سوالف ومواقف

موضوع رائع

من الدايركت
أتفقنا أنا وزوجي نتصدق كل شهر من الراتب
بمبلغ 50 أو 70 أو 80 ريال كل شهر يعني ماحددنا مبلغ معين
مره 43 ومره 68 ومره 89
المهم التبرع عن طريق النت من بنك الراجحي
لأن الراجحي حاط حسابات خيرية للتبرع وأنتي تختارين رعاية أسر
السجناء أو دار أيتام أو علاج الكلى أو السرطان أو تحفيظ القرآن
وتحطين المبلغ اللي تقدرين عليه وهذي الصدقة لنا عليها يارب لك الحمد 8 أو 9 شهور تقريبا
المهم راتب زوجي كان 2500
حصل زوجي على ترقية وصار راتبه 3500 ريال ماشاء الله
وبعد كم شهر أعطوا كل موظف في العمل 500 ريال بدل غلاء كل شهر يعني صار راتبه 4000 ريال والحمدلله
ربي رزقنا بالحمل وأنا في أتنظار مولودي القادم عسى ربي يتمم لي على خير
تخيلوا يابنات والله صار لنا أشياء ربي بارك لنا فيها منها
أنبوبة الغاز والله يابنات لها شهرين ماخلصت رغم أني كل يوم
أسوي فطور وغداء أوعشاء
وأغراض البيت كنا نشتري ب 300 ريال وماتكفي
والله أننا الحين نتقضى ب200 ريال وتبقى للشهر اللي بعده ،
والله يابنات أهلي وأهله مستغربين كيف أحنا عايشين رواتبهم 7 آلاف
و11 ألف ويتصلون على زوجي نهاية الشهر يبغون سلف 100 ريال

والله لو أحكي لكم طول اليوم ماأوفي الصدقة حقها
ويعلم الله أنكم أول ناس يعرفوا عن صدقتنا
لأن زوجي محلفني مانقول لأحد نعرفه عشان تكون خالصه لوجه الله
يابنات اللي عندها مريض أو تأخر زواجها أوتتمنى الولد أو البنت
أو تعاني من أي مشكلة لاتتردد في الصدقة هي وزوجها وأمها وأهلها
وأهم شي تكون في السر

والله يابنات حصلت لي أشياء كثيرة أنا وزوجي ماكنا نتخيلها في يوم
#اللهم صل وسلم على نبينا محمد

بنات حبيت ارد على اللي يسألون اذا هالمواقف لي
لا ابدا ماهي لي ولا اعرف اصحابها
هالمواقف والقصص من حساب وحده اسمها هيا
يرسلون لها قصصهم ومواقفهم على الخاص وهي تنزلها بحسابها
وانا نقلتها هنا لان فيها الكثير من المتعه والفائده
وحبيت افيدكم مثل مااستفدت منها

روعة استمري
طيب ممكن تنزلي
عنوان حسابها اذا تقدري وماعليك احراج

رفع 👍👍