حبايبي بكثر كلام بس ايوده :02: شجعتني
انا حطيت نفس الكلام وازود في تجمع الأمل للمقدمات ومنتظرات نتيجة اطفال الأنابيب وهما برضوا زيكم اخواتي ربي يرزقهم كلهم .....
امس :40: بعد ماكتبتلكم خرجت وماقلت ولا لاحد من اهلي ولا اهله حبيت يكون مفاجاه المهم مريت على سعد الدين وأشتريت كيكتين وحده لأهلي ووحده لأهل زوجي ومريت على الصيدليه واول مره اروح قسم الأطفال وبقول لزوجي حمد الله اخير اجي القسم دا وانا دايما اعديه ماابغى اشوفه واتحسر شعور غريب ودمع عيوني في الصيدليه واشتريت مصاصتين :04::04: وغرستهم فوق الكيك ورحنا اول عند اهل زوجي بحكم انهم اقرب لبيتي وكانت اخت زوجي واخوانه الصغار موجودين وخلينا امه تفتح العلبه حقت الكيك استغربت مهي فاهمه قامت اخت زوجي جات ولما شافت المصاصه طالعت فيا وقالت لاتقولي انتي حامل وفرحوا مررررررررررره وصرنا نحضن في بعض ونبكي حمد الله ووصوني اني مااجيب سيره لاحد بس اهلي واكتم وانه حيكتموا وماحيقولوا لاخوان زوجي المتزوج ههههههههههههه الين ماادخل في الرابع او الخامس

وبعدها روحنا لاهلي فتح الباب بابا ربي يحفظه ومستغرب رايحين عندهم اخر الليل المهم جات ماماتي وطلبنا منها تفتح العلبه وطالعت وقالتلي حامل ومهي مصدقه بتقوللي لاتمزحي قولت لا والله يامام حامل وبكيوا وبابا اول مره اششوفه بدموعه حمد الله وقاعد يوصيني اني انتبه لنفسي وماافرح كثير وخايف عليا ويقوللي ربي اذا رايد يحفظلك هو يالله فرحتهم بالدنيا حمد الله وعقبال تفرحوا اهاليكم يارب
ودا كيكهم

ههههههههههههههههههههههه حكيتلكم كل شيء ماخليت شيء في قلبي كل دا بفضل من الله سبحانه وتعالى اولا واخيرا
واحسكم زي اخواتي واكثر والله وان شاء الله افرح فيكم كلكم قريب

