ارمله واعاني كيف غيري

مسيار !!!!!!!! اللي يعز رب العباد وزواج المسيار ماهو حل بالعكس مشكلة ومشكلة كبيره بعد .....مصدر القوة للمرأة العلم والمال والقرب من الله أولاً فتمسكي اختي بهن ولن تندمي..

اول شي عظم الله اجرك حبيبتي


ثاني شي ليش مصعبة الدنيا عليك ؟!


جيبي سواق وشغالة وانتي لازم لك وظيفة تلتهين فيها ., والسكن خليك قريبة من بيت اهلك او بيت اهل زوجك .


ليش محسستنا ان وفاة زوجك وقفت عليها حياتك وحياة عيالك ؟!


لا تقولين عيب والا اهلي مايرضون..منتي قاصر ولا جاهلة بأمور حياتك انتي وعيالك !

نصيحة لوجه الله ...كملي دراستك وتعليمك وابحثي عن وظيفة هذا أهم هدف وحطيه بين عيونك وقدمي على الضمان والقرض العقاري علشان تملكي بيت وتستقلي ....بعد ذلك اسألي الله ان يعينك في تربية ابناءك وان يسخرهم لك

اول شي الله يغفر لزوجك ويرحمه ويجمعك فيه بجنات النعيم ويخلي لك عيالك بقولك قصة صديقتي زوجها له فتره متوفي يمكن تقريبا حول 3 سنوات ماذكر بالظبط الزبده صديقتي كانت ساكنه بشقه اجار ولما توفى زوجها حاولو اهلها انها تطلع ورفضت مع ان عيالها مازالو صغار وكملت عدتها فبيتها وبرضو اهلها جبروها تطلع بعد العده ورفضت رفض تام بعدها راعي الاجار قال لازم العقد وقت التجديد ينكتب باسم كفيل لك ابوك اخوك المهم لازم رجال لان زوجك توفى اهلها رفضو لانهم يبونها تترك الشقه وتجي عندهم لكن ربي سخر لها الجمعيه الخيريه لما سجلت فيها هم اللي كفلوها وصاروو يدفعون نص الاجار ومع الضمان وراتب زوجها وفاعلين الخير الحمدلله قدرت تدبر امورها وتقول مستحيل اتزوج الحين مشاء الله تشتغل وحطت سواق لها ولعيالها من راتبها ومجهودها الشخصي بدون مساعدة احد سبحان الله جاتها قوه واعتماد على النفس رغم ان حياتها اول كانت بادارة زوجها هو المسؤول عن كل شي لكن بعد ماتوفى ومن حبها الشديد له قدرت توقف على رجولها وتحافظ على بيتها وعيالها مشاء الله تبارك الله رغم ان جوها خطاب كثير لكنها رافضه تماما تقول لواخذ واحد ملاك مستحيل يحب عيالي او يهتم فيهم كثر ابوهم اللي بيتزوجني يبيني متعه فقط ومنها بخسر عيالي اولا وبخسر نفسي يعني اللي تنصح بالزواج اقولها من قال ان الحياة كلها رجال ؟؟ والله يافيه رجاجيل خساره فيهم هالكلمه مايدري لا عن بيته ولا عن عياله وش الله حادها تتزوج مثل هالزواج يخش ويطلع عليها كنه سارق المسيار معروف الغرض منه وماهوو حل بالعكس قمة الدمار والضياع لها ولعيالها لكن انتي ياصاحبة الموضوع باقي فالعده وللحين تتحسسين من اي شي وحاسه بفقدان زوجك وبالوحده ومالومك لكن صدقيني بعد مده راح يتغير الوضع وبتتحسن امورك بس انتي خلي املك بالله كبير

للهالدرجه الخطاب عندك واجد ؟؟؟ اشوفك مره متحمسه على زواج المسيار يعني لو ناصحتها بزواج عادي كان بلعناها شوي ياحبيبتي الي يتزوج مسيار معروف للهروب من المسؤوليه ويكون زوج للفراش فقط فقط فقط واللي تقولين عنه هذا واحد من مليون نزل عليه الوحي وصار من نصيب صديقتك