ليه يقرفون منها !

ياقلبي والله قطعتي قلبي وربي لو اشوفها المها فحضني واقولك الله لايحرمها منك ترى الناس استغفر الله يتقرفون من كل شي والله اعرف وحده ماتخلي بنتها تجلس مع الاطفال تقررررف وانا انقهر بس فنفسي اقول بكره تكبر وهي بنتها اللي بتتعب وماعليك فاحد خليها تكون غنيه بك عن الناس الله لايحطها فحاجتهم وكل يوم لميها فحضنك وقولي الحمدلله يارب ع احلى عطيه والله تتوالى عليك النعم وربي يغير حالك لافضل حال
الله يجعلها لك ولابوها شفيعه '''
ويغرس فقلبك الرضا والراحه والسعاده 😌
تحياتي،،،،،

عمري هي عورتي قلبي الله يخليها لتس يارب .... لاتروحين جمعاتهم
روحي لعمتس عصريات واعزميها و ابتعدي عنهم قد ماتقدرين وتعذري بالحمل من هنا لين تولدين اهم شي نفسيتس مع الحمل و نفسية بنتس ... اسفهيهم ولا تبينين ضعفتس وخلتس قويه بصريح العباره قولي المكان الي ما لبنتي رغبه فيه مااجيه ... قولي ذاك اليوم يوم جلست عشان خاطرتس ياعمه للعشاء الاقي بنتس حاطه لبنتي صحن ورا العيال لحالها كأنها جرباء وانا ام وقلبي مايتحمل اذية بنتي ولاودي اشيل بقلبي فخلنا بعيد احسن ...... اعوذبالله من قساة القلوب والله انتس عورتي قلبي ....

هاذي مبالغات حريم ما تنتبهي لها حبيبتي
ممكن تكون الصغيرة قبل سنين حصل منها موقف او حاجه خلت عماتها يقرفو منها و مع الوقت ما قدرو ينسون
و لكن في كل الاحوال هذا ظلم منهم للطفلة
انتي ابعدي عنهم و خلي علاقتكم حقوق و سلام و معايدة و بس
وحطي بنتك في اوساط ناس يحبونها حتى تكبر بدون عقد

حسبي الله ونعم الوكيل هذا وهم اهلها مايخافون الله فيها
انتي ماتقطعيها ع الناس روحي منتزهات ومولات خليها تشوف الناس وتولف عليهم
ولا تزعلي ربي ماينسى احد ربي بينتقم منهم
وان شاء الله الان انتي راح تجيبي لبنتك اخوان ماعاد بتحتاج تلعب مع احد بتكون تلعب معاهم ان شاء الله
ربي يتمم حملك ويقيمك انتي واطفالك بالسلامه ويحفظ شيهانه

ياسبحان الله جد فيه حريم كبار باالسن لكن عقولهن صغيره وجاهلات وعماتها من هاالنوع وتعاملهن مع بنتك اكير دليل على انهن متخلفات
عندي قريب به متلازمة داون توفي قبل اشهر رحمة الله عليه والله يجعله طير من طيور الجنه سبحان من اعطاه المحبه والقبول من الكبار والصغار هذي الفئه فيهم طيبة قلب وحنيه مستحيل تلاقينها بااحد غيرهم ملائكه تمشي على الارض والغريب من كلامك انك تقولي انها عدوانيه وهذا عكس شخصيتهم وطبيعتهم اكيد فيه موضوع اثر على نفسيتها او طريقة المعامله سواء منك او من قرابتها خلاها تتعامل بعدوانيه فلازم تعرفي ايش السبب اللي غيرها لان طبيعتهم مسالمه مايأذون اي احد وحبوبيين وانتبهي انها ذكيه تعرف من اللي يحبها ومن اللي يكرها وحساسه جدا فلاتتهاوني بمعاملة اي شخص له بقسوه او كلام جارح لانها تفهم
وانتي مسؤوليتك كأم وواجبك يخليك تبعدينها عن كل شخص يحاول يجرحها او يحسسها انها غير عن بقية الناس حتى لو كانت وناستك بجمعتهم احرمي حالك منها
لاعاد تزورينهم ابدا لما يتعدلوا ويعاملوا بنتك احسن معامله وعمتك زوريها بوقت مايكونوا فيه مجتمعين وفهميها سبب مقاطعتك لهم
ولو انتي استمريتي تزورينهم وعماتها بهاالشكل فاانتي تكونين شريكه معهم بتدمير شخصية بنتك وجرحها
الله يحفظها لك ويجعلها شفيع لك باالاخره وحسبي الله ونعم الوكيل بكل شخص يجرح هاالفئه او يجرح اهله بكلمه او حتى نظره