ولدج او بنتج متاااااان؟؟؟؟؟ حيااااااااااااااج دخلي

حرام عليك المفروض ماتحسسينها باهالكلام اللي يجرحها تصدقين وانا صغيره كنت متينه بس مو مره شوي المهم اخواني دايم يعيروني الاسامي وش كثرها ماخلوا قاموس ماجابوا منه اذا شي انوكل من الثلاجه قالو ماجاه الاالدب



بس امي الله يحفظها دايماكل مايعيروني تقول منحرين منك خليهم عنك انبسط مررره واصدق واللحمد لله ماثر في كلامهم لما وصلت سن المراهقه ضعف وووزني مرررره


واللحين وزني عادي


اهم شي لاتجرحينها ولاتكسرين خاطرها


كله من الله انتي تصدقي عنهابنيه علاجها من السمنه لاجل الله يخفف سمنتها


واعطيها ما زمزم لنفس الغرض ادري دووختك تصدقين اول مافتحت النت على طول لموضوعك



:26: :26: :26: :26:

حبيبتى وليه كل هالتعقيد انتى بنفسك خليتى بنتك تتاثر واذا هي سمينه خلاص لابد نعقدها

تدرين بنتى ماشاء الله لاقوة الا بالله دبدوبه وسمينه وعمرها 7 سنين انا عارفه انه مو بيدي

ولابيدها لكن خليت الموضوع عادي على الاقل لحد ما الاقي علاج تامنين بالله انا كلنا

في البيت مانناديها الا الدبا وينها الدبدوبه نامت الدبااا صحيت .... هاااا دبتى وش تبين اليوم

وش قالت اليوم الابلا لدبدوبتى اقسم بالله انها تضحك ومبسوطه لانى مابيها تتعقد وتحس انها

غير انتى ارفعي معنوياتها وحاولي ماتحطميها وخذي الموضوع على الاقل قدامها انها عادي

وربي حرام ترى تحس البنت وتتعقد

ولاتنسين انا دبدوبه شوي وابوها بعد ودايما اقول هذي حبيبته امها وابوها دبدوبتهم

بنتك حراااام طفله لاتخلينها تضعف وتتاثر

جربي غيري معامتك معاها وراح تشوفي قولي لها انا كنت كذا يوم انى صغيره انتى الوحيده اللي

مثل امك يوم هي في سنك وبس تكبري ياماما راح تنحفي ويصير جسمك حلو

شكرا حبيبتى انا حبيت اوضح لك ان اللي عندك عندي لكن حلي للموضوع يختلف عنك كثير

والحمد لله ما اثر على ولا على بنتى

اختك القهوووه

جزاااااااكم الله خير اخواتي على ردودكم


الله يعلم شكثر يتقطع قلبي عليها ، المشكله نظرات الناس وكلامهم ما يرحم ....

اختي قهوه بالزنجبيل كلام خفف عني واااااااااااااايد ، ما شاء الله عليكي متقبله الموضوع بصدر رحب ، عكسي تماما....


مشكورين اخواتي

واللي عنده تجارب من اخواتنا ياريت تفيدنا

انا وديته مستشفئ العسكري وسوالي فحوصات شامله عادي والحمدلله مافي العافية بس ليش ماتروحين معاه الممشئ يعني مشيه خفيف مو وايد لان في بعض الي الاطفال من كثرت الجلوس يمتنون لان مافي حركه او نشاط جسماني وبعدين صج لاتهتمين حق سوالف الناس لا تعقدين بنتش وهي توها صغيره حرام والله تتعقد وتكهره حتى نفسها حبيبها بنفسها خليها اهي الي تختار ملابسه حتى لو مافي قد قياسه خيطيلها ومن ناحية الاكل اشتري لها اواني على شكل رسومات بناتية على شان تستانس وباحجام صغيرة يعني نفس الاكل الي انتو تاكلون من بس يكون اشوية مو وايد وخليها تتحرك بالبيت يعني تنظف تمسح بس شغل خفيف مو تكدشينها ههههههههه وصدقيني لميها على صدرش وسمعيها كلام حلو ودافعي عنها جدام الناس مالش شغل فيهم قولي ان جسمها عاجبني امديحه جدام الناس وكل ناديه بدلع والله مافي احلى من البنات الله يخليه لش وتضعف بالصحة والعافية انشاءالله