(( الفــايتــو شيــب وعمــايلـــه ))

ياااااااااااااااااااربي انا خلاص من بعد ماسمعت هالتجارب اتوقف عنها نهائي وللأبد .. مافينا عالامراض اللي فينا مكفينا... وشكرا لكل وحدة عرضت تجربتها معانا... يزاكم الله خير ...




:26:


غيــــــــــــــــــــوض

خلالالالالاص انا بعد فكرت اتوقف عنه الواحد صحته اهم
انزين لمن خلصتي اول علبة كم نزل وزنج؟؟
ومشكووووووة على التنبيه.....

السلام عليكم

خواتي انا مثل باقي البنات لي تكلموا عن تجاربهم و انتوا كبار و تعرفون مصلحتكم و اللي تحب تاخذ بكلامي انا بكون مستانسه و لكن لي ما بتاخذ به ما بقول الا الله يهديها وانا اعرف طبع البنات ..

بس حبيت اقولكم انا الحمدالله كنت بنت صاحيه ما فيني اي عله الحمدالله و اب خلل في هرمونات و انا مش متزوجه و اللي قالوا اني ما اشرب ماي .. خواتي انا لو تذكرون قلت الكم كنت كل صبح اشرب دبه من الصغار و كل شويه اشرب بين الكوب و الكوبين .. و اللي يضحك تحت شبريتيه ما لا يقل عن كرتونين ماي العين من الدبات الصغار كل ما يخلص واحد ازيد عشان ما ينقصني شي .. طبعا لاحضوا ان كل جسم يختلف عن الثاني و في طريقة تقبله للأدويه بس في النهاية النتيجه وحده..

اللي ما تعرفونه ان الفايتوا شيب فيه ماده مضاده للستريك اللي موجود في الكلى و اللي هو ضروري عشان يسرب الماي للمجاري البوليه و انتوا بكرامه .. فإذا زادت هاي الماده و تركزت ينقص معدل الستريك الموجود في الكلى و يبدى تكون الحصى فيها .. و أزيدكم من الشعر بيت الفايتوا شيب يسبب للحريم بالذات خلل في عملية الأيض في الجسم لانه فيه ماده الله اعلم تكون محفزه و لو تقرون كاتبين في نشرة الفايتوا شيب انه يزيد الطاقه و يحرق الدهون بدون لا تسوين شي .. وفوق كل هذا و ذاك اغلب البنات هنيه يقولون نعاني من كثرة التبول و هاي اول بادره على ان هذا خلل في الايض و الايض للي ما يعرفه هو عمليه حرق الدهون في الجسم و تختلف من بنت لبنت .. و عشان جيه ساعات حد منكم يقول احس بصداع و لا قلبي يدق بسرعه و لا انسى و لا مب عارفه ارقد و ريجي ينشف.. هاي الاعراض عاديه بالنسبه للأدويه الثانيه .. مثل ردكتيل اللي مفعوله اقوى بوايد .. بس الفرق ان فايتو شيب فيه اعشاب مخدره ما تحسسج باللي يالس يستوي في جسمج ..

اللي تبا شاهد على كلامي تسير تقرا الكتب .. انا محد كثري يقرى .. و اقرب مثال .. لي تروم تشتري مجلة الجميله هالعدد 355 اطالع صفحة 85 كيف تتغلب على حصى الكلي .. و بتلاحظون اشياء انتوا مريتوا فيها او تقريبا توضح الكم بشكل أو اخر انتوا شو يالسين تسوون في صحتكم ...

انا ما اريد اتفلسف عليكم و لا ارمس بزياده بس صدقوني خايفه عليكم ..

الكلى وايد مهمه في جسم الانسان .. و اذا تعطلت وظايفها و انتوا في هالسن الله لا يقول .. معناتها ما الها حل غير تدبير رب العالمين اذا كاتبلج الحياه.. صدقوني انا هالكلام اقوله من تجارب ناس شفتهم بعيني اتعطلت وظايف الكلى في جسمهم عجزت المستشفيات في الدوله اتسويلهم اي شي ..

الله يبعدكم عن الشر ان شاء الله و اسمحولي على الاطاله و دمتم سالمـــــــــــــــــــين