الخضار حبه من كل نوع بطاطس باذنجان جزر فلفل بارد شوي بازاليا وشوي فاصوليا مقطعه صغير قشري الجزر والبطاطس وخذي كل الخضار وقطعيها حلقات واقلي البطاطس والجزر والجزر في الزيت وخليهم على جنب
جيبي قدر وحطي فيه مويه كثيره والرز وشوي زيت والفلفل الي نقطتي فيه الرز اذا استوى الرز نص سوى صفيه من المويه وخليه على جنب
في قدر ثاني جيبي الزيت وحطي البصل والثوم على نار وسط وخليه يصفر حطي عصير الطماط وحبتين الماجي وخليه شوي حطي الصلصه والبهارات المطحونة والفلفل الاسود وخليه يتسبك شوي حطي الدجاج والبهارات العدله وقرون الفلفل وبيالة مويه وغطيه عشر دقايق اذا ابيض الدجاج زيدي مويه بس تغطي الدجاج لايصير كثير ولا قليل وخلي الدجاجه تستوي اذا استوت الدجاجه نص سوى حطي عليها الخضار الغير مقليه وخليها تستوي مع الدجاج بعدين اذا استوت الدجاجه حطي الخضار المقلية وخري الفلفل عشان ماينهرس اول شي البطاطس بعدين الباذنجان بعدين الجزر بعدين الفلفل وخليه على نار هاديه عشر دقايق بعدين حطي الرز فوقهم ملاسين رز ورصيها بعدين حطي باقي الرز ورصيه بالملاس جيبي فنجال قهوه حطي شوي زعفران ومويه وشوي صفار وصبيه من فوق وحطي قرون الفلفل وغطيه ساعه على نار هاديه بعد الساعه حطي جواته ملعقه وشوفي من جواء اذا استوى جيبي صحن كبير اكبر من القدر واقلبيه فيه بيصير نثري بس نصه احمر ونصه ابيض ونصه اصفر وبالعافيه