ابغي مشورتكم خواتي في وضع ابنتي الله يشفيها

فتحت والله وقريت وتشبعت كل اللي سوو العمليات تبهذلو وفجأه تلقين محد قام يعطي معلومات .. اللهم آمين ربي يجزاك خير

الله يجعلها شفيعه لك يوم القيامه والله يصبرك على فراقها .. من واقع تجربتك هل تنصحيني اجري العمليات لبنتي اللي فهمته مره تعذيب والمحصله تلطيف وليس علاج .. وبأي مستشفى كنتي تراجعين ؟

وعليكم السلام ورحمة الله وبركاته
انا حالتي مثل حالة بنتك بالقلب ضمور بالجانب الايسر والحمدلله على عطية الله مثل حالتك الاطباء رفضو يسوون لولدي العمليه لي انها بتعذبه وماراح تكون شفاء له بس بتكون تخفيف لحالته وولدي الحين عمره 10 شهور ومن فضل الله ورحمته ولدي حالته مستقره وقبل فتره كان يعطونه علاج من الوريد والحين اللهم لك الحمد فكو منه العلاج ووضعه مستقر الأطباء قالولنا انه بيصير له اشياء كثير بس سبحان الله لايومك هاذا ماشاء الله ربي خيب
ظنهم بكل شي قالوه والحين ولدي تحت الملاحظه عشان يشفون ولدي اكثر واذا ربي كتب له الخروج من المستشفى بيطلع باذن الله واهم شي توكلي على الله وكل شي من الله خير لنا والله يصبرنا ويعوضنا واللهم كل الحمد فوق كل شعور

ربي يشفيها ويطمنك عليها

الله يرزقها شفاء عاجل غير اجل ، ادري ان التخصصي كويس لكن هذا مايمنع تروحين كمان لكذا دكتور ، خذي نسخه من ملفها وتقارير الدكاتره اللي شافوها وراجعي عند كذا واحد ، ماتدرين سبحان الله ربي يكتب لها علاج بواحد ثاني ، بس والله ما عندي اي خلفية عن حالة بنتك ودعيت لها
بس كيف تغذينها تحسين تتقبل صدرك او اساسا مارضعت منه
والحليب كيف معاها اي نوع
وبخصوص الاكل وش دخلتي لها خضار