الكبه المقليه

اختي نوع البرغل وبهارات الكبة هني اساس الكبة الناجحة .لان في انواع برغل ناعم بس ما تظبط الكبة فيه .افضل نوع هو اللبناني الاسمر البلدي ومن بعده بيجي التركي الاصفر.بالنسبة للبهارات انا ما شفتها بالاسواق هون.يمكن بالمحلات السورية تلاقيها.

شو اسنها البهارات وكيف بتعمليها دلينا

الله يدلك ع ابخير

حبيبتي سهلة كتير
البهارات هي بردقوش وكمون وكزبرة يابسة مطحونة وريحان ما في مشكلة لو كان الريحان اخضر والبردقوش كمان اخضر بيعطوا طعمة اطيب
بالنسبة للبرغل ما في مشكلة فيه بس اهم شي تنقعيه منيح
يعني انا بجيب لحمة مطحونة اكتر من الناعمة بقول للجزار للكبة وهو بيعطيني هي
كيلو لحمة ناعمة جدا جدا لدرجة بتصير ملساء متل البطاطة ما تسلقيها وتطحنيها متل الكريم يعني
كيلو برغل ناعم اسمر او اشقر ما في مشكلة
بتحطي البرغل بوعاء كبيرة وبتحطيه عليه مي وبتحركيه بإيدك منيح كل ما حسيتي نشف المي زيديه تركيه ربع ساعة بالمي رح تحسي انو صار نفس وانبل يعني صار طري لو عندك خلاط لحمة فيكي تحطيه بالخلاط وتزيدي عليه بصلتين مقشرين وملعقة صغيرة من انواع البهارات الي قلتلك عنا مع البصلة والبرغل وبتطحنيهم منيح لو حسيتين ناشفين زيدي مي ليصيروا عجينة واكيد بتزبطي الملح ولو ما عندك خلاط بتبرشي البصلة ناعمة وبتزيدي عليها البهارات . الوعاء الي فيه برغل بتصيري تدعكيه بإيديكي منيح وتعجنيه اكيد لو ناشف بتزيدي مي لحد ما يصير كأنه عجينة البرغل بترجعي بتحطي فوقه اللحمة والبصلة والبهارات وبتعجني منيح منيح لحد ما يصيروا عجينة تقدري تتحكمي فيها .
بالنسبة للحشوة بتجيبي لحمة مفرومة وبتفرمي بصل ناعم وبتقليهم مع بعض ولو بتحبي حطي معهم صنوبر ورشة قرفة وسبع بهارات ورشة دبس الرمان وزبطي الملح ولما يستووا بتشيلين ع جنب
اما بالنسبة للكبكبة حطي وعاء فيه مي وحطي جنبك الحشوة والعجينة الي عملتيها من البرغل واللحمة وبتصيري تشيلي كمية قد ما بتحبي القرص يكون وبتعمليها على شكل كورة بتشكلي اصبعك بالمي وبتجوفيها منيح لحد ما تنحفر وتطرى بتحطي بقلبا الحشوة وبتعمليها بالشكل الي بتحبيه وبعدين لما تخلصي بتقليها وصحتين