القروب الذهبي جمال ورشاقه وانوثه واصرار الجزء3/ استوفى الحد المسموح له من المشاركات

السلام عليكم ورحمه الله وبركاته

كيفكم يابنات وش اخباركم وش علومكم وحشتوني

اعذريني اكوامارين صارت لي ضروف وما قدرت ادخل الفتره الي فاتت

وبرجع معاكم من جديد 

وبسجل يومياتي والميزان زي العاده


اليوم الاحد 

الفطور..كوب عصير انناس ...ماء

الغدا ..تبوله...كبده مشويه..شاي اخضر

العشا ..زبادي خالي الدسم

الرياضه ...مشي .اعمال منزليه

الماء ..ممتاز

مبروك لكل الي خسرو وزن 

وعقبالي يارب

وعليكم السلام ورحمة الله
مرحبااااااااااااااااااااااااااااااااااااااااا والله بخرموووووووووووووووووووووووووووووووووسه معذووووووره يا قلببببببببببببببببببببببببببي يالله ان شاء الله يكون هالاسبوع خير عليج ياااااااااااااااااااااااارب
ضرووووووووووووووووري تسجلين اسمج في القروب والجدول ضرووووووووووووووووووري
قائمة اسبوع التحدي للذهبيات للاسبوع القادم




1_ اكوامارين النزول 200 جرام الحمدلله
2_ مسك النواعم 1:100
3_ الحلم التاخر النزول 800 جرام
4-فداء السبيعي النزول 1.300
5_أم نوف ثابت ناقص الجدول اسدحيه ياقممر بسرعه
6_Miss Wafae
7_أم سجـى
8_بصمة روح عشان خاطري سوي جدول حلو هالاسبوع



بنات لازم تكتبون الجدول مع اضافة الاسم الي حابه تشترك معانا
ما بنتهاون في الجداول يا بنات هيه الي ترتب وتنظم حياتنااااااا

مس وفاء

التغير يبتدي من داخل ويحتاج وقفه وعزيمه حقيقيه للتقدم الى الامام
عشان نتغير
لازم نرتب ونظم حياتنا
لان الخبطه تزيدنا اهمال وكسل وتسويف
طبعا ما نقدر نغير كل شي بين يوم وليله الا اذا عندنا اشخااص يساعدونا

كل ما كانت الغرفه غير منظمه وغير مرتبه
كل ما كانت طاقج واستيعابج للامور اقل وزاد الكسل
لان معروف ان تكدس الاشياء والاماكن الغير مرتبه تسبب خمول وكسل وكتئاب

تبتدين بترتيب الغرفه وهيه اهم مكان لازم يكون مرتب جدا منظم جدا
بس لازم يكون التنظيف والترتيب دقيق ودائم وعشان ما تتكسلين ترتبينها وي شوي ان شاء الله تاخذ معاج
اسبوع اسبوعين عادي اهم شي النتيجه النهائيه تكون دائمه

الغرفه تتكون من

سرير + دروج ( كومدينو ) عدد 2 بجنب السرير
من كبت فيه تعليق وادراج
تسريحه طبعا فيها ادراج

1_ كل ما تقومين الصبح الجو حلو مب حلو تفتحين الستاره وتفتحين الشباك ضروري تتهوى الغرفه كل يوم واحلى وقت عند صلاة الفجر

2_ترتبين السرير ووتنفشين المخدات عشان ما تصير مسطحه المنفوشه احلى للنوم اذا ما تعرفين قوليلي بعلمج كيف بسيط جدا بايدج تضربينها وتمسكين المخده وهيه وافقه يمين ويسار وتوزعين الي فيها لين تنفش

3_تخلين السرير يتهوى الكفرمال السرير تطلعينه في مكان مشمس او تفتحين الحاف يكون سطح السرير معرض للهواء

4_لازم تكون سلة مهملات في الغرفه وفيها كيس عشان ما تمين كل مره تنظفينها واي شي يقع في ايدج سيده عقيه
كلينسك ورقه صغيره اي شي لا تسمحين لنفسج تخلين اي شي على الارض او التسريحه او الكمدينو وكل ما يمتلي الكيس تحطين غيره على طول ولو تستخدمين اكياس السوبرماركت اضل تخلصين الاكياس وما تكون متكدسه عندكم

5_ تغير غطاء السرير اذا عزابيه مره كل اسبوع اقل شي اكياس المخدات كل 3 ايام مره ويفضل تاخذين تلبيست الحاف عشان تفسخينه وتغسلينه وتلبسين الحاف مره ثانيه ويكون قطني والوانه حلوه ومريحه الابيض الساده يعطي نقاء والوردي الفاتح ابتعدي عن الاوان الغامجه

هالخمس خطوات على المدى البعيد بتخلي الغرفه مرتبه منعشه جميله مريحه جدا

الحين التنظيم الحقيقي !!

1_لازم لكل شي مكان حتى في الادراج لا ترمين اي شي بشكل عشوائي ابدا ابدا ابدا تاخذين بوكسات بلاستك او شنط بلاستك في بنات يستخدمت حافظات الطعام البلاستك كل بنت وامكانياتها تصفين فيه الاغراض ابدا لا تخلين شي يتكدس ويجمع لازم الردج يكون مرتب ولكل شي بوكس

2_اي شي مكانه مب الغرفه طلعيه فورا ودوريله مكان في البيت هيه غرفة نوم وراحه لا تجمعين فيها اي شي ثاني

3_عندنا ملابس ما ندري عنها !! وللاسف هالشي يخلي حتى شكلنا غير مرتب ابدا ويوم اني ندور الاغراض نجلب الكبت كامل عشان نطلعه فلازم نشن هجوم على الكبت بين فتره الثانيه نحتفظ بالملابس الي مقاسنا يناسبنا ومافيها اي عيوب

5_نتوقف عن الشراء نهااااائيا ونيب ورقه وقلم ونشوف شو عندنا بالضبط بتلقين معلقه على شغلات تكررينها فلازم يوم تروحين السوق دوم تشوفين الورقه عرفين شو عندج وشو ما عندج ونستهلك كل الموجود

6_الميك اب ومستحضرات العنايه وووووو في العلبه مكتوب رقم في الاسف يا 6 ام او 12 ام او اي رقم يقصدون فيه الكريم صالح للاستخدام بعد فتحه ب 6 اشهر ونحن نفتح 3 او 4 علب وللاسف نستخدم هذي شوي والثانيه شوي ويطولن عندنا فلازم نشوف شو الي منتهي وشو الي مب منتهي واحلى كل الكريمات الي ما نعرف متى فتحناهن نخليهن للاقدام لين يخلصن ونتخلص منهن ولازم يوم بفتح اي كريم او منتج الزق عليه ملصق صغير واكتب متى تاريخ فتحته عشان اعرف صالح لمتى

7_الحمام لازم يكون مرتب ونظيف ومافيه مستحضرات ما احتاجها اخصص مكان لكل منتجات الحمام واصلن الحراره تخربه يفضل يكون المكان بارد وجاف فنخلي في الحمام فقط الي نحتاجه بشكل يومي مب الف معجون والف فرشاه والف غسول فم والف شامبو وووووووو هاتي سله حلوه او اي شي ما يتاثر بالماي سهل التنظيف وحطي فيها
ااشيء الاساسيه الي تستخدمينها كل يوم شامبو بلسم غسول جسم ماسك للشعر ليفه مبرد الاقدام وتحطين عند المغسل كوب خاصه للفرشاه والمعجون وادات تنظيف اللسان والخيط عدالهم والمضمضه بشكل انيق وغسول اليدين وغسول الوجه وخلاص كل الاغراض الباقيه في مكان عدال الحمام او حتى دروج متحركه لونهن حلو البلاستيكيه تصفين فيهن الاغرض الفوط الي تحتاجينه عشان اي شي تبينه قبل الحمام تحطينه وبعد ما تخلصين رجعيه اي منتوجات مثل سدر وغيره خليهم في علبه مرتبه ومسكره وحطيها تحتاجين مله خاشوقه اي شي تحضرين ادواتج قبل الحمام

8_اي قصاصات اي شي محطوط فوق بعضه لازم تشوفين شو الي تحتاجينه والي ما تحتاجينه تتخلصين منه للابد

9_الميك اب لا تاخذين اكثر من الي تحتاجينه لانه يخرب ويفضل تحطينه في شنطه بلاستيكيه وفي الثلاجه عشات تحافظين عليه واي شي تغير لونه او ريحته على الزباله فوووووووووورا

10_العطور اختاري عطرين وخليهم على التسريحه لا تستخدمين كل العطور صفيهن في مكان وكل اسبوع غيري العطرين وختاري عطرين ثانين عشان التجديد والانتعاش والعطور الي ما تحبينهن ما ترتاحيلهن حطيهن في مكان بروحهن وخذي عطر خليه لتعطير البيت والحمامات وكل ما يخلص عطر من الي ما حبيتيهن افتحي الثاني جذيه تستهلكينهن عشان ما يتمن متكدسات وتتخلصين منهن وحللتي فلوسهن


بتقوليلي هذا كله يباله وقت ابببببببببببببببببببدا سوي مثلي

كل يوم اختار مكان واحد في الغرفه لكن انظفه بذمممممممممممممممممممه وضميييييييييييييييييير
الطريقه هذي تظمن التالي

1_ الجزء هذا ياخذ وقته في التنظييييييييييف والترتيب وما تحسين بالتعب والملل
2_في المستقبل يكون تنظيفه سهل جدددددددددددددددددددددددددا ولا ياخذ وقت

كيف الطريقه
مثال اختار درج واحد في التسريحه نعم فقط دررررررررررررررررررج
واخصصه مثال للعنايه باليدين والاقدام والي ما عندها ادرج وايد تشتري الادرج البلاستيكيه او الخشب وتحطها في مكان في الغرفه تراعي يكون لونها يفتح النفس يتماشا مع الغرفه وتسوين التالي
1_تيبين دفتر صغير وقلم
2_تشوفين كل شي في الغرفه يختص بالعنايه باليدين والقدمين سواء كان تجميلي او كريمات
3_تشترين شنط بلاستيكيه صغيره او بوكسات صغيره او حتى حافظات الطعام الشفافه البلاستيكيه
4_تبتدين تشوفين شو الي جيد وشو الي انتهى وشو الي صالح للاستخدام وترمين الي اخترب
5_اي شي متغير ريحته او شكله او قديم جدا جدا على الزباله على طول
6_تيبين فوطه وفيها ماي شووووي وتمسحين الاغراض الصالحه للاستخدام وتنشفينها زين وتخلينها ربع ساعه برى عشان ينشفن
7_تبتدين ترتبين الاغراض في البوكسات البلاستيكيه ودونين شو الناقص الي تحتاجينه مثال حطيتي مناكير في البوكس لازم يكون عندج مزيل اذا ماعندج تكتبين في النوت شو الاغراض الناقصه مزيل ويكونن مع بعض وتحطينهن في الدرج(( لا تجوز الصلاه بالمناكير يفضل استخدامها في اياه الدوره والمناسبات والاوقات الطويله بين صلاة الفجر والظهر اي وقت بس ازيلي المناير قبل الوضوءواذا طلعتي امسحيه عشان ما يكون ملفت للنظر او لبسي قفاز للحي عليها الدوره وماتبا تزيله لين تخلص الدوره اللهم بلغت اللهم فشهد )) تيبين البوكس الثاني تحطين فيه مبرد خشبي او زجاجي ابتعدي عن الحديد يكسر الاظافر وقصاصه للاظافر وادوات المناكير الي تستخدمينها اذا ناقص شي كتبيه اذا ما تعرفين كيف تنظفين اظافرج كتبي اتعلم تنظيف الاظافر من اليوتيوب مع تسجيل الادوات الناقصه وحطي البوكس في الدرج هاتي البوكس الثالث حطي فيه كريمات اليدين والاقدام وزيت تقوية الاظافر وووو اخر خطوه تشوفين اي كريم للعيون للوجه للجسم ما ناسبج او ماعرفتي متى فاتحتنه او قديم جدا خايفه تستخدمينه تحطينهن في هالبوكس وتخلينه للاقدام فقط وكل ما يخلص كريم تطلعين من هالبوكس كريم ثاني هنيه تضربين عصفورين بحجر تستفيدين منه وتتخلصين منه وتحللين فلوسهم الحين بتكون عندج قائمة الاغراض الناقصه وهنيه اي دورج في البحث عن النت عن افضل المنتوجات الي تناسبج والي ناقصه لا تشترين بشكل عشوائي مع الوقت بتعرفين انج تبذرين فلوسج في اشيء غبيه وبتوفرين مبالغ حلوه شهريا طبعا في النوته كتبي شو عندج بعد اخرها والاوان الموجوده عندج المناير عشان ما تككرين ولا تشترين يديد لين تخلصين القديم

الحين صارت عندج بوكسات مرتبه وتعرفين شو فيها وتعرفين شو ناقصنج وتشترين الناقص وتحطينه ف يالبوكسات
بتكونين تعرفين ان هالدرج او الدرجين مخصصات للادين والاقدام كل ما بغيتي شي تطلعينه بنظام وتردينه ما بضيعين وقتج تدورين يمين ويسار وبيكون مرتب جدا جدا

اخر خطوه تطلعين الدرج تنظفينه بفوطه ناشفه يكون عندج ديتول بخاخ للاسطح يقضي على البكتيريا ويزيل الروائح الكريه وتخلينه ربع ساه وبعدين تردين ترتبين الاغراض فيه

بيكون هالمكان نظييييييييييف جدا ريحته منعششششششششششه مررررررررررررررررتب وكل شهر بس تطلعين الاغراض تمسحين البوكسات وتمسحين الدرج وتبخين البخاخ وتردينهن بيكون سهل جدا وسريع

عرفتي ليش اقولج رتبي جزء جزؤ لان لو حاولتي ترتبين كل شي مره وحده ما بيكون بهالدقه

باجر تنتقلين لجزء اخر مثال الميك اب وتبتدين تتبعين الخطات السابقه يمكن تاخذين في الغرفه كامله اسبوعين ثلاثه اربعه بس تخيلي الدقه وتخيلي كيف بعد ما تخلصين الغرفه كامله كيف بتكون الغرفه سهههههههههههلة التنظيف وبتكون مرتبه هذي طريقة الادراج

وكل حزء كتبي شو المهاره الي ما تمتلكينها وبتتعلمينها من اليوتيوب مثال عن الميك اب تبين تتعلمين توزيع كريم الاساس دمج الشووو كتبي تعلم كذا وكذا وكذا لان بعد شهر نقول بتكونينمرتبه كل شي ومنظفه كل شي وفاضيه وعندج وقت فراغ اكثر عن قبل فتيبين النوت وتفتحين و بتتعلمين سواء ميك اب تسريحه العنايه بالبشره اي شي ول يوم تختارين شي بس اذا المقطع فيه موسيقه نصيحه غيريه عشان ترضي الله سبحانه وتعالى ويوفقج وفي يوتيوبات تتابعينها بدون صوت مثل التسريحه والميك اب بدون ماتسمعين وهكذا

بتكلم الحين عن الكبت هذا روحه يباله شهر هههههههه

يتبع

مساء الخير
مارين حبيبتي بالنسبه للسدر طريقتك حلوه على الفروه بس
بس اسهل لك سويه تونيك السدر والجرجير
انا اول مابديت استخدمته تونيك ونفس المفعول
الجرجير بالخلاط مع شوي ماء وبعدين صفيه وتكونين مسويه سدر بالثلاجه صفي المويه وبنسب متساويه بعلبه رشاش ولا اي علبه وحطيه بس على الفروه وسوي مساج
مرتين او ثلاث باليوم ومايحتاج غسل

يومي امس
الاكل كثرت شوي
الرياضه نص ساعه على السير وجيليان
الشعر سدر وجرجير وزيت
الجسم سدر وغسول وترطيب

مساءالخير يا حلوووووووومه هذي طريقتج الاوليه باذن الله بجربها اذا ربي كتبلي عمر خليني بس اخلص هالكم اسبوع وتستقر اموري باذن الله بضيفه في الجدول خلاص اقتنعت ربي يجزيج الجنه ياقلبي
يومج ممتاز ما عليه لو كثرتي شوي اهم شي سويتي رياضه