شاركي في النقاش

سجلي الدخول لإضافة تعليق.

التعليقات

412
  1. @alhnyn_llmady_20

    صاحبة الموضوع
    ليلى00
    وربي قطعتي قلبي بس عيال أختك ومافيه احن عليهم منك واحتسبي الأجر في هليتامى ويبيلك شغاله على الأقل تشيل عنك شغل البيت وهذا نصيبك ارضي فيه
    والله خليتوني ابكي وانا اقرأ ردودكم وقلتو لي كلام انا كنت غافله عنه تفكيري كان سلبي جدا ومعترضه على قدري ومسيطر علي اني مضلومه واهملت نفسي
    اهلي غصبوني اني اتزوجه لانه يبي وحده تحب عياله وما تظلمهم وقال ما في الا خالتهم تحن عليهم ويبي عياله يكونون قدام عينه يقول كفايه انحرمو من امهم ما ابي ينحرمون مني بعد اول ما توفت اختي الله يرحمها كان يجي لعياله خميس وجمعه وفي الاجازات ويأخذهم ويمشيهم ويعطيهم الي يبون بس يقول ما اشبع منهم يبي على طول معاه

    وبالنسبه للي قالو لي اطلب الطلاق او اروح للمحكمه صعبه وما اقدر لو رحت بصير عللك في حلوق الناس وبيحطون العيب فيني واهلي مستحيل يبخلون ارجع لهم لو تطلقت اقرب مقبره تدفني فيها امي
    والي قالت لي ليش ماقلت للشيخ اني مو موافقه ما حبيت اكسر كلمت ابوي وافشله واحرجه وانزل راسه قدام الناس الرفض يكون قبل الملكه مو يوم الملكه لا وبعد قدام الرجال صعبه ويوقف قلب ابوي لو سويتها

    من ردوكم علي شجعتوني اني اتغير وارضى بالي صار لي وانظم وقتي وخصوصا اني ما شفت منه الا كل خير ومو مقصر معاي وقالي اليوم بيجيب شغاله لمده شهر اذا تعودت عليها بيجيب شغاله دايمه لنا لاني انا رافضه الشغاله اخاف منهم
    بس مشكلتي اسحتي منه وشلون بتقرب منه اذا كلمني اكلمه وانا منزله راسي والله ما حطيت عينه في عينه واليوم على العشى طلب مني اني اجلس جمبه جلست وانا مستحيه وخجلانه وسويت نفسي مشغوله ااكل ولده عشان ما يطلب مني شي

    احمد ربي واشكره اني كتبت مشكلتي ونصحتوني اليوم جاني اتصال من صديقتي من تزوجت ما كلمتها ماخذه فكره عني اني مشغوله ومو فاضيه اكلم احد من العيال وتربيتهم وسألتني عن حالي واخباري قلت لها الحمد لله تمام قالت لي صديقاتي يقولون عني اني مسكينه تزوجت واحد اكبر مني وابتلشت بتربيه عيال وما سويت حفله زواج لولا نصايحكم لي كان قلت لها اي وبكيت بس جاتي قوه غير طيبعيه وقلت لها بالعكس مبسوطه وسعيده مع زوجي ومع عيال اختي وقالت لها مو الحفله الزواج هي الي تجيب السعاده ياما ناس سوا اكبر الحفالات وعايشين في مشاكل جاني الولد الصغير وانا اكلمها قالي ماما حبيبتي جايع ( هو اذا يبي حاجه مني يقولي كذا ) سمعته وقالت لي ما شاء الله يسمونك ماما قلت لها اي قالت الله يخليهم ,, انا قلت لها كذا عشان توصل للكل اني مو مسكينه وكاسره خاطرهم
  2. @sun_rse

    نعم !! وش هالظلم وش التعسف !! وتقولون لها اصبري وتحملي

    تقول البنت ماهي طايقته ماتدانيه تقولون احتسبي الاجر في عيال اختك !!

    وهي ؟ وحياتها ؟ وعمرها ؟ وسعادتها ؟ واللي تحبه ؟ والاحلام اللي رسمتها ؟؟ والفستان الابيض ؟ والشاب اللي تحلم فيه والتجهيزات اللي كل بنت تتمنى تسويها

    عسى خير انتي وياها ماتحسوووون !!

    لا وألف لا روحي للمحكمه تكلمي وعبري عن موقفك وتطلقي منه ولا كلميه هو براسه قولي مابيك
    خذي حقك لاتسكتين محد بيجيه الهم والغم والامراض الا انتي
    عيشي حياتك زي ماتبين انتي مو زي مايبون اهلك والمجتمع

    انتي منتي قاعده تسوين شي غلط
    الارواح جنود مجنده

    ياناس اعرف بنات اقسسسم بالله اهلها زوجوها غصب مع الايامم والعياذ بالله انححرفت تقول لااهتمام ولاني طايقته وتبي تعاقب اهلها باللي سووه فيها وطاح الفاس بالراس
    غير الاطفال اللي تنجبهم من شخص ماتحبه او حتى مو مرتاحه معه

    عيال اختك طول هالسنين كانوا معكم بالبيت جت عليك الحين الا تربينهم !!

    خوش والله

    ارتفع ضغطي بجد
  3. @alhnyn_llmady_20

    صاحبة الموضوع
    ريم الريم 20002
    طيب انا عندي حل جداااا راائع ..... ✨✨✨✨✨✨✨✨✨✨✨✨ روحي لزوج اختك واجلسي جلسه مصاارحه وقولي انا ما ابغاك وابيك انت تقولي لاهلي هالشئ وانك تحس انك ظالمني ولاتاخذ اختي وقولي له انا بزوجك ارمله حنون ع العيال وعليك ان شاء الله …
    مشكوره اختي ردك
    وحلك صعب والله ما اقدر اصارحه بشي لاني ما ابي اجرح مشاعره وما ابي اطيح اهلي من عينه وابين له انهم غصبوني عليه لانه لو يدري ما رضى انا يأخذني بالغصب
    وصديقتي الحين ما تبيني زعلانه واخوها بعد ما يبني
  4. الله يكوون بعونك ...من كلامك الاخير واضح بديتي تقبلينه ...خلاص اذا الطلاق صعب ومافيه حل ...حاولي ترضين بالواقع وتقبلينه وعيشي حياتك ..اوول شي روحي سوق وجهزي نفسك اشري قصير واشياء دلع واتركي العيال عند اهلك وساافري ..واذا رجعتم جيبي شغاله ..والله يكون بعونك وياجرك ع مصيبتك ويفرج همك
  5. @fgr_alsaaoooood

    الله يسامح امك....
    مالك الا انك ترضين بما كتبه الله لك....
    العمره يا اختي ...حاولي تعشين حياتك تتاقلمين تنسين الماضي
    تعرفي على زوجك بتحصلين فيه صفات باذن تعجبك
    اطلبي منه يجيب لك خادمه تساعدك في البيت...واهتمي بصحتك والله اذا راحتك صحتك ما راح احد ينفعك..

تابعي تجارب أخرى من هذا القسم.