تعالوا نتعلم الطبخ وفنونه سوا (شدوا الهمه)

الله يرحم أم فيصل ويعفو عنها ويكرم نزلها .. شخصيا استفدت منها كثيييييرا .. الله يجزيها جنان الرحمن .

الله ينور طريقك ويسر امرك يالغاليه شكرا تعبتك معي

حبيبتي انامصريه هقولك طريقة المحشي بتاعتي.الخلطه دي بنحشي بيها كل الانواع الكرنب والكوسا والبادنجان وورق العنب والفلفل الاخضر.بتجيبي بصلتين كبار تفرميهم وتشوحيهم علي النار في زيت لحدالبصل ميصفر تكوني مجهزه طماطم مضروبه في الخلاط وتنزليها علي البصل وتحطي ملح وفلفل اسود وبسيط اوي كمون وتسيبيها تتسبك علي الهادي وعلي متتسبك اغسلي الرز كويس من غيرتنقعيه وجهزي ربطة شبت وربطة كسبره وربطة بقدونس تكوني غسلاهم كويس ومقطعاهم صغير صلصتك اتسبكت دوقيها الملح كويس تنزلي بالخضره وتقلبي وبعدين الرز وتقلبي كويس كام تقليبه المكونات تختلط وبس اطفي لو بعد متخطي الرز لقيتي لسه في صلصه علي النار علي الحله وقلبي باستمرار دقيقتين هتلاقي الرز شرب الصلصه اهم حاجه تكوني موازنه بالنظركدا كميه الصلصه مع كميه الرز لوحسيتي ان الصلصه بعد متسبكت هتبقي كتير علي الارز شيلي منها وفرزنيها وبس كدا سيبي الخلطه تبرد شويه وتمام احشي بقي اي نوع الكوسه والبدنجان بفرش تحتهم اللي بيطلع من قلب الكوسه عشان الكوسه متلزقش في الحله وبحط البدنجان والكوسه في الحله بالطول مش بالعرض تمام حشيتي وخلصيتي نيجي بقي للتسويه شوفي الشوربه الموجوده عندك شوربة لحمه اوفراخ يكون ملحها مزبوط وسخنه هتحطي الشوربه لحد تلتين الحله وانتي وبتحطي الشوربه تخلي الشوربه تنزل علي الصوابع يعني انتي بتبقي حاطه الرز في الكوسه تلات اربع وفي حته فاضيه في الكوسايه تحطي فيها شوربه عشان الرز يستوي كويس بعدمتحطي الشوربه تولعي النار عاليه يغلي كام غليه وبعدين هدي خالص ولوعندك شياطه حطيها تحت الحله الكوسه بتستوي بسرعه يعني ربع ساعه علي الهادي وبتستوي وحتي لوالحله لسه فيها شوربه بطلع الكوسه براحه وارصها في صينية تيفال وادخلها الفرن عشر دقايق وعلي وشها رشة زيت الكوسه بتتحمر وكدا تمام وكلي احلي محشي واي استفسار فط الاكل المصري انافي الخدمه.انارغيت كتير بس حبيت اوضح الطريقه بادق التفاصيل

الله يرحم ام فيصل ويغفر لها ويجزاها الجنه

نسيتي البهارات..كمون كثير وملح وفلفل وزيت