مرحبا بنات.
كيفكم؟
بليييييز ابي طريقة الجريش كيف اسويه ؟
ودي ابدع فيه تكفوووون علموني بالتفصيل
شاركي في النقاش
سجلي الدخول لإضافة تعليق.
التعليقات
17- رفع
- الجريش يختلف من ناس لناس
ابقول لك على طريقتنا:
انقعي الجريش حسب الكمية اللي تبين بموية حارة ساعتين او ثلاث
بالقدر حطي لبن وموية وبصل (احنا نكثر البصل) وزبدة وخليه يغلي شوي
ثم ضيفي عليه الجريش المنقوع
وخليه يطبخ وحركيه بين وقت والثاني ثم سكري الغطاء عليه بإحكام
وخليه يطبخ ساعتين تقريبا
وفي آخر ساعة نضيف له شوي كمون والملح ونحركه ثم نضيف الزبدة وعذوق الفلفل الحار
وخليه حتى يستوي
واذا حبيتي تسوين الكشنة
زبدة وبصل مقطع صغار كشنيه حتى يحمر ثم ضيفي مسمنة الجريش (تجيني جاهزة من القصيم)
أو ضيفي ليمون أسود مطحون وكمون وشوي فلفل اسود
وبالعافية - ممكن تضيفي عليه جزر مبشور وذره
أم إلياس وصبا ممكن تضيفي عليه جزر مبشور وذره
جزر وذره شلووووون بيطلع سلطة جريش :icon810:- انا انقعه في مويه حاره نص ساعه او ربع
وبعدين في الزيت وشوي زبده احمس البصله اللين تشقر و بعدين احط الجريش واحط حوالي لترين مويه حاره وواسكر قدر الظغط واخليه على نار هاديه ساعه إلا ربع وبعدين افتح عليه واحط حليب بودره وجبن كيري او جبن بوك او المراعي اللي متوفر
وممكن تحطين بدل الحليب لبن على حسب رغبتك
المهم بعد ماحط الحليب احركه واحط عليه شوفان عشان يثقل وملح وشوي كمون وفلفل حار اخليه يطبخ عشر دقايق واقدمه
ممكن تحطين ع الوجه بصل محمر
وممكن تكنين للجريش مع البصل طماطم
وممكن تحطين مع البصل وهو يتحمر لحم
ومره كشنت له بالجزر عشان ماكان عندي بصل
وممكن تحطين مع الجريش في القدر رز
وفي النهايه
كل وحده لها طريقه معينه
دعواتي لك بالتوفيق
مواضيع مشابهة
تابعي تجارب أخرى من هذا القسم.