كيف اسمن واكبر صدري؟

طحينه سايله مع تمر ، المايونيز ، النوتيلا مع توست ، لاتقصرين ع نفسك ب الاكل وابشري بالوزن اللي يزيد بسرعه

طحت نصف السنه بتمرة وحليب يالله وش كبرت ماشاء الله نتفخت نفخه خدود صدر ..الخ ..
والناس تعلق كبرتي وحده من البنات قالت ماعرفتك والزيادة كانت11كيلو..وهالسنه رجعت لوزني الطبيعي وخففت كثير من هالعادة

كم تمرة ؟والصبح ولا بليل

حبيبتي انتبهي من الأكلات العالية في سعراتها الحرارية
لأنها بتسبب لك أرتفاع في سكر الدم وأرتفاع في نسبة الدهون الثلاثية
وتصلب وانسداد الشرايين وإنتي في غنى عن هالمصايب الله يحميك منها
غير أن زيادة الوزن عن طريق الغذاء الغير صحي تتوزع الدهون على حسب تركيبة وهرمونات الجسم
مو على رغبتك وممكن يصير عندك سيلوليت بتركز الدهون في مناطق معينه من جسمك
وبعدها بيصعب عليك إخفائها أو نزول بالوزن إذا وصل لأبعد مما تتمنين
لأن مستوى عملية الايض تتفاوت من شخص لآخر وبرضو تتفاوت من فترة لثانية عند الشخص نفسه
لكذا أنصحك بممارسة الرياضة مع الإحتفاظ بكميات وجباتك وعددها ولكن الأفضل أنك تختارين
الغذاء الصحي الشامل لينعكس على صحتك وجمالك
ومعلومة بكتبها لك وأتمنى ان البنات اللي حابين ينحفون يغمضون عيونهم
الرياضة مو مخصصة لخسارة الوزن فقط ممكن انها تزيد الوزن لأنها تفتح الشهية وبيكون الاقبال على الأكل أكبر
وبتمارين المقاومة يزيد الوزن بالكتلة العضلية اللي تشد وتقسم وتنسق هيئة الجسم "وعلى رغبتك"
تمرني خمس أيام في الأسبوع
وقسميها اليوم الأول والرابع مقاومة لعضلات الصدر بما ان هالموضوع متعبك نفسيًا
اليوم الثاني لعضلات اليدين والظهر
اليوم الثالث لعضلات البطن والخصر
اليوم الخامس لعضلات الجزء السفلي
وبعدهم تمرين كارديو 30 دقيقة الا في اليوم الخامس تكتفين بالمقاومة
وطبعًا ضروري تمارينك تستخدمين فيها أوزان أضافية تبدين بـ 1 كليو وإذا حسيتي انك ما تبذلين مجهود
أنتقلي لـ2 كليو لحد ماتوصلين لأخر وزن تقدرين عليه لتهيئين العضلات بالتدريج ولايصير لك إصابات لا سمح الله
وبنهاية التمارين بـ15-45 دقيقة تناولي بروتين (سمك,دجاج,لحوم حمراء) بيض وبالأخص البياض أو كاس حليب
لتساعد في إستشفاء العضلات وبنائها
وبإذن الله بتحققين مرادك وإنتي بأتم صحة وعافية.

معليش خيه الله يعطيك العافيه
لي زمان وانا ابي اسوي تمارين لشد وتكبير الصدر هل بعد التمرين مباشره اكل البروتين لجل يتوزع