ماعندي احد يحبني من اخواتي ولاصديقات ولا اي شخص اقابله

وليش تدورين الزواج قولي الحمدلله منتي متزوجه
أحسن من اللي تتزوج وفِي الأخير يطلع زوجها موعارف قيمتها وتسير مطلقه

قريت الجزء الاول مو كلامك كلام أخواتك عادي مافيه شي ولايقصدًبه شي انتي حساسة قوي نفسك شوية والا الناس بتصير تعاملك بتحسس بدال مايعاملونك طبيعي
انا اختي عمرها نفس عمرك وماتزوجت ولقيت مرة أدعية وأعجبتني انا مادققت في الكلام الي في البداية أخذت اللنك وارسلته للعائلة كلها وتتصل علي زعلانة وتهاوشني وايش قصدك وشكتني لاهلي وسالفة وتدعي علي آثاري مكتوب. في البداية دعاء ل ......... ناس كثير ومن بينهم العوانس طيب انا ماقصدت وارسلت للجميع هل تحسين اني غلطت ؟

دوري وظيفه اقل راتب ثلاث الاف عادي اهم شي توظفي واهتمي بنفسك اكثر وعزيها عشان يحترمونك بجد حبيت انك تساعدينهم على عيالهم

شوفي ياقمر أنا عانيت من صغري معاناة مايعلم فيها الا الله يوم كبرت بعد أعاني وزادت معاناتي لأني تأخرت ماتزوجت وبعد مدة طويلة صاورا يتكلمون ناس إلي بيخطبوني بس يختفون ولايتقدمون رسمي
وللحين أنا مو متزوجة وكبيرة ومرت فترة علي متضايقة من هالموضوع وحزينة بس بيوم فكرت بعقل وقلت الحين حالتي النفسية هذي بتغير شي ؟هل الحزن بيخليني أتزوج مثلا؟ فكرت وعرفت إن حزني ماراح يفيدني بشي ومن يومها عايشة حياتي ومطنشة الناس وكلامهم مايهمني وأسوي الأشياء إلي تسعدني ولاعاد أتأثر بكلام أحد لأني أشوف السعادة بقدرة الإنسان إنه يسعد نفسه وقيمة الإنسان مو في إنه يتزوج قيمته يقدر يسويها هو بنفسه من إحترامه لناس وثقته بنفسه وتقديره لنفسه كل هذا بعد الله طبعا
تبين نصيحتي :بكتبها لك على شكل نقاط
1-لاتهتمين بكلام الناس أبدا حتى لو كان كلامهم يجرح طنشيه وترى فيه ناس دفشة مايحسون إن هالكلام يجرح إلي يده بالماء مو مثل إلي يده بالنار لذالك مايحسون ومو قصدهم يجرحون أصلا.
2-إلي يقدرك قدريه وإلي مايقدرك لاتردين عليه وأنت أصلي أرحامك كل أرحامك أصليهم عشان ترضين الله فقط أسألي عنهم وإذا أحد قط عليك كلمة طنشيه لأنك تسوين هالشي عشان رضى الله سبحانه.
3-أهتمي بنفسك من جميع النواحي من شعرك لأقدامك وكثفي الاهتمام وإذا بيجيكم حريم تزيني وأطلعي لهم لأن يمكن ناس بيخطبونك بس مايعرفونك شكلك وشخصيتك وهذا إلي يردهم وحتى لو الناس إلي يجونكم ماعندهم عيال بسنك يمكن يذكرونك لأحد يدور وحدة بنفس مواصفاتك وأحضري مناسبات ولا عليك من إلي يقولون هذا أسمه عرض لنفسك هذا مو عرض الناس وشلون بيعرفونك إذا أنت مسكرة بابك عليك أنت تتعرفين على الناس وتطلعين قدامهم عشان يعرفون إن فيه كائن حي أسمه فلانة مو عشان تعرضين نفسك يعني طنشي كلام هالبنات. بس لاتتلزقين بأحد زيادة عن اللزوم يعني قومي بالواجب عليك فقط من غير تلزق
أعرف وحدة بناتها كلهم تزوجوا لأنها إذا عرفت إن أحد بيجهم كشخت بناتها كشخة مناسبة طبعا لنوع المناسبة إذا مثلا ناس بيجونها بالبيت تكشخهم كشخة مناسبة للبيت مو كأنها بعرس وأنت تعرفين طبعا
وتروح للناس إذا عزموها ومعها بناتها كاشخات وأحذرك تطلعين لناس بيوم مو مرتب شكلك
وأنت أطلعي على الأشياء إلي يتسخدمونها البنات حاليا واللبس بس أنتبهي خلي لبسك ساتر دايم وخليك أنيقة دايم أيه ولاتنسين أهتمي بنظافة بيتكم -
4-خلصنا من الاهتمام بالنفس نجي لجانب الدين أول شي أرقي نفسك يمكن فيه عين مانعة زواجك دايم أرقي نفسك وأسمعي رقية الشيخ إبراهيم الرويس من اليوتيوب وحافظي على الصلوات على وقتها وأكثري من الإستغفار وقراءة القرآن والدعاء أدعي الله إنك تتزوجين
5-إذا تقدرين تدرسين أي شي لو دورة تفيدك بالتوظيف أدرسيها وإذا لقيتي وظيفة توظفي
كلامي إلي أقوله هذا أقوله حتى لنفسي وأدري إن عدم الزواج مو عيب ولاتشلين بخاطرك أفرحي واستانسي عشان لما يصير نصيب إن شاء الله وتزوجين تكون بشرتك حلوة مو رايحة من الهموم
أخيرا لاتزعلين مني لو كلامي فيه شي يزعل والله إني أبي مصلحتك مثلي يوم أبي مصلحة نفسي وحنا مانعرف بعض
ويارب تتزوجين عاجلا غير آجل
ولاتهتمين وأنسي كل الكلام الجارح إلي تعرضتي له من الناس لأن مراح تستفيدن شي الا تحرقين نفسك فقط أنا سامحت كل إلي جرحوني ونسيتهم ماعاد أهتم لهم

هو صحيح فيه مواقف تزعل زي موقف زميلتك
وفيه مواقف جدا عاديه زي موقف اختك الي قالت دحديره
هالموقف صدقيني عادي جدا وممكن كانت متضايقه من زوجها بس ماوضحت وفضفت بها الطريقه
وممكن تحسب انها بتخفف عليك يعني لاتتحسرين اذا ماتزوجتي
لكن حسد مستحييييل لانها قاعده تخفف عنك انه لاتشيلي هم الزواج هذا انا متزوجه بس مو مرتاحه بس انت تحسستي وماالومك المجتمع اجيانا قاسي