ارمله واعاني كيف غيري

هذي نصيحه عاد
حرام عليك هي الى الان بالعده
واذا تبغى الزواج يمكن الله يرزقها بزوج كفؤ لها مو مسيار عشان يلبي رغباته ويروح
انا نصبحتي لك لاعاد تكتبين نصائح للبنات ابد مادام كذا نصايحك

الله يعينك ويجبر كسرك يارب ويربط على قلبك ويحنن خلقه فيك
حبيبتي انتي تعرفي انك الان بديتي حياة جديده خصوصا انه عندك عياااال
حاولي قد ماتقدري تقوين شخصيتك قدام عيالك وقدام اهلك بالتحديد
خلي لك كلمه ورأي وكلامك هو الي يمشي عليك وعلى عيالك مو كلام اهلك اعذريني لان لو من البدايه بحني رقبتك صدقيني بتتعبين انتي وعيالك
الي تبينه انتي وعيالك سوووه اهلك لا يتدخلون بما انك واثقه انك مابتسوين شي غلط
وعودي اهلك انك انتي الي تقضين حاجة عيالك تروحين وتجين وتشتريلهم وتطلعينهم وووووالخ عشان محد يقدر يمشيك انتي وعيالك على كيفه ولا يكسرون شوكتكم
خلي لك غرفه خاصه انتي وعيالك وكل اغراضهم فيها وخليهم دايما هادئين عشان محد يتضايق منهم ولبي طلباتهم دايما اول بأول للاشياء الضروريه فقط عشان مايحسون بالحرمان
اما الاشياء التافهه لا تعودينهم كل شي تجيبيه لهم عشان لو جا يوم وقصرتي معاهم بيحسون بالنقص

ياعزيزتي الحرمه لسا في العده وقلبها موجوع على وفاة زوجها اي وحده بمكانها مستحييييييييل تفكر برجال ثاني
مع الوقت اكيد الامور تتغير وومكن تفكر بالزواج وممكن لا اهم شي عيالها

بما انك بالعده اتركي التفكير بالزواج والبيت وتلبية الطلبات ووو وتقربي من ربك ومن اهلك وعيالك وريحي اعصابك
بعد نهاية العده ولان عيالك صغار صعب تسكنين لحالك .. ابدي رتبي حياتك من جديد ووضحي لعيالك انه فتره ولازم تتعاونو عشان تعدي على خير وابحثي عن وظيفه او تجاره منزليه اذا عندك موهبه وخليك قوية شخصيه بدون قلة ادب بحيث مايتعدى احد على حقوقك
بالنسبه لاخوانك اتركي الحساسيه اكيد عندهم اشغال والحمد لله انهم يحاولون يساعدونك
بالنسبه للزواج اذا جاء نصيبك مافيه مانع تستخيرين وتشاورين والله يكتب لك الخير
وبالنسبه انك تبين تكونين زوجه له بالجنه.. يالغاليه ادعي ربك تدخلين الجنه بالاول والباقي محلول امره..
أسأل الله إن يرزقك بر أطفالك وأن يعينك على تربيتهم ويصلح شأنك ويكتب لك الخير من امرك

ليه ماتخصصين غرفتين لك ولعيالك غرفة جلوس لكم وغرفة نوم وخلي في غرفة الجلوس ثلاجة صغيرة واشتري اشاياء بسيطة وحطيها لعيالك عصيرات جبن وكيك يعني خفايف للعصرية او عشاء الاطفال قوميهم الصباح ولبسيهم وفطريهم واستودعيهم الله حاولي يقولون اذكار الصباح او افتح اليوتيوب ع اذكار الصباح وخليهم يسمعون ورددي عشان يرددون مثلك انتي قدوة لعيالك اي تصرف تتصرفين راح يتصرفون زيك عيالك امانة في عنقك لازم تحثينهم ع الخير وتدعين لهم كثيررر وخاصة بالسجود لارجعوا من الدوام بوسيهم واحضينهم قولي انا اتمنى اشوفك يافلان دكتور بكرا باكون ام الدكتور فلان اللي كل الناس يمدحون اخلاقه غديهم وغيري ملابسهم وسبحي عيالك وافتحي الشناط طلبات المدرسة اكتبيها في ورقةومتى يبغونها ارسلي رسالة لاخوك فيها شكر وطلب ان كان ممكن وهو مار يجيبها لكم وان كان فيه مكتبة قريبة توصل الطلب تعاملي معاها العصرية طلعي العصير وكيك والتموا مع عيالك سواليف وايش سويتوا والعبي لعبة خفيفة حاولي تسوين جدول مثلا السبت قصة عن صحابي الاحد نحفظ حديث الاثنين نحفظ ايات من القران وهكذا قبل تنامين افرشي سجداتك وصلي وادعي ربك