بما اني اليوم مريضه ومو مستطعمه ومالي نفس اكل وما عندي دوام بالليل لاحظو اني نزلت دوام الصبح وكنت مبهدله ما في صوت وبرابيري نازله هههههههههههههههههههههههههه المهم بما انو الوضع هيك قررت اكتبلكم قصتي مع السمنه
بنات لي رجاء اي واحده عندها بنت او ولد صغار سمان تقرا قصتي كتيييييييييييييييييييير منيح وتنتبه لنفسها ولكل اللي حواليها علشان الطفل ونفسيته
نيجي لقصتي اللي مو عارفه ابداها من وين !! انا من اول ما كبرت شوي وكنت في ابتدائي كان وزني زايد مو بطيخه بس وزني زايد المشكله انو ماما الله يهديها مهوسسة دايت وجسم وعندي اخت اكبر مني بسبع سنوات كانت سمينه ونحفت في ثانوي فالثنتين صارو مهوسيين دايت المهم طول عمري اهلي يتريقو علي قدام الناس او من يوم ما احد يقدملنا حاجه واجي اكل اخذلي نظره من امي تخوفني موت هذا وانا طفله !! تخيلو موقف محرج في الاخر بطلت اكل قدام احد كنت احس كطفله اني مجرمه لما اكل قدام احد احس كل الناس تنظرلي لما كنا ننعزم انعزم احد ما ارضى اكل غير شوي قدامهم واقوم وانا ميته وع لان في نظري ان الناس بتتريق علي واني عامله حاجه غلط لما اكل وقررت ماما تعملي دايت وانا في خامس ابتدائي !! احنا عيله تحب الشاي صارت تشربني الشاي بدون سكر وانا طفله !! ما في فطور حتى حليب الصباح تعمل لاخواني حليب بالشوكلاته وانا تحطلي ربع كوب حليب عادي فما كنت اشربه لاني كنت ما احبه واستحي اكون لوحدي هيك ساندوتش المدرسه تعملي نص سندويشه فقط طبعا البنات في المدرسه صارو يتريقو علي ان امي بتعملي نص سندويشه لاني دبه !! فبطلت اخذ اي شي اكله فتخيلو طفله ما تفطر ابدا اظل على لحم بطني لغاية الغدا والغدا ممنوع اكل رز او اي حاجه نشويه بس اقل من ربع خبزه صغيره بر مع اي ايدام امي طابخته او قطعة دجاج من الطبيخ طبعا بالنسبه لي كطفله كان هذا كلو قرف والمصيبه انو العشا محذوف او بيضه مسلوقه بدون اي اضافات !! ولا حتى خبز وانا اكره البيض المسلوق وكمان كطفله ما اقدر اكل سلطه لحالها فكانت ماما تتخانق معاي دايما ناقر ونقير النتيجه الحتميه صرت ما اكل قدام الكل ومن وراهم اكل وبس !! ومو كثير المهم اني كبرت وانا مليانه في اول ثانوي امي كانت محسستني اني اكبر دبه كان وزني 72 وطولي كويس طويله يعني المهم عملت دايت وللاسف دمرني كمان شهرين كل يوم يا اما 3 خيارات يا اما تفاحتين يا اما برتقالتين وكانت تتخانق معاي قومي اعملي رياضه طبعا كنت طريحة الفراش ما في اي طاقه وكنت مراهقه في مرحلة النمو!! نحفت مره وجسمي صار روعه بس شعري طاح وصرت اتعالج عند دكتور لدرجة اضطريت اقصه على الاخر يعني بوي تقريبا !! ولما كنت في ثانويه عامه بدأ الدلع والاكل امي اي حاجه تبغيها بس ظلي بغرفتك ادرسي وتسويلي برجر وبيتزا وكل اللي نفسي فيه سمنت 15 كيلو وقتها ولما خلصت ودخلت جامعه خناقات وانحفي وانا كل يوم اعيط واصيح والبس بلايز طويله للركبه واخاف من جسمي لغاية مره كنا في حفله في كمباوند وفيها ناس كثير طبعا انا كنت اتخبى من صاحبات ماما لدرجة ان في منهم ما عرمهم شافوني او يعرفوني وقتها ما عندي لبس يناسب ابدا لاني ما اشتري غير البلايز الطويله لبست تنوره من عند ماما مع بلوزه اخترتها من السوق كانت زي القميص المخصر وانا مستعجله المهم اني يومها كانت نقطة تحول في حياتي لان كل من شافني انهبل بالرغم من اني دبه وسمينه واكره نفسي بس وقتها حسيت اني مو دبه وان كبر صدري مو لاني دبه لاني انثى او انها علامة جمال لان ماما كانت مفهمتني انها سمنه ههههههههههههههه المهم انو ما ظل احد الا اعجب في وفي صاحبات ماما قدامها قالولها اقري على بنتك المعوذات صاحبات اختي في الجامعه لما نزلت معاها اول مره انهبلو قالولها اختك تجنن هنا بدأت اثق في نفسي اكثر طبعا ما اقولكم اني دايما كنت اوفر مصروفي واشتري كل اللي نفسي فيه من اجهزه او حاجات ثانيه واي احد من خواني يبغا شي يجيلي لاني بنك البيت ما عمري اشتريت بمصروفي في المدرسه كنا كل خميس انا واختي اللي اصغر مني نرسل اخوي للبقاله نشتري يا شبس او شوكلاته من ورا ماما ونجلس نستناه خايفين وهذا اكبر غلط يسوه الاهل في عيالهم طيب طفله ما فيها شي لما تاكل بحدود ياما انكشفت وانضربت بس ما في امل اتغير وانا طفله
المهم دخلت الجامعه وكنت ساكنه مع اختي الكبيره لوحدنا في الاردن طبعا ماما قالت ان غاب القط العب يا فار اكيد بتسمن هالبنت طبعا هناك كنت محافظه على جسمي وكل مالي انحف وانحف لدرجة لما وصلت سنه ثالثه كان وزني 60 ماما لما شافتني اعطتني مبلغ محترم اغير كل لبسي !! زمان كان الكل يتدخل في ويعلق ابوي واخواني لاني كمان ابتدت ملامح الانوثه علي بدري يعني صدري طلع من سادس تقريبا وماما تلبسني لبس اطفال فكان شكلي تحفه واكيد ببان منفوخه غير اني كنت زايده ما انكر بس برضو اللبس كان غلط بدليل اني لما صرت البس صح بين اني مو دبه !! وبعدين مع جية اخواني الشباب والدراسه والمشهيات ايام المتحانات ومشروع التخرج سمنت كتير
ولما اتخرجت وجيت برضو عملت دايت وصرت اشترك في انديه وسباحه وبرضو امي تعلق علي تخيلو لما تشوفني اكل عشاي اللي هو ربع بر مع لبن وكنت وقتها مع اخصائي تغذيه تعلق انو المفروض ما تتعشي كل يوم انام وانا اصيح اخصائي التغذيه قالي انو انا عملية الايض عندي اتدمرت لاني طول عمري اعمل رجيم غلط فاي حاجه صارت تسمني لان جسمي اتعود على الحرمان طبعا مريت بظروف زباله وحاجات كثير وانا احاول انحف والحمد لله نحفت مره لدرجة صرت البس 14 او 12 ما كان في ميزان بس كل من شافني انبهر بعدها انخطبت واتزوجت وبدا اكل برا وخصام زوجي لو طلبت سلطه او ما اتعشيت معاه وانا مو منتبهه اول مره اكل براحتي واحط التشوكليت قدامي مو مخبيته وصرت اتخن وانا مو حاسه ولما انتبهت بطلت اقدر اسوي دايت ابدا بس بدي اكل واكل ههههههههههههه لغاية في يوم كان لي سنه ونص متزوجه وما عندي اطفال واحده تقول لام زوجي لازم الثنين يسو عمليه قص معده ولا ما بيخلفو انا هنا انجنيت واستوعبت اني خلاص وصلت لطريق مسدود شافني زوجي منهاره بكا ووعدني يومها ما يعلق علي وعلى اكلي ولا يجبرني على حاجه ولا يجبلي مشهيات وبدأت كان وزني وقتها 118واشتركت في الفريق الاحمر هنا وبدأ ينزل وزني وبعد شهر ونص كنت ماسكه رجيم اسامه حمدي طلعت حامل هههههههههههههههه طبعا وقفت الدايت بس اكل اكل صحي نوعا ما بس زوجي ما رحمني يجبلي الكيت كات ويأكلني اياه غصب وانا كنت فرحانه اني حامل وشهر وصارلي نزيف وظليت في الفراش بس ما اكل ابدا من الخوف عشت على الرز المسلوق والبن لانو عندي القولون مع الحمل بهدلني وعلى ثاني شهر كان وزني 116 ولغاية الخامس وانا انحف وما حد يعرف اني حامل وبعدها بدأت بالتضخم ههههههههههههههههههه
وزني يوم الولاده كان 134 وبعدها باسبوع 124 لاني ما كنت اكل ابدا بعد الولاده امي تخانقني لازم تاكلي ( اول مره في حياتها تقولي كولي ههههههههههههههه) وعدين ثبت وابتديت احاول انزل وزني واشتركت معاكم هنا وانا وزني كان 118 ونا عامله دايت دوكان والحمد لله الان ناويه احقق حلمي وارجع للستين من تاني وما اتوقعت اني بعد سنه من الولاده اكون انحف من قبل الحمل لان لبسي قبل الحمل الان كلو واسع علي ونفسي انحف واوصل للثمانين قبل ما افكر احمل من تاني
صدعتكم بس نصيحه ما تستحو من اولادكم ولا تدمروهم انا الان لو اكل شوي اسمن ها قدري اني اظل طول عمري مخففه او عامله دايت حتى الفتره اللي ابتعدت فيها كنت مخففه وزدت 2 كيلو تخيلو فعلشان هيك ما حدا يعلق على اطفاله لو بدو اياهم ينحفو يزيد نشاطهم الحركي ويقلل الحلو ويدخل الاكل الصحي لوجباتهم ويتفهم وضعهم مو الكل ياكل قدام الطفل وهو ممنوع بحجة لازم يكون في عندو اراده !!
هذي قصتي مع السمنه باختصار ههههههههههههههههههههههه( ما خليتي شي ما قلتيه ) لو تركت نفسي في مواقف ومواقف وليالي بكا وصياح وحرقه
بس لله الحمد من قبل ومن بعد
يوميات قروب التزمت 16 اختاري الحل الصعب يا تنحفين يا تنفجرين من الشحوم
متابعة النقاش، صفحة 216
