- بسم الله الرحمن الرحيم
السلام عليكم ورحمة الله وبركاته
بدايتآ أنا مشكلتي اني أعاني من سمنة مفرطة
لاني تعودت من وانا صغيرة
اني أكل اي شي يعجبني بدون ما انتبه إذا
هي مفيدة او ضارة
واكل بكميات كبيرة...
صرت أعاني من وزني بأشياء كثير
اعاني منها نفسيا وجسديا
اعاني منها نفسيا لما اشوف البنات يقدرون يلبسون اي شي يعجبهم وانا لا
ولهم حرية يختارون الملابس بدون ما يشيلون هم القياس وانا اقعد الف وادور السوق عشان الاقي شي بمقاسي
وغالبا الملابس الي على مقاسي مو حلوة
والتعب النفسي ما وقف بس على قياسات الملابس
حتى بالمظهر الخارجي
صرت أكره شكلي و ثقتي بنفسي معدومة
شعور قااسي فعلا لكل بنت بنفس حالتي
وخصوصا إذا كانت الحالة المادية صعبة
ولسان الحال يقول ...ما بيدنا شي نسويه
عشان ننقذ نفسنا من بلاوي السمنة وأمراضها
أكثر من مرة يجيني الم بالظهر ورماتيزوم بالركبة حتى لمن أنام يجيني أنقطاع بالتنفس...وكمان الدورة الشهرية وانتم بكرامة ما تنزل معي إلا بحبوب
صار لي على هالحال أربع سنوات
ما تنزل معي إلا بالحبوب
متعبتني كثييير الحبوب أثرت على شعري
صار يتساقط بكثرة بسبب الحبوب
واللله العظيم يا بناااات مدري ايش اقول وايش اخلي.....
انا كل ما احاول أتبع رجيم أو حمية
ما تعدي أربع أيام إلا وأنا أترك الريجيم
ما اتحمل ...احب اكل بكميات كبيرة
انا ودي اروح طبيبة تغذية
عشان تعطيني برنامج حمية
بس انا أخاف تعطيني لائحة ماكولات انا ما أقدر أوفرها نحن أكلنا بسيط و من الدكان دائما
لان حالتنا صعبة
يعني مثلا فطورنا بيض واحيانا ساندويتش جبن مع ببسي
غدانا مثلا إيدام بطاطس أو مكرونة مكشنة
عشانا يكون أكل سريع احيانا
زي اندومي او ساندويتشات نسويها بالبيت
أكلنا جدا بسييط ومع هذا أنا سمينة
كيف ؟؟! أنا ما أدري
ياليت يا بنات تساعدوني والله العظيم
ان مظهري يجيب لي الكآبة
وانا في هموم ما يعلمها إلا ألله
الله يجزاها خير اللي تساعدني
والي ما تقدر
تدعي لي فقط أن الله يرزقني الصحة والعافية عاجلا غير آجلا
......وأكون شاكرة لها
سبحانك اللهم وبحمدك
أشهد أن لا إله إلا أنت أستغفرك
وأتوب إليك