قصتي طويله\ام زوجي علمتني انها انانيه بتصرفها/فهمت ان تجري لمصلحة ابنها وانا الضحيه😭

متابعة النقاش، صفحة 10

شاركي في النقاش

سجلي الدخول لإضافة تعليق.

التعليقات

89
  1. @taabt_bhyaty

    صاحبة الموضوع
    تعبت بحياتي
    قلعه حبيبتي  انا كنت ابي اعرف اجاباتي عاديه او المفروض ماقلتها فقط كنت ابغا اعرف جوابي عادي او لا خصوصا اني وحده استحي جداا ما اغلط ابدااا طبعي اصبر ولا ارد بس ممكن سابقا من شدته الاذيه اذا تحبي تعلقي ع اسالتي اللي قبل ردك اكون سعيده😘ي…
    قلعه ياعمري انا والله العظيم مو هدفي اقهرهم 
    مع انهم ياااااما قهروني

    بس زمان قلت لها بتركه وفرحوا قلت خليني اكون صادقه معها واقولها الصدق 


    اعرف مو حاسين بدليل اذيتهم لي
  2. @ghror_aboha_1

    ناس مايرحمو مفروض كلامها يكون فيه عدل
    وبعدين انتي قرري بس اهم شي لاتذكري زوجك
    بموضوع الاطفال وصبر عليه لان الاجر بيروح
  3. @hms_232

    حبيبتي مااشوفك غلطتي بكلامك
    وانهم تاكدوا انه العيب من ولدهم هذا اقوى كف اخذوه وانقلبت عندهم الامور وصرتي انتي موضع قوه وهم بموقع ضعف وراح يتميلحون ويتمصلحون منك عشان ماتتركين اخوهم
    ونصيحتي لك اصبري فتره وخلالها يكون زوجك يتعالج وحاولوا باطفال انابيب واذا شفتي الامل ضعيف انه يجيكم اطفال وقررتي الانفصال استخيري قبل اي قرار
    بالعكس اشوف كلامك معاها عين العقل وحكاية انك قلتي لها ماراح تتركين زوجك وانتي تفكرين بالانفصال عادي يحصل الواحد يغير رايه كنتي تبغين تكملين معاه وغيرتي رايك مافيها شي انتي حره بقراراتك
  4. @nof_56_1

    السلام عليكم
    والله يااختي مشكلتك سهله بالمره وماتحتاج التعقيد والتفكير 
    وش عاد زوجك عنده ضعف جنسي . الصعف بتعالج ولو ماتالج فيه اطفال الانابيب والتلقيح الصناعي 
    ابعدي فكرت الطلاق من راسك ولاتدققين في امور تافهه وتخلينها تشغل بالك مثل امه واخته .مالك ومالهم ان شاء الله اخته تاطلق بسبب الخلفه انتي لاتنهجين نهجها وتخربين بيتك وتنفصلين عن زوج احبك بكل قلبه ومثل ماقالت الاخت الي قبلي هل تضمنين الزواج مره ثانيه ولو صار ماتدرين يحبك وتحبيه ولا لا
    حاولي تحسين وضعك وتمسكي بزوجك وروحي للمستشفى واطلب اطفال الانابيب واكثري من الاستغفار والدعاء لله فهو وليك 
    واكثري من الدعاء بقول ( اللهم لاتجعلني فردا وانت خيرالوارثين ) مادعاء احد بهذه الدعوه الا ورزقه الله
    مدة الدعاء اقلها 40'يوم كل يوم لاسجود والله يحقق لك ماتتمنين ويرزقك بالذربه الصالحه

تابعي تجارب أخرى من هذا القسم.