاكل من وراهم وبشراهه مسكينه الحين سمنتها مره مفجعه يادوب تمشي
    الاتزعلي مني اكيد انتي مومحتاجه نصيحتي لكن حبيت اذكر الي اعرفه للأفاده
    يارب بنوتتك تنحف وتصير احلا البنات يارب ويرزقك برها
    واذا تحسي ان زيادة وزنها كثير ع سنها خذيها اخصائي تغذيه وهوما بينصحوك بطريقه سليمه وبيعطوك خطواط تمشي عليها بدون مايأثر الرجيم عليها لان صغيره
  2. @aanoan_alsaaadh_1

    نظمي اكلها
    ولاتحسسيها بالرجيم و حاولي اكلكم يكون بعيد عن المقليات والحلويات والاشياء الدسمه
    للبيت كله مو لها لحالها لسى صغيره :(
  3. اختي العزيزة

    قبل كل شئ ما يمديك تنقصي وزنها قبل العيد... دايما لا تحددي وقت لانقاص الوزن لأنه دايما هذا سبب لفشل الرجيمات والانظمة الغذائية

    لازم تعطي الجسم وقته ليأقلم مع النظام وبالتالي تنقص وزن

    نجي للنظام

    وعن تجربة ويناسب الاطفال والكبار والحامل والمرضع

    النظام الرهيب المستقى من سنة نبينا وحبيبنا سيدنا محمد

    نظام اللقيمات

    راح ينجح مع بنتك وبجدارة وحتى وهي عمرها 8 سنوات... لأنه بدون حرمان

    فقط تصغير حصص الاكل... بدل خبزة كاملة نص خبزة ومع أي شئ.... وبعدها بساعتين خليها تكمل الخبزة

    تبي تشيبس عطيها... بس نص الكيس وبعد ساعتين خليها تكمل الكيس..... حتى لو شوكولاتة..... نص والنص الثاني بعد

    ساعتين.... ابدا ماشي ممنوع في الأكل

    وطبعا هناك الوجبة المفرحة..... حاولي تنظميها لها

    بعد فترة بسيطة.... بتلاجي انها بدت تشبع بسرعة... وشهيتها تقل

    وبيصير نظام حياة

    انصحك بعد

    تخليها تسوي رياضة... طبعا صعب تجولي لياهل جووم سوي رياضة.... صعب صعب

    بس حلو تجيبي لها الترامبولين وخليها تنط لحد ما تتعب... هي راح تستمتع وف نفس الوقت راح تنقص وزن

    بالنسبة لنظام اللقيمات شوفي هذا الرابط

    http://forum.hawaaworld.com/showthread.php?t=3604814
  4. @lamara_84

    لا حرام بنتك صغيرة ما ينفع تجربي فيها
    الاطفال اجسامهم حساسة مش زينا متمسحين وصرنا حقل تجارب
    الافضل انك تاخديها على اخصائية تغذية
  5. @magd_82

    السلام عليكم ورحمة الله وبركاته
    افضل حل لانقاص وزن الطفل من غير ما يحس وعن تجربة الناس حولي : 1- تشتريلها صحن حلو خاص بها وتحدديلها كمية اكلها يعني الصحن مرة وحدة وما في زيادة ويمكن يكون مشكلتها مو في اكل البيت يمكن تاخذ في سناك كثير فحاولي تنظمي هذا الشي.
    2- الترامبولين ثم الترامبولين ممتازه جدا جدا بتنقص من غير ما تحس .
    ويمكن تكون بنتك وزنها طبيعي بس بنظرك مليانه شوي انا بنتي عمرها 9 سنوات ووزنها 26.7 ك وقالولي طبيعي بالنسبه لطولها وربي يحفظها لك ان شاء الله ويعننا علي تربيتهم على الصلاح .

تابعي تجارب أخرى من هذا القسم.