مس وفاء
بخصوص الكبت عشان يسهل عليج الموضوع
لا تجردينه كله مره وحده لا بتتعبين
الحين نحن ودعنا الشتاء ومقبل علينا الصيف
حددي اول يوم للملابس الشتويه طلعي كل شي شتوي عندج في الكبت
قايسيها شوفي اذا في شي يباله تصليح شي يباله تعديل بالابره والخيط او عند الخياط
شوفي الي ما تحتاجينه او لونه مب حلو او قياسه مب حلو وخليه في كيس للهيئات الخيريه
بيصير عندج 3 اكياس او 3 بوكسات بلاستيكين
1_ للههيئلات الخيريه
2_ملابس شتويه يبالها تعديل
3_ملابس شتويه سليمه
خلصتي هاليوم خلاص لا تسوين شي
باجر اول ما تقومين غسلي ملابس الهيئات الخيريه وانشريهن ورتبينهن في بوكس او كيس وخلي حد يوصلهن
اليوم الي بعده هاتي ابره وخيط وصلحي اي شي يباله تصليح او وديهن للخياط يعدلهن
اليوم الي بعده غسلي الي تقدرين عليه من الملابس الشتويه السليمه على مراحل مب لازم كلهن في يوم واحد واي قطعه تغسلينها وتنشفينها حطيها في كيس يوم بتخلصين ارسليهن للاندري (المغسله ) وقوليلهم غلفولي اياهن ببلاستك وضغطوهن يوم بيجهزن خصصيلهن مكان الهن شنطه او بوكس او باب في الكبت او درج المهم مكان ما تحتاجين له وافضل شنطه وتخزنينهن في مكان مناسب عشان تستغلين الكبت في اشيء تحتاجينهنا مب في التخزين
بعدين اول ما يوصلن الملابس من الخياط سوي نفس الحركه غسيل نشر مغسله تغليف تخزين
بعد ما تخلصين الشتوي
سوي نفس الشي في الملابس الباقيه طبعا نحن يالسين ننزل وزنا بعد فتره هالملابس ما بتكون مناسبه النا افضل شي
نستهلكها الحين بطريقه سليمه
بعد ما تخلصين الشتوي
ابتدي في ملابس المناسبات وكل شي يخصها وطبعا لا تنسين الورقه والقلم عشان تكتبين الي ناقص او تحتاجينه وطبعا مب لازم تشترينه الحين لو بعد سنه بس اهم شي تعرفين شو عندج وشوناقصنج
1_تطلعين كل ملابس المناسبات وتقايسينهن وتشوفين الي يحتاج الى تعديل او ترتيب او شي ناقصنه بعدين يغسل ينشف ويغلف كيف ؟؟من الغسله خذي الاكياس الكبيره ودخل يالفستان فيه وعلقيه على الواقف دبسي الكيس من تحت عشان ما يدخله غبار او تتغير ريحته
2_طلعي كل العبي الي عندج شوفي اذا فيهن عيوب مرات يوم نضعف تطول العباه سبحان الله رغم انها على الراس بس لان الحجم يقل فتحسينها تطول ممكن تودينها الخياط يضبط الطول طبعا هذا للي فقد وزن كبير تغسل وتنشف وتكوى وتعلق عشان اذا كنتي بتطلعين فجاه يكون كل شي مرتب ونظيف وتعرفين مكانه ويفضل تقسمين التعليق الى عدت اقسام وكل قسم تخصصينه لشي ممكن نجار يساعدج في تقسيم الكبت او تشترين كبت يديد كامل تعليق اريح وافضل ولا تتجعد القطعه
3_تشوفين الشيل او القفاز الجرابات للبنوتات الي يستخدمنهن اذا فيهن عيوب اذا تحتاجين يداد اذا فيهن مشكله وحتى العبايه شوفي اذا سوادها حلو ولا يبالج تغيرينهن لان الون الاسود من الاستهلاك يتغير وخصصي درج الهن قريب من العبي عشان يسهل الوصول اليهن
4_شوفي الملابس الداخليه وهذي نقطه مهم لان نحن نضعف ويتغيرن بسرعه لا تشترين من الغالي ضبطي القديم لان بسرعه بتغيرينهن في حالت كان الوزن عالي لين توصلين للوزن المثالي وتشترين يديد خليهن في درج مع بعض الحمالات والصراويل الداخليه ورتبيهن حسب احتياجاتج يومي او للمناسبات اذا مزوجه وهكذا وبعدين شوفي قمصان النوم شوفي شو الي تحتاجيه وشو الي يباله تعديل او الي ما تبينه اي ملابس داخليه او قمصان او او بجايمه قديمه خصصيلها درج بروحه خليها يوم بتحطين خلطات ان عندج شي تلبسينه وما تهرين اليديد بالغسيل
5_الملابس اليوميه للبيت السلبرات او الجرابات القطنيه كل شي عندج سوي فيه نفس الشي جرد جرد جرد تبرع او استخدام او تخزين
6_الحين بيتم عندج الصالح خزنتي الشتوي صلحتي العيوب تبرعتي بالي ما تبينه الي بقا مب كله تحطينه في الكبت لالالا عشان ما تحسين الكبت متكدس طلعي من كل شي عدد معين عشان تستهلكينه خلال هالشهر والباقي خزنيه في بوكس شنطه اي شي وبعد شهر عشان تحسين بالتغير دخلي هالاشيء وطلعي من البوكس غيره عشان اذا كنتي معرسه يحس زوجج بالتغير وقفي المشتريات نهااااااااائيا لين توصلين لوزنج المثالي حرام تشترين اذا بتنزلين فوق ال10 كيلو
بالطريقه هذي بتكونين خلصتي الكبت حتى لو ياخذ شهر عادي اهم شي كل يوم تسوي شي ولا تضغطين على عمرج بالراحه وهدوء بيكون الكبت
مقسم
في الاغراض الي تحتاجينها فقط
مرتب
يسهل تنظيفه لان عدد القطع مب كبيره
في الشهر مره تطلعين الاغراض وتمسحين الكبت بفوطه فيها ماي وتردين الاغراض بكل سهوله
لو تشترين الاكياس البلاستيكيه الكبيره لحفظ كل شي يعلق بتصيرين تمسحين بس عليها من برى ما عرف اذا تنباع في السعوديه يكون البلاستك سميك وتقدرين تعلقين داخلها 3 فساتين تقريبا وتسكرينها بجرار
بالطريقه هذي
1_انتي رتبتي كل الادراج والاغراض في الادراج في بوكسات ومخصصه لكل شي مكان
2_رتبتي الكبت بشكل كامل وكل شي له مكانه ومرتب ومافي زحمه ولا تكديس وسهولة في الترتيب والتنظيف والوصول للاغراض وكل شي مرتب ومنظم ونظيف ومكوي وفرش وخصصي مكان للشنط والشوزات ابدا لا تخلينهن في غرفة النوم من تدخلين من برى غسليهن او امسحيهن بديتول من تحتت مخفف وحطيهن في كبت الاحذيه او مكان خاص للاحذيه عشان ما تنقلين الاوساخ الى غرفة النوم نمشي فيهن في كل مكان
3_الحمام فيه اقل قدر ممكن حتى يوم بترتبينه وبتغسلينه ما بيكون زحمه وفيه فقط الي تحتاجينه
4_اغراض الحمام الزايده في ادراج بلاستك او مكان معين وكل شي في بوكس او علبه يسهل الوصول اليها
طبعا اذا عندج مكتبه في الغرفه او مكتب
عندج كتب
اوراق جامعيه
قلامه
او اي شي نفس الفكره ترتبينها شوي شوي شوي
ودائما هاتي مثل الكوب وحطي كل القلامه فيهن خلي على المكتب قلم واحد عشان تستهلكينه يوم يخلص تاخذي الثاني ولا تشترين اذا عندج وايد وعلى هالحال
بالطريقه هذي بتكونين مرتبه جدا تعرفين اغراضج وين يسهل الوصول اليها ما تنظفين غرفج كل يوم تكتفين بالمكنسه الكهربائيه يوميا او يوم وترك ومسح الاثاث من برى وبيكون مش صعب 10 دقايق فقط لان مافي اغراض على الاثاث تشلين وتحطين وتعرفين شو عندج بالضبط وما تردين تشترين مثله وتستهلكين اي شي موجود كريمات ملابس وغيره وغيره وبتلاحظين بتقل مشترياتج ولا تشترين الا الي موجود في النوت ومحتاجتنه ضروووووووووووووووووووري فقط ولا تشترين اي شي الا يوم تسالين البنات في النت وتشوفين النتائج وتجربين تستر اذا وجده واذا اقتنعتي خذيه
انا الحين بديت بهالطريقه لان عندي جامعه وماعندي وقت دوم اختار جزء بس مش بشكل يومي لاني مرهقه جدا جدا جدا وانتقل من جزء الى جزء ببطء اذا حابه نتكلم عن يومياتنا في الترتيب والتنظيف ونتبادل الخبرات في القروب يكون حلو انا ببتدي باجر في ترتيب الميك اب ام شاء الله واغسل الفراشي الميك اب بشوف شو احتاج وشو مابا وبطلع فقط الي احتاجه والباقي برده في الثلاجه طبعا مب كل شي ينحط في الثلاجه مسكرة الرموش ما تنحط ابدا
انا كتبتلج الطريقه بحذافيرها وبشكل كامل الي بمشي عليها وانا حاطه لي وقت 3 اشهر بتقولين وايد بس انا عندي جامعه وياي رمضان ومستحيل اقدر اجرد جرد دقيقه في يوم وليله عندي بحوث وواجبات وبلاوي اهم شي انا ما اكدس وهالشي مخفف علي الموضوع اهم شي يوم ادخل الغرفه واشوفها تفتح النفس ترتاح نفسيتي نظيفه خارجيا والجرد داخلي لين اوصل معاها لمرحلة الرضاء التام
تعرفين بهالطريقه انتي بتكونين تجردين حتى عقلج من الافكار وبتشوفين كيف تشترين اشيء وايده وما تحتاجينها وبتعرفين كيف تتصرفين في الفلوس مستقبلا وكيف بتشترين
واذا انتي كنتي تجارين البنات ف يالمنتديات مثل ما كنتاسوي قبل واشتري للخلطه الفلانيه والريم الفلاني وووووو يوم بتبتدين تعقين في الزبله بيعورج قلبج ويوم بتشترين بي بدون ما تحسين منظر الاغراض وبتترددين تاخذين اي شي لمجرد انه عيبج فقط وبتحسين بقيمة الاشيء اكثر وبتستهلكينهن في وقتهن خاصهالكريمات بتقولين لالالا بينتهي بعد 6 اشهر بستخدمه وجذيه
انا او ما بديت الجزء الاول من القروب بديت بنفس الطريقه يالله كيف تعبت وندمت ولقيت عندي معاجين اسنان ومرطب شفايف بعدد مهول كل ما اروح اشتري واحد !!!!!!!! وقفت المشتريات لين تقريبا خلصت ثلاث ارباعهن في مرطبات للحين عندي !!!! والحين قبل لا اشتري اي شي اشوف اذا عندي منه ولالا بديت اشتري بوعي الحمدلله
فالتغير يبتدي من المحيط الي عايشه فيه مجرد ما تنظمين كل شي حولج تتنظم حياتج بشكل لا ارادي سبحان الله
يالله دعواتج لي اني اقدر انجز كل الي قلته لج وباذن الله شوي شوي بنوصل
طبعا هالطريقه تعلمتها من صديقة عمري اسال الله ان يبارك فيها تقول كانت غرفتي كانها قنبله انفجرت فيها وقد ما ارتب ما تترتب تقول بديت الموضوع بالترتيب وبعد سنه صرت راضيه عن نفسي تخيلي سنه كامله هههههههههههههههه
طبعا هيه تعلمن هالشي من الدكتور احمد عماره اسال الله ان يبارك في عمره لانه قال الانسان اذا يبا ينجز شي كل يوم يسوي منه 5 خطوات شوي شوي بيخلصه مع الوقت في كل شي مب بس في التنظيم
القروب الذهبي جمال ورشاقه وانوثه واصرار الجزء3/ استوفى الحد المسموح له من المشاركات
متابعة النقاش، صفحة 100