والله خليتوني ابكي وانا اقرأ ردودكم وقلتو لي كلام انا كنت غافله عنه تفكيري كان سلبي جدا ومعترضه على قدري ومسيطر علي اني مضلومه واهملت نفسي
اهلي غصبوني اني اتزوجه لانه يبي وحده تحب عياله وما تظلمهم وقال ما في الا خالتهم تحن عليهم ويبي عياله يكونون قدام عينه يقول كفايه انحرمو من امهم ما ابي ينحرمون مني بعد اول ما توفت اختي الله يرحمها كان يجي لعياله خميس وجمعه وفي الاجازات ويأخذهم ويمشيهم ويعطيهم الي يبون بس يقول ما اشبع منهم يبي على طول معاه
وبالنسبه للي قالو لي اطلب الطلاق او اروح للمحكمه صعبه وما اقدر لو رحت بصير عللك في حلوق الناس وبيحطون العيب فيني واهلي مستحيل يبخلون ارجع لهم لو تطلقت اقرب مقبره تدفني فيها امي
والي قالت لي ليش ماقلت للشيخ اني مو موافقه ما حبيت اكسر كلمت ابوي وافشله واحرجه وانزل راسه قدام الناس الرفض يكون قبل الملكه مو يوم الملكه لا وبعد قدام الرجال صعبه ويوقف قلب ابوي لو سويتها
من ردوكم علي شجعتوني اني اتغير وارضى بالي صار لي وانظم وقتي وخصوصا اني ما شفت منه الا كل خير ومو مقصر معاي وقالي اليوم بيجيب شغاله لمده شهر اذا تعودت عليها بيجيب شغاله دايمه لنا لاني انا رافضه الشغاله اخاف منهم
بس مشكلتي اسحتي منه وشلون بتقرب منه اذا كلمني اكلمه وانا منزله راسي والله ما حطيت عينه في عينه واليوم على العشى طلب مني اني اجلس جمبه جلست وانا مستحيه وخجلانه وسويت نفسي مشغوله ااكل ولده عشان ما يطلب مني شي
احمد ربي واشكره اني كتبت مشكلتي ونصحتوني اليوم جاني اتصال من صديقتي من تزوجت ما كلمتها ماخذه فكره عني اني مشغوله ومو فاضيه اكلم احد من العيال وتربيتهم وسألتني عن حالي واخباري قلت لها الحمد لله تمام قالت لي صديقاتي يقولون عني اني مسكينه تزوجت واحد اكبر مني وابتلشت بتربيه عيال وما سويت حفله زواج لولا نصايحكم لي كان قلت لها اي وبكيت بس جاتي قوه غير طيبعيه وقلت لها بالعكس مبسوطه وسعيده مع زوجي ومع عيال اختي وقالت لها مو الحفله الزواج هي الي تجيب السعاده ياما ناس سوا اكبر الحفالات وعايشين في مشاكل جاني الولد الصغير وانا اكلمها قالي ماما حبيبتي جايع ( هو اذا يبي حاجه مني يقولي كذا ) سمعته وقالت لي ما شاء الله يسمونك ماما قلت لها اي قالت الله يخليهم ,, انا قلت لها كذا عشان توصل للكل اني مو مسكينه وكاسره خاطرهم
تعبت من حياتي وكرهت امي زوجتني غصب بزوج اختي الله يرحمها/ استوفى الرد
متابعة النقاش، صفحة 24