مرحباً كنت ابغي أشاركم طريقة الفرييك بنائا على طلب الاخت اكوامارين :)
وتراه انا ما اسويه بالحمة او الدجاج زي المعتاد لأني ما احبه كذا بس ماما اللي بتسوي بالحم اما انا اعمله فريك بالصلصة ادري غريبة لكن صدقوني طعمه النهائي راااائع واللي تبغى وصفه الفريك بالحم تطلبها بس وانا عيوني لها ابسال ماما عليها واخبركم اوك ^3^
ودلوقتي راح اقولكم كيف اسويه في العادة
الطريقة
ببداء بالفرييك مقدار كيس متوسط الحجم نشتريه من السوبر ماركت وبعديين لازم ننقيه كويس او نجيبه متنقي اصلا وبعدين ننقعه في المويه نصف ساعة او اكثر
وبعدين الصلصة عبال ما نعملها نكون حضرنا بصلة متقطعة قطع صغيرة ونسيبهافي الزيت على النار لحد ما تاخذ اللون الذهبي ما نتركها تحمر أوعو ههههههه
وبعدين الصلصة عبارة عن ثلاثة طمطمات صغيرة او اثنين كبار ونضربهم في الخلاط مع شويه ميه ونضيفهم على البصل المتشوح ونقلبهم ونحط التوابل اللي نبغاها انا استعملت الملح والفلفل والباربكيا وسنه شطة بس سوري ما حد يسال مقادير التوابل انا بحط بالنظر كدا ههههههه تراني خبرة حبيباتي ههههههه
اوك بعد كدا نوطي النار شوي عشان ما نحرقها عبال ما نروح نصفي الفريك من المويه ونضيفه على الصلصة ونبداء نقلب كويس تراه دلوقتي صار زي طبخ الرز الأحمر اللي هوا رز السمك يعني ماادري لو تعرفونه لكنه مشهوووور عندنا ههههههه اوك وبداء نقلب شوي مو كتير لحسن يتهري منك او يعجن بنغطي عليه لكن بنسيب مسافة من الغطى مفتووح لإخراج البخار الزائد لحسن يفوووور والمايه تخرج
ولما الماية تبدا تنشف نحط تحته صاجة لو ماعندك ممكن توطي النار اوييي ونبدا نقلب لاااخر مرة بحيث نتأكد انو اللي تحت صار فوق والعكس عشان الكل ياخذ نفس التسوية ولما ينضج تماماً تذوقينه الاول احسن تفشلينا قدام العيلة الكريمة ههههههه
بعدين تغرفيه بطبق التقدييم ويمديكي تنثري فوقه لووز اذا تحبونه وبس باهناء والشفاء
ولا تنسو تدعولي واللي تجربه بليييز بلغيني رائيك بخطواطي سهله ولا معقدة
يد بيد الى عالم الانوثة والتميز والرقي
متابعة النقاش، صفحة 136