أمانة لازم اوصلها لكل البنات

السلام عليكم

الموضوع يهمكم بنات وخصوصا اللي يعانون من السمنة

قبل اسبوعين تقريبا سمعت بوفاة قريبة مديرتي في الدوام وكانت حزينة حيل حيييل خذت اجازة اسبوع

وكانت حالتها صعبة

بعد ما ردت سألتها منو البنت وجم عمرها وشنو سبب وفاتها

قالتلي :البنت من اهلهم وسبب حزنها انه البنت صغيرة مراهقة وانه سبب وافاتها مايسوي

قلت: شلون هي مريضة ؟؟

قالت : البنت ما فيها الا العافية بس سوت عملية تحزيم وماتت اثناء العملية !!

قلت : معقولة علشان عملية الله يرحمها

بس والله الحزن تحول منها لي ...

والله قلت ما تسوي صج انه الاعمار بيد الله بس ولو ما نلقي نفسنا الي التهلكة

يعني يا بنات ما تسوي عملية وتخدير شيء خطر علي موضوع ممكن ازالة بطريقة آمانه

الرجيم الرياضه وغيرها

ونخلي العمليات للضرورة يعني اذا قال الدكتور حلج الوحيد عملية طبعا بحالات خطرة ولا تموت



وغيرها نبتعد كل البعد عن العمليات لانه ماتسوي والله

تقولي اهلها حزينين مو مصدقين شيء .. ما توقعوهذا بصير .. وانا ما الومهم

لكن سبحان الله قدر الله وماشاء فعل

للبنات اللي سوو العملية الله ستر عليهم والحمدلله علي السلامة

لكن اللي تفكر فيها رجاء تعيد التفكير وياريت تغير رايها لانه اهلها يبونها ويحبونها بشكلها لو وزنها 200 كيلوغرام

واذا تبي تضعف الارادة والرجيم والرياضة وكله لصحتها بالآخر

الله يرحم البنت ويغفر لها آمين
اللهم اني بلغت اللهم فشهد

74 تعليق 5,119 مشاهدة

شاركي في النقاش

سجلي الدخول لإضافة تعليق.

التعليقات

74
  1. الله يرحمها ويجعل مثواها الجنة إنا لله وإنا إليه راجعون


    جزاكِ الله كل الخير اختى

تابعي تجارب أخرى من هذا القسم.