اذا مو قد التربيه ليش تجيب عيال

خلي الاطفال ع جنب اقل شي اسمهم اطفال المشكله انتي يالكبيره من يقدر يربيك الحين
لان الفاظك وردوك اشين من حركات الاطفال
ولاتجين مدرعمه وتقولين جايبه درزن ماعندي الاوحده الله يحفظها وممكن تكتب موضوع وترد افضل منك يالكبيره 🌚

يا عزيزتي ليه الكلام هذا كله الله يصلحلك اللي عندك ويرزقك بره . عجزتي تكتبين دعوة زينة كله حس وتحقير في الناس والحريم. انتي ايش حارق رزك باللي تجيب عشرة أو عشرين خليها تجيب . ما تبين عيال في بيتك لا تعزمين اللي عندها عيال واذا على بيت أمك الله يطول في عمرها ماهو بيتك عشان تتحكمين مين يدخله زمن يطلع منه واذا أمك متضايقة قوليلها الله يسعدك يما قولي لجارتك لا تجيب عيالها. أما تعزمون الناس وتعيبون فيهم هذا العيب فيكم انتم مو فيهم . بالنسبة لتحديد الخلفة من غيره
الرسول صلى الله عليه وسلم قال ( تزوجوا الودود الولود ) فمين انتي عشان تحكمي على خلق الله . المال والبنون زينة الحياة الدنيا.
بالنسبة لك انتي إزعاج وبالنسبة لغيرك حياة . ما جربتي الحرمان من الضنى ولا تعرفين قيمتهم. والله ما أقولها دفاع ونعم ولله الحمد ربي رزقني بخمس اطفال عانيت وما زلت أعاني من توجيههم وتربيتهم لكن والله الحمد شفت اثرها فيهم وشفت كيف المدح اللي يجيهم بس ما استنقصت من خلق الله . ترى الطفل على اسمه طفل عقله صغير تعالي له بالتوجيه والتهذيب مو بالضرب والتهديد والوعيد اصل المسلم الرحمة وهذي من الله تعالى فكيف تبغي الخلق تتجبر على الأطفال وبلاك في اللي ضربت طفل عشان طفل ثاني هي وأمه يضربونه. استغفر الله بس تخيلت شكل حرمتين كبار وكل وحدة زولها الله وكيلك كبر الباب وماسكين طفل ما يعقل ولا يفهم وعقله غير مكتمل وطايحين فيه ضرب . ايش العقليات هذي . انتم فين عايشين.

الأسواق مالكم دخل فيها يعني تبون الناس تحرم عيالها عشان حضرتكم ما تعيبون فيهم لكم في الناس اللي تدخل بيتكم لا تعزموهم.
ولو تركتي هالكلام كله وتركتي دعوة زينة كان وفرتي على نفسك ذنوب ودعوات كثيرة ما تدرين ممكن ربي مبتلي ببعض الناس بعيالهم. فأنتي تبين تبينين انهم ناقصين وان بس همهم الخلفة والتفقيس على كلامك ووصفك كأنهم حيوانات لا تعقل ولا تفهم وبس تتفاخر فيها . بكرة لا ربي يبتليك وزي ما تجي تكتبي، راح تسمعيها بإذنك. وتراني ولله الحمد والمنة ما أكتبها لك زعل بس من جد شي يضايق تخلون شي جميل في حياتكم وشي حنا نعرفه من أساس دينا ووصية حبيبنا تخلونه مدعاة للسب والشتم والدعاوي.

تعالوا للطفل بالإصلاح والتهذيب والتربية وليس بالهجوم والتعذيب والدعوة عليه كأنه عدوكم

ياصاحبة الموضوع لاتتشمتي
تراا انا قبل كنت مستنكره افعال عيال اخو زوجي وكنت اقول بنفسي ايي بسبب التسطير وراا بعض ماتادبهم وبالحديقه الام بس تلحق فيهم يتوزعون
ويرزقني بولد نفسسس الحركات والشقاوه طبعا بالاماكن العاامه يركض يبي الشارع والسيارات وصرنا مانجلس بالحدايق ولانفكر انه نطلع
بسس الحمدلله مايسوي اللي تقولين عليه الحمدلله الحمدلله مايجي القهوه والشاي واصلن مايحب يلعب مع الاطفال يحب الاكبر منه بكثيير بسس عيبه يقعد يصيييح يتملل ويلا اشرحي لهم انه مل منكم ويبغى ابوه يقعد يبكي بكااء ويكرهني بالجلسه لانه اتقفل اخلاقه
وبوقت العشا يفشلني ماعودته ياكل زين عالسفره يروح ويتمشى ويرجع يجلس
وصرت ماروح صراحه قطعت الجمعات االلي بالاماكن العامه واذا كنت بزور احد اتاكد انه لفينا الشوارع زين حتى يدخل بيتهم مااال من الشارع بسس نقول انه خلاص قطعنا الجمعات مو كل المرات يتقبل ابوو الشباب يلفلف بالشوراع حتى يمل الولد يلا ميخالف لحد مايعقل وحملت بالثاني لمن صار عمره سنه ونص وطلع الثاني ماا اقدر عليه اذا قلت لا كاني اقول له هاللا اي يمممممه منه عنيييد ههههه الله يصلحه
عاد بجلطك انا الان حامل بالثالث انا احمل اذا جاء عمره سنه ونص
انا براسي هالشي انا الحمدلله عمري لسسه ماوصل 25 وبكذاا جبت ولدين والجاي الله يتممه على خير كان بنت ولا ولد الله يعافيهم و يصلحهم براسي ابغاهم ورا بعضهم يتربون مع بعض ويكبرون مع بعض الكبير اعتمد على نفسه خلاص ناحية الحفاظ تاركها الدور هالصيف عالثاني واصير اناا خلااص اكمل دراستي وبالسفرات ماقعد ادور شغاله لعيالي عشان اذا خليتهم عند اهلي لازم اجيب خدامه تصير هي تمسك البيت وخواتي يهتمون بعيالي هاد ينبسطن خواتي شغل البيت كله راااح بس يبقى بقلبي جرح خليتهم لوحدهم زوجي مايحب ياخذهم لانهم يغثون بالاماكن العامه فاا اذا كبروا يصيرون معي بسفراتي اتعب زياده ثلاث سنين ونص ميخالف بسس سالفه كل مادخلت طفلي للابتدائي يزن علي ابو الشباب مب كثير نسله واحمل وارجع للحفايظ بعد مانسيت ذكراها نووو <<هذا تعقيبي على نقدك بالتسطيير عقولتك ورا بعض هي كلها قناعات والمفروض تخاف ربها فيهم اذا مالها القدره وطولة البال لاتجيب ورا بعض
والله يصلح لنا ذرياتنا


انا يمكن البعض ينتقد انه اخليهم ورا بعض بس هذا انا بحاول عقدر الامكان اخلي وقتي كله مع اولادي احاول قدر الامكان انه افرغ طاقاتهم واانمي التركيز فيهم


ياصاحبة الموضوع قولي بقلبك الحمدلله الذي عافانا
ترا غصب على الام يعني انا احسس لوو اضرب ولدي تحسبين بعقلون والله ماغير هيبتك وانتي تضربين بتروح هههههه عاد مفررض اللي زي كذا تقضب ارضها لحد ماربي ينزل السكينه عليهم
مب اخلي واحده تجي تدعي عليهم بالكسرر
ولا تتشمت على تربيتي

انا معك .........وصاحبة الموضوع لان ماعندك غير واحد قاعدة تتكلمين هالكلام البايخ
انا مثلا عندي 3 تحت بعض ماشاء الله ومربيتهم واخاف عليهم واهتم فيهم لكن في عيال غيرك بلحظة ترى يخربون عيالك ويعلمونهم الالفاظ البذيئة والحركات البايخة وكنك ماربيتي ولا سويتي شي فعشان كذا انصحك لا تعيبين ولاتتشمتين ترى الشماتة شينة....!!

انا اقول بلاشماتة ،، وش عليك يخلفون وراء بعض والا بعد سنوات وش عليك ، انتي اذا تزوجتي وخلفتي ضفي عيالك وخليهم لايقعدون مع هالهمج ع قولتك