سلام بنوتات حواء
حاولت انام بعد الفجر بس النوم طار من عيني من كثر التفكير بنات حاسه حالي مخنوقه ومتضايقه من شكلي جسمي كرهني كل شئ في حياتي سويت رجيمات نحفت كم كيلو وتروح الاراده واجلس سنه بدون رجيم ولا حتى تخفيف احس الرشاقه صارت حلم يصعب تحقيقه في نظري والدكتوره تقولي لازم تنحفين عشان
مساله الانجاب لكن الاراده يوم يومين وتروح وانسى
كنت اتمنى اجلس مع زوجي وانا وزني في الاربعين ولا الخمسين والبس واتكشخ واتدلع عليه يحس انو متزوج انثى دلوعه مو وحده الحمد لله والشكر وزني 101احس ماعاد فيه امل لو واحد بالميه انحف كرهت الطلعات والعزايم اخخخ بس السمنه موت بطئ لا ملابس القى ولا شئ يليق فيني هذا غير التعليقات الي اسمعهايارب الطف بحالي حتى زوجي حسيت نظراته نظرات واحد شايل بقلبه وساكت ماعاد صار في حب بيننا مثل اول زواجنا لاني كنت نحيفه وانواع الدلع الحمد لله على كل حال
مجرد فضفضه
شاركي في النقاش
سجلي الدخول لإضافة تعليق.
التعليقات
13- يا قلبي الدلع ماله دخل بالوزن هذا اولاً
ثانياً لو وزنك بالاربعين والخمسين اكيد بتدورين شي يسمنك
اكل العنب حبه حبه
ليش تبين تنزلين كل هالرقم
خلي طموحك مثلاً ثمانين وبيكون بإذن الله سهل توصلين لها وبيفرق جسمك ١٨٠ درجة وبترجع ثقتك بنفسك
وبعدها حطي لك هدف ثاني اذا تبين تنزلين اكثر
انا ما يهمني وزني كرقم المهم شكل الجسم يكون متناسق ومرتب بعد الصحة والعافية
تعوذي من ابليس وابحثي عن طريقة تناسبك بالرجيم
انا بصراحة جربت اشياء كثيرة
اخر حل حسيته مناسبني رجيم التمر واللبن ثلاث او اربع ايام بالاسبوع ( لانه قوي )
وباقي الايام بتكون تخفيف علشان اعوض اللي فقدته ولا احس بالحرمان
جربي رجيم النقاط ممتاز ولا فيه حرمان
كلنا نمر بمرحلة هالاحباط بس تعوذي من ابليس وواصلي
اذا عندك انستقرام اضيفي الناس اللي تسوي دايت وشوفي تشجيعهم والله بترجع ارادتك اقوى من اول
ويارب ياكريم ما تدور السنه الا ولدك بحضنك وترفعين يدك وتشكرين الله انه فرج لك هالكربه وانها كانت من الماضي - وسعي صدرك حاسه فيك اسال الله عز وجل انه يحقق لك مبتغاك طيب سجلي نادي بنت لختي وزنها فوق الميه وهي في سادس ابتدائي سجلت نادي ناحفه ماشاء الله 6 كيلو في شهر جربي النادي اذا انتي عزيمتك مش قويه برجيم ورمضان فرصه لك للنحف لانه الصيام يلزمك ابدي تمر ولبن يشبع ومفيد الله يرزقك ويرزقنا النحف
- هلا والله يالغاليه
لاتربطي وزنك بزوجك وحبه لك او نظراااته خليك وااثقه من نفسك
ماقولك ان السمنه زينه ايه اكيد شينه
ولاكن انحفي لنفسك ولصحتك وشباابك مووو لزووجك يعني لاتخليه شي واااو فهمتي
كلنا زايد وززنننا والحين لي فتره وانا انزل الحمدالله لاني بدبت اخففف اكل الصراحه الرجيم مانتظم عليه
ااكل من الموجود لاكن قليل جدا حاوولي تشربي نسكفيه او قهوة تركي في الصبااح يسد الشهيه طبعا قبل الفطووور بعدها بسااعتين افطري بيضتين وعصير برتقال او حليب قليل مع شوية توست وجبنة قليل
الغدااء كولي من الموجود بس لاتشبعي قومي وانتي تحسي انك جيعاانه
اشربي موويه كثير وعصير انناس برضو حلوو
العشاااء كلي زبادي بس واشربي شاي اخضر حاولي قد ماتقدري بعد 7 باليل ماتحطي بفمك اكل بس سوااايل يعني انتي ضبطي عمرك ماتحتاجي غير اراده
امشي قد ماتقدري ارقصي اي شي فيها حركه بس مااااتتعب مفااصلك الين ينزل وزنك شوي شووي
ادخلي قرووبات عن طريق الواتس صقيني تتحمسي مررره والصرااحه تفاجااءت من بنات كانو فوق الميه الحين في الثمانينات يعني مافي شي مستحيل يااقلبي ربي يحققققق كل شي بقوة الايمان بالله انك تعرفي ان الله قادر يعطينا كل شي بس بعزيمه واراده قويه والثقة بالله ثم بنفسك انتي مو غيرك ولا زوجك والا اي احد قريب كل شي سوويه حق نفسك انتي لانو مافي اغلى منك ..,,, هي لا تشرهين علي تراني احب نفسي مرررررررررررررررره هههههههههههههههه عشان كدا اقول كل شي لك انتي
وربي يسعدك ويسعدنا يالغاليه ان شاءالله ماكون ثقلة عليك - مبارك عليج الشهر ياقلبي
ذكري الله , كل مشكله ولها حل , أعرف وحده وزنها تقريبا ً 140 , بلشت تمسك نفسها من رمضان السنه اللي طافة
والحين جسمها يهبل تبارك الرحمن , وخصرها وااااااااااااضح ومرسوم ,
لاتيئسين ,
عندي سؤال .. هل تعانين من الغده ؟ او هل تعانين من مرض ( بسم الله عليج ) ؟ - يارب تنحفين وانا اسمن بصحه وعافيه
مواضيع مشابهة
تابعي تجارب أخرى من هذا القسم.